سؤال عن الشارك للباشمهندس طارق ؟

**mada121977** · 13-08-2009 02:41 PM

الاخ الفاضل الباشمهندس طارق
سؤال بيدور فى ذهنى منذ فتره طويله وكل مااجى اكلم حضرتك عليه كنت بنسى
وهو : ليه الشارك الفول اسبورت اللى هيا اعلى فئه مابتنزلش بناقل حركه مانيوال .. يعنى ليه دايما بتنزل اوتوماتيك وايضا كان فيه موديل منها هاف اسبورت وكان مانيوال والشركه بطلت تستورده برضه مش فاهم ليه ؟؟
يعنى انا بحب جدااا ناقل الحركه المانيوال ومابحبش الاوتوماتيك خالص وفيه ناس كتير اعرفهم برضه زيى كده مابيحبوش الاوتوماتيك فليه نحرم الناس دى من المواصفات اللى موجوده فى اعلى فئه فى الشارك علشان مافيهاش مانيوال ؟؟
واسف على الاطاله .

**مصراوي جدا** · 15-08-2009 12:03 PM

اهلا يا استاذ أحمد والله واحشني يا راجل جدا كل سنة وانت طيب .. وباذن الله نشوفك في افطار رمضان المجمع واهي فرصة لكل اللانسراوية اللي عاوزين يتقابلوا ومش عارفين نتجمع كلنا في افطار رمضان
باذن الله ادارة المنتدى تعلن قريبا عن الموعد والمكان بالظبط في قسم المقابلات الجديد اللي تم افتتاحه بالمنتدى

http://www.nilemotors.net/Nile/forum106/

نيجي بأه لسؤالك .. والله انا كمان الموضوع ده فكرت فيه كتير واجابته كالتالي

مفيش اي مشكلة تمنع ان العربية السبورت او الهاف سبورت الشارك تكون مانوال مش بس كده كمان البومة السبورت والهاف سبورت والسام ممكن تكون مانوال
لأن السبورت دي مجموعة كماليات ممكن يطلبها الوكيل للمانوال او للاوتوماتيك انما تقدر تقول ان الوكلاء بيعتبروا ان الاوتوماتيك رفاهية اعلى من المانوال وبالتالي لما يحب يطلب اعلى رفاهية واعلى كماليات فالعربية لازم تكون اوتوماتيك ثم يضاف عليها الكماليات الأخرى

عموما انا باذن الله اكلم ادارة الشركة في الموضوع ده وباذن الله من 2010 يكون فيه موديلات متوفرة سبورت وهاف سبورت شارك وبومة مانوال لأن اكيد لها عشاقها

وعموما انا هاعمل موضوع فيه استطلاع رأي للانسراوية علشان نجمع اصوات تساعدني في اقناع الادارة ان السبورت المانوال لها عشاقها

مع الشكر

**mohamedway** · 15-08-2009 11:20 PM

المشاركة الأصلية كتبت بواسطة مصراوي جدا

اهلا يا استاذ أحمد والله واحشني يا راجل جدا كل سنة وانت طيب .. وباذن الله نشوفك في افطار رمضان المجمع واهي فرصة لكل اللانسراوية اللي عاوزين يتقابلوا ومش عارفين نتجمع كلنا في افطار رمضان
باذن الله ادارة المنتدى تعلن قريبا عن الموعد والمكان بالظبط في قسم المقابلات الجديد اللي تم افتتاحه بالمنتدى

http://www.nilemotors.net/nile/forum106/

نيجي بأه لسؤالك .. والله انا كمان الموضوع ده فكرت فيه كتير واجابته كالتالي

مفيش اي مشكلة تمنع ان العربية السبورت او الهاف سبورت الشارك تكون مانوال مش بس كده كمان البومة السبورت والهاف سبورت والسام ممكن تكون مانوال
لأن السبورت دي مجموعة كماليات ممكن يطلبها الوكيل للمانوال او للاوتوماتيك انما تقدر تقول ان الوكلاء بيعتبروا ان الاوتوماتيك رفاهية اعلى من المانوال وبالتالي لما يحب يطلب اعلى رفاهية واعلى كماليات فالعربية لازم تكون اوتوماتيك ثم يضاف عليها الكماليات الأخرى

عموما انا باذن الله اكلم ادارة الشركة في الموضوع ده وباذن الله من 2010 يكون فيه موديلات متوفرة سبورت وهاف سبورت شارك وبومة مانوال لأن اكيد لها عشاقها

وعموما انا هاعمل موضوع فيه استطلاع رأي للانسراوية علشان نجمع اصوات تساعدني في اقناع الادارة ان السبورت المانوال لها عشاقها

مع الشكر

عندى تصحيح بسيط متواضع لفكر أصحاب التوكيلات بالنسبة للموديلات الأتوماتك........

الفتيس الأتوماتك ليس كماليات ز يادة فى العربيه عن مثيلتها المانوال و لكنها مدرستين مختلفتين فى القيادة وكل واحدة منها لها راغبيها بخلاف أنواع الكماليات التانيه.