أعمل صيانة ال 5000 ولا اطنش واعمل ال 10000؟؟؟

**basemzaki** · 13-08-2009 12:42 PM

اخواني اعضاء المنتدي الكرام:

لدي سؤال أعتقد انو ممكن يهم كل اللي عملو صيانة ال 1000 بالتحديد، وهو اني اشتريت نيو اكسنت 2009 اوتوماتيك في شهر ابريل2009 وعملت صيانة ال 1000 في التوكيل و ماشي بالعربية حتي الآن 4500 كيلو. ولما عملت صيانة ال 1000 غيرت زيت شل 10000 كم وفلتر.

السؤال الأول: اعمل صيانة ال 5000 و اغير زيت وفلتر تاني نظرا لأن العربية كانت بتلين وفي احتمال للشوائب من تليين الموتور أفضل ولا اطنش واروح علي صيانة ال 10000 بالمرة خصوصا اني حاطط زيت 10000 كم؟؟؟؟

برجاء افادتني بأرائكم نظرا لأن الآراء اختلفت فهناك من يؤيد عمل صيانة ال 5000 وتغيير الزيت والفلتر ، وهناك من يعارض ويقول طنش واعمل صيانة ال 10000 بالمرة !!!!!

السؤال الثاني: لو كانت ارائكم هي عمل صيانة ال 5000 فهل اغير زيت ال 5000 ولا اغير زيت ال 10000 وبردو أروح اعمل صانة ال 10000 وبعد كدة أمشي صيانة كل 10000 كم ( يعني بعد ال 10000 اعمل 20000 مش 15000).

السؤال الثالث: هل ال 5000 يتم احتسابهم من بعد ال 1000 أي قراءة العداد 6000 كم ولا عند قراءة العداد 5000كم؟

في انتظار اراءكم التي قد تفيد الكثيرين غيري لديهم نفس الاستفسار، وشكرا.

**monmonmon** · 13-08-2009 01:29 PM

سيبك من كل ده يا باشا و الحسابات دى

طالما غيرت عند ال 1000 كم زيت 10,000 و فلتر فأنت مش محتاج تعمل صيانه 5000 كم.. لو غيرت الزيت عند 10000 هتبقى مشيت بيه 9000 كم و متقلقش من موضوع الشوائب و الكلام ده نهائيا (مش عايز اقولك انه كلام مش صحيح).

انا عربيتى عامله 6145 كم و معملتش اى صيانات و لا حتى غيرت زيت و لسه ناعمه جدااااااا و الموتور صوته زى ما كانت زيرو.. و ناوى اغير زيت 10,000 كم و الفلتر.

**basemzaki** · 13-08-2009 01:35 PM

اشكرك علي الرد

**Amrrr** · 13-08-2009 02:27 PM

من ساعة ماجبت العربية لحد دلوقتي باروح كل 10.000كم ومش باروح خمسات خالص وكله زي الفل & انا عامل 80.000 كم

**momen_kha** · 10-09-2009 11:36 PM

أنا اشتريت عربيتى النيو اكسنت واستلمتها فى شهر 7 يوليو وعملت لها صيانة 1000 كيلو وغيرت الفلتر وحطيت زيت شل 10000 كيلو بس فى سؤال ... هل الزيت ابو 10000 كيلو لو قعد أكثر من سنة فى العربية ومغيرتهوش يأثر تأثير سلبى على أداء العربية ؟ وفى رأى ليا برضو أنه لازم الواحد يلتزم بمواعيد الصيانة المقررة فى دفتر الصيانة .ومش لازم نطنش ونروح بمزاجنا ...والا ااااايه ؟؟؟