طبيعي إننا كنا بنتضرب و احنا صغيرين.. بناخد علق و نتعاقب على الحاجات الغلط اللي بنعملها.. إنما يا ترى هل دي طريقة صح للتربية؟
فيه آباء و أمهات بيضربوا ولادهم عمال على بطال و السبب هو يا إما عشان يتربوا صح أو بسبب ضغوط الحياة بتخليهم يطلعوا غضبهم في ولادهم. و فيه ناس تانية بتضرب في حالة الخطأ الشديد أو تكرار نفس الخطأ أكتر من مرة فبيدوا عيالهم ساعتها "علقة موت" و بتكون مرة أو مرتين في العمر. و فيه نوع تاني من الآباء و الأمهات ما بيمدوش إيدهم على ولادهم خاااااااااااااالص مهما كانت الظروف او حجم الخطأ، و بيلجأوا لأنواع عقاب تانية زي حبس الطفل لوحده في أوضة لمدة معينة أو حرمانه من فسحة أو لعبة.
أنا ماما كانت من أنصار الطريقة التانية :ma:
يا ترى أنهي طريقة الأصح؟