تـطــور عــالم السـيـارات , و مـــاذا بـعــد !
منذ بدأ عالم السيارات و هو يشهد تطور الى الان و لن يقف هذا التطور .
لا اقصد التطور التكنولوجى بعينه و لكن تطور الناس مع عالم السيارات .
زمـــــااان , كان الاوتوموبيل وسيلة ترفيه من الدرجة الاولى للرؤساء و الملوك و الباشاوات .
كان يقتصر على الطبقة الغنية فقط من الناس , و كان عدده قليل جدا جدا و بمجرد النظر اليه يدخل السرور الى قلب الناس .
و كانت هناك ناس لا تبالى و لا تهتم به حتى انها كانت تعتقد انه من المستحيل الحصول على اوتوموبيل فلذلك لا تعطي الشيء اهتماما اكبر منه .
تطور عالم السيارات و اصبحت سلعة انتاجية كمثل السلع و المنتجات و ابتدت منافسة بين شركات السيارات على البيع الاعلى و الخصومات و العروض و ما شبه .
زاد عدد السيارات و لكن فى البداية لم تكن عملية البيع كبيرة الى حد ما .
لان زمان كان عدد الناس قليل و الشوارع فاضية و الحياة بسيطة , و لكن مع الزيادة السكانية و وجود الاحتلال الانجليزى الذى ادخل وسائل المواصلات الحديثة ووسائل التكنولوجية الحديثة مصر زادت رغبات الناس فى الحصول على سيارة مثلها كمثل باقى السلع الاساسية فى حياة الناس .
كانت احتياجات الناس للسيارة محدودة جدا و معروفة ايضا .
الذهاب لمشوار بعيد , التنقل فى المدن بالاسرة دون الحاجة الى مواصلات , تقضية الحاجة اللازمة و هذا هو المطلوب .
لكن اليوم ماذا حدث !! تعالوا نقارن .
هيثم و رامى و تامر بيتفقوا انهم يتقابلوا الساعة 11.30 قدام ON The Run فى مصر الجديدة علشان رامى ركب جنط 17 تحـــــــفة و لازم الشلة كلها تشوفه .
نرمين زعلانة جدا جدا جدا علشان نورهان صحبتها عربيتها فيها سينسور و هى لا .
اما شادى بقاله ساعة على كوبرى اكتوبر و حالته النفسية مش متظبطة خالص علشان مفيش حد قادر يشد معاه .
كريم و محمود بيتخانقوا علشان الجين تو و النيو اكسنت مين الافضل فيهم !
اشرف بقي عايز يركب تيربو و والده مش موافق ( مصاريف على الفاضي ) و هو بيهدد انه هيسيب البيت لو والده مدالوش حق التيربو .
قناة الاخبار شغالة 24 ساعة عن اخبار الحوادث و السرعة الجنونية على الطرق السريعة , و منها عربيات النقل الثقيل ذات السائقين فاقدى الوعى وحوش الطريق كما يلقبون انفسهم .
و اخيرا شوية ناس اسمهم اعضاء على منتدى اسمه نايل موتورز على حاجة جديدة كده اخترعوها اسمها انتر نت بيقراوا مواضيع و بيتناقشوا سوياً فى ما يخص السيارات و متعلقاتها .
طب يا ترى فى ايه قادم و ما هى توقعاتكم للمستقبل !
