يا جماعة الواحد معاة من النهاية كدة 15 ألف و 17 ألف بالكتير أوى
مش عارف بقى أجيب أية ولا أية يعنى أجيب بيجو 305 و لو فيه باقى أظبطها بيهم و لا مثلا أجيب فيات 128 مثلا ولا أعمل أية ؟
بما انى شاب طبعا فيهمنى المظهر فى الدرجة الأولى و بما انى أكاديمى فده ممكن يخلى الناس كلها تضحك من ماركات معينه فمش عارف أجيب أية بصراحة
ممكن لادا
فى عربيات تانيه زى ال 131 و ال 132 بس انا مش عارف اسعارهم ايه؟
و على فكره اللى بيستهزء بماركه عربيه معينه
دا بيبقى واحد معقد
ياما مش عارف يجيب زيها
ياما هو واحد عنده عقده ما و بيطلعها على خلق ربنا لانه عنده عربيه حلوه مثلا بس معندوش حاجات كتير تانيه فبيطلع عقده النقص اللى عنده فى الناس
هاتلك 127 و سيب الباقي لو العربية احتاجت مصاريف
لو انت شاب وعايز عربيت شباب بالسعر ده واقل كمان....هات 132 (سلفر) 2000 نطيفة تعملها 15 الف.....وظبت البودى بالباقى...وحبة وتعالى على نفسك وهات جنوط 17 وكده تمام...وعمر ماحد هيدحك عليك...عشان ماشوفتش ال132 لما بتتظبط بذات السيلفر بتعها بتبقى عاملة الذاى..تحفة..و2000 سى سى موتور شرس وبتجيب ال100 فى 10.2 بس وسرعة قصوى 190 بس لو نطيفة صح.........عن تجربة............
الريتمو جامده فى التظبيط و سعرها فى الحدود دى
فليشيا قريبه برضه
ربنا يوفق
الريتمو حلوه
والفليشيا هتكون اغلى من السعر دة
انا زيك وفى نفس مشكلتك ومأخر شراء العربية بقالى اهو 4شهور
من 17 ل20
تعال نفكر
128
يوميا عند الميكانيكى و3 علب راكبين فى بعض وفى الاخر مطلعين عربية
بس قطع غيار بببلاش يصلحها ابن اختك الى لسة بيرضع سهل التعديل والتغيير وعربية الشعب
127
انتها وقف من 20 او 22 سنه وصغيره وصوت الموتور خرافى بيصحى النايم وصعب تلاقى موديل كويس
والشكل مقولكش اقرب الى انها تكون ميداليه
131
اسطورة الفيات بس موديلاتها قديمة فـ صعب تلاقى حالة حلوة
دايهاتسو شاريد
اية اية بتقول اية اية دى...عربية كدا شكلها شيك موديلها بالسعر دا ممكن تجيب 90 اوتوماتيك هاتش باك حطها فى حسابك.........
132
((احساس شخصى)) عربية معلمين وكبيرة على الباقى وشكلها قديم مش بحبها
سوزوكى ماروتى
اصمالله عليها صغنطوطه كدا وتجنن وموديلاتها حديثة وشغالة لو روشنه ولف قليل
يمكن فى انواع تانية نستها
بس انا لخصت الى بدور عليه فى 3 انواع
128/ماروتى/شاريد
ولو ربنا فتحها عليك ووصلت ل22 او 23 كيا برايد بلا تردد او لو دماغك فى الفيات خليها اونو
ولنا عوده
والى فوق كان تعليق بسيط وسريع عشان الحق شغلى