السلام عليكم
تفتكرو ممكن الائي حاجة كسر زيرو موديل ٢٠٠٩ تكون الفئة إلي هي ب-١٢٥٠٠٠ و لو في ممكن تبئة بكام و ممكن فالتوكيل يكون في كسر زيرو
أنا بفكر جدياً أبيع النيسان صني و أجيب ميجان
عرض للطباعة
السلام عليكم
تفتكرو ممكن الائي حاجة كسر زيرو موديل ٢٠٠٩ تكون الفئة إلي هي ب-١٢٥٠٠٠ و لو في ممكن تبئة بكام و ممكن فالتوكيل يكون في كسر زيرو
أنا بفكر جدياً أبيع النيسان صني و أجيب ميجان
صعب شوية..........سواء فى التوكيل أو برة
العربية لسة مش مشيت كتير.....
أعتقد ممكن تلاقى 2008 و الله أعلم.
لا شكر على واجب يا باشا
فرصة أنك تلاقى 2008 أعلى من 2009 بس مش عارف برضه هتلاقى اللى فى دماغك و لا لأ.
عموماً أعتقد سعرها هيبقى فى حدود 100 ألف الى 105 ألف حسب الكماليات و الكيلومتر.
و متنساش تكشف فى التوكيل حتى لو العربية ماشية 2 كم.
طب أروح التوكيل أشوف العربيات إلي هناك طيب أنهي فرع إلي بيكون فيه ال مستعمل ؟
بس أنا شايف إن لو الفرق بين موديل ٢٠٠٨ مستعمل والجديد ٢٠٠٩ ٢٠٠٠٠ اشتري ٢٠٠٩ والواحد مش يكون شاكك
أنا بتكلم على الفئة بتاعت ١٢٥٠٠٠
ياريت ارائكم شكراً لكم
حضرتك استاذ احمد كان يقصد ان سعرها مثلا موديل 2008
هتلاقيه لاعلى فئه فى حدود ال 105 الف
يعنى انت نزل حوالى 25 الف من تمنها جديده وقرر تشترى جديد ولا مستعمل
طالما إن حضرتك زي ما بتقول موسوس ، عليك و على الزيرو
(رأيي الشخصي) و القرار قرارك
شكراً يا جماعة على الإهتمام والرد
هو ممكن أوضح معلومة بس زيادة هو الوسواس معايا بيلعب في إن العربية يكون فيها مشكلة كبيرة و اضطر أروح التوكيل كل شوية وأنا مش عندي وقت خالص
فبحسبها اني لو جبت حاجة عملة من ٥٠٠٠ إلى ١٠٠٠٠ كم وكشفت عليها فالتوكيل كويس كمان مستحيل يكون حد لحق يعمل فيها مشكلة وفي نفس الوقت جبت حاجة في رنج الفلوس إلي أقدر عليه دلوقتي
أخوكم عمرو
فيه عربيات من 2007 الى 2009 بتتباع مستعمله و نضيفه
انا شخصيا اشتريت عربيتى من حوالى 6 شهور و كانت عمله 11000 كم و كان ريحت الفبريقا فيها
دور بهدوء
ومتستعجلش
و انت اولى بفلوس الفرق مابين الجديد و المستعمل و حتى لو فكرت بعد مده تبيع مش هتخسر ذى لما تجبه زيرو
ربنا يوفققك لحاجه نضيفه