العربية اتخبطت - قدر الله وما شاء فعل
سلام عليكم
امبارح وانا بعدي تقاطع عديت اول جهه من الشارع ووقفت اشوف الجهه التانيه لما تفضي واول ما وقفت لقيت واحد دخل فيا من الرفرف الى ورا .. الباشا انا شايفه جاي من بعيد وقدامه فرصه كبيره يلم نفسه بدليل انى عديت بالرحه ووقفت كل ده قبل ما يخبطني المهم انه شكله سرح او العربيه ما وقفتش منه فى الوقت المناسب كانت عربية بيجو 504 :11:
نزلت لقيت الرفرف مخبوط والاقصدام فيه حكات كتير والفانوس الى ورا مشروخ :H_angry[1]:
روحنا القسم وبتاع والظابط قالي شوف عاوز كام وكده بس الواد اعتزر فى الاخر وبتاع وانا بصراحه مش بحب اخد عوض وكده وبقول ربنا بيفادي بيها حاجات تانيه ده مبدأ عندي مش عارف صح ولا غلط .. المهم قلتلهم كل واحد يصلح عربيته وخلاص
روحت النهارده للسمكري وخليته ردها على البارد وظبط الفانوس ولحمه كده بأمير بس طبعا العربية مرجعتش زي الاول
قالي لازم نسخن ونرش علشان ترجع زي الاول انا قلت لا خليها كده شوية علشان العين وكمان العربية فابريكه مش عاوز ارشها من اولها كده لانها مكملتش شهر ونص معايا والحمد لله انها جت على قد كده
كنت عاوز اعرف سعر الفانوس الخلفي كام الاصلي والتقليد وكده علشان لما اجي ارش العربية احتمال اغير الفانوس كمان بالمره
سلام عليكم