شكر ليك يا فولكانو , و شكرا لكل الي شاركو ! و شكرا للتاكيد يا استاذ ممدوح
انا حنزل اجيب الطقم الألماني الأصلي انهاردة انشاء الله .
عرض للطباعة
شكر ليك يا فولكانو , و شكرا لكل الي شاركو ! و شكرا للتاكيد يا استاذ ممدوح
انا حنزل اجيب الطقم الألماني الأصلي انهاردة انشاء الله .
غير التيل و هات النوع النضيف الغالي ابو 300 جنية في التوكيل(مانت كدة كدة برضة لو حاتغير طنابير حاتجيب التيل تاني برضة علشان الطنابير الجديدة ماتبظش)
و نضف الطنابير و صنفرها بصنفرة حديدي ناعمه
و ركب التيل و شوف بعد يومين الصوت حايمنع و للا لأ
لو مامنعش يبقى غير الطنبورتين كمان
و أنت كمان و الله :lol:اقتباس:
المشاركة الأصلية كتبت بواسطة modux
معلش يا باشا أنا أسف و الله بس كنت عايز أكتب كتير و أنا بكتب بشويش أوى بالعربى :?اقتباس:
المشاركة الأصلية كتبت بواسطة ابوحميد
متستعملش الدبرياج غير لما تدور العربية ولما تنقل من غيار لغيار وعند التهديه قبل وقوف العربية.اقتباس:
انا من هواة الدبرياج جدا !! الله يسامحه الي علمني سواقة .. اي حاجة دبرياج ! عايز افرمل عايز اهدي عايز الف .. دبرياج !!
وانا شايف ان في مدرستين او 3 في الموضوع ده !
ناس تقولك لآ .. مور وانت ماشي !! و من قراءتي لبعض المجلات الآمريكية . قالوا ان ده خطر جامد جدا و خطأ شائع !
و ناس تقولك . لآ فرمل بدون دبرياج .. ولو حتبطل منك تدوم دايس دبرياج .. غير كدة متستعملوش خالص !
و ناس تالتة قالتلي الي انا بعمله دا عادي !!
انا بقالي 26000 كيلو بسوق وبستعمل الدبرياج كتيييييييييييييييير جدا ! في كل حاجة .. بس الحمد الله سليم مفيهوش حاجة ... انهي بقى الصح يا جماعة ؟؟؟
اما بخصوص التيل ةالطنابير فمتسترخصش في الحجات دي لان الخامات بتختلف والفرامل من اهم اجزاء العربية.
سوري يا كريم نسيت اقولك ان لو الطنابير تعبانه و انت بتدوس فرامل حتحس برعشه في الدوايسه تحت رجلك ساعتها تعرف ان الطنابير دي وحشه
صحيحاقتباس:
المشاركة الأصلية كتبت بواسطة hazem_khidr
دي علامة ان الطنابير مقفعه
بس فية عيوب تانية للطنابير تخليها تصفر من غير ما تحس بالرعشة دي
بص يا باشا . التصفير اللى عندك دة لية سبب واضح والكل اشار لية فى الموضوع هنا و هو نوع تيل الفرامل اللى انت جبته.
بس انا ان شاء الله هقولك السبب.
تيل الفرامل بيكون عبارة عن جزئين:
-جزء خارجى كل استخدامة تثبيت التيل
-و جزء اخر يسمى الحشوة و دة اللى بيقفش على الطنبورة لما تدوس فرامل و هو اهم جزء فى اى فرامل .الحشوة دة مكونة من اكتر من خامة و بتكون عاملة زى الكربون.المهم انت لما بتسترخص فى نوع التيل بتكون الحشوه دة فيها نسبة حديد كبيرة و دوة بيأدى ان التيل الحديد و الطنبورة بيعملو صفارة عالية عند الفرمله و طبعا مع الاستخدام هيعمل ريجة فى الطنبورة و بعد كدة الطنبورة تبوظ خالص و لازم تتغير.والمشكلة الاكبر من دة كله بتكون ان الفرامل متعملش بكامل قوتها و دوة لا قدر الله ممكن يسبب حوادث.
نصيحتى ليك انك لو هتشترى هات الاصلى لو ملقيتش هات انضف نوع بعد الاصلى
صحيح بس النسبة بتبقى نحاس مش حديد اللي تخلي التيل يصفر
و يبان انك تلاقي التيل غالبا فية نقط دهبي بتلمع من النحاس غالبا بتبان بالعين و هو جديد او بعد مايستعمل شوية
مش ممكن يكون التيل الخلفي مش الامامي؟؟؟؟؟
الصفاره ساعات لما تطلع ما تبقاش عارف هي جايه منين ممكن يتهيالك انك بتسمعها من قدام و هيا جايه من ورا.
عموما حاول تمي في شارع فاضي و براحه و مور العربيه و ارفع فرامل اليد بشويش و شوف حتسمع صوت ولا لاء؟
لو سمعت صوت صفاره يبقي كده التيل الخلفي مش الامامي.
لأ التيل الخلفي لو قباقيب مش سكينة عمرة ما يصفر
الصفارة فقط من التيل في الطنابير السكينة (الامامية)
و بعدين هو قال انة بعد تغيير التيل الامامي الصفارة منعت 3 ايام و رجعت يبقى التيل الامامي وحش (فية نحاس كتير)