بخصوص الالنترا و سعرها المخفض 3000 جنية

يا جماعة بخصوص الالنترا و تخفيضها ال 3000 جنية, هل دة عرض لغاية اول رمضان زى ما قريت ولا دة حيفضل سعرها على طول و هما بيقلوا كدة علشان الناس تشترى؟؟:11:
كمان اللى اعرفة ان السعر بيكون حسب وقت الاستلام, طب لو حد حجز دلوقتى على سعر العرض اللى هو 93000 و قلولوا حتستلم بعد شهر, و لما جة وقت الاستلام سعرها غلى, سعتها حيدفع سعر الحجز ولا السعر وقت الاستلام؟؟
حد يقدر يفدنا فى الموضوع دة؟ لان لو السعر حيكون وقت الاستلام يبقى العرض دة اية لزمتة!!!

كمان الناس اللى فى قسم رينو بيقولوا الرينو ميجان سعرها نزل حوالى 15 الف جنية مرة وحدة و بقت بتبداء من 105 الف!!! علشان الشكل الجديد قرب ينزل و الخصم اللى حيطبق على الاوربى اول السنة, بصراحة سعرها كدة حلو اوى و مغرى جدا و اكيد الرينو احسن بكتير من الالنترا + اوربى و فرنساوى!!! يعبها بس ان قطع غيارها غليا, بس بردة اكيد احسن من الالنترا فى كل حاجة, فى التحمل و العمر الافتراضى و الشياكة و عوامل الامان!! انتوا اية رايكوا؟ حد يقدر يعملنا مقارنة بين العربيتين

لو هتقارن بين الميجان و الالنترا يبقى كدا انت هتظلم الالنترا جداااا
اولا الامان
الميجان 6 اير باج +abs +ebd +brake assistant
العربيه واخده 5 نجوم فى اختبارات التصادم و افضل عربيه فى اوروبا فى فئتها
الفرامل بتاعتها ديسكات ورا و قدام
ماتور 115 حصان
العربيه واسعه جدا
حجم الشنطه 520 لتر
الالنترا تتفوق عليها فى السحب و السرعه القصوى و قطع الغيار الارخص

اقتباس:

---

المشاركة الأصلية كتبت بواسطة blazer

لو هتقارن بين الميجان و الالنترا يبقى كدا انت هتظلم الالنترا جداااا

---

اقتباس:

---

المشاركة الأصلية كتبت بواسطة blazer

اولا الامان
الميجان 6 اير باج +abs +ebd +brake assistant
العربيه واخده 5 نجوم فى اختبارات التصادم و افضل عربيه فى اوروبا فى فئتها
الفرامل بتاعتها ديسكات ورا و قدام
ماتور 115 حصان
العربيه واسعه جدا
حجم الشنطه 520 لتر
الالنترا تتفوق عليها فى السحب و السرعه القصوى و قطع الغيار الارخص

---

كلامك كدة بيثبت ان عرض الميجان الحالى بى 105 الف رائع!! مدام الميجان لا تقارن بالالنترا و فبها 6 اير باج +abs +ebd +brake assistant
بس تفتكر اول فئة اللى بى 105 الف فيها كل الحجات دى!!! معتقدشى لان لو فيها كل دة تبقى فعلا روعة بالسعر دة!!! انا كنت ناوى على الالنترا بس العرض دة شددنى اوى, ياريت يا جماعة اللى جرب العربيتن و عندة فكرة عنهم يشاركنا براية فى الموضوع دة

الزملاء اللى فى رينو بيقولول العربية اللى بى 105 الف كانت قبل العرض بى 118 الف و فيها الحجات دى

6 وسادات هوائية - 4 زجاج كهرباء تاتش - ABS + EBD - مرايات كهرباء - كاوتش 15 بوصة و طاسات - ايموبيليزر - مثبت و محدد سرعة - باور ستيرنج كهربائي - كارت رينو و سنتر لوك و ريموت - ستائر للزجاج الخلفي و الزجاج الجانبي في الخلف - كمبيوتر للأعطال والمعلومات - مصابيح ضباب - تكييف هواء عادي - CD + MP3.


و الرابط دة لقيتة فى قسم رينوا بيشرح التكنولوجيا اللى فى العربية!!! بصراحة وهم!!!
http://www.nilemotors.net/Nile/22988-ii.html

بس عيب العربية قطع غيارها نار و سعر اعادة البيع وحش و مش بتتباع بسهولة, انا محتار جامد اوى بين الالنترا و العربية دية. طبعا الالنترا اقل منها فى الكماليات الرهيبة دى بس منتشرة و قطع غيارها متوفرة برة التوكيل و سهلة فى اعادة البيع و سعر اعادة البيع كويس و عربية نعمة و شيك بردة بس فئة اقل طبعا من الميجان

يا ريت كل واحد يشارك براية علشان الفيدة تعم, انا كنت بفكر فى النيو اكسنت و بعد عرض الالنترا فكرت فيها و دلوقتى عرض الميجان و تقسيط الفرق!!!

يا ترى لو لاقيت ال دودج بنفس السعر حتفكر فيها ؟؟؟ يا أخى فكر حتصرف على الرينو كام كل سنة وعلى الالنترا كام :dontudear:اعتقد وعلى تجربة الالنترا تكسب واعتقد ان الرينو لو عربية خيال علمى كان زمانها مغرقة الشوارع واتمنى ان نستفيد من تجارب الاخرين ونبدأ مما انتهوا

فى مقابل المصاريف اللى هيصرفها على العربيه "مادام يقدر يصرف عليها "
هياخد قصادها راحه ومتعه و برستيج و امااااااااااااااان ليه و لعيلته
ثم ان المصاريف اللى هتدفع مش خياليه الصيانات كل 10000 بتدفع فى حدود 500-1000 جنيه

بص باختصار
النترا
شد موتور قوي ثبات جميل اعاده بيع مرتفعه قطع غيار ارخص و صيانه في اي حته
الالنترا لشاب يحب الجري

الرينو
امان ثبات شد اقل بكثير من الالنترا اعاده بيع منخفضه قطع غيار و صيانات اغلي و لاززززززم في التوكيل
الميجان لهواه البرستيج
شكلها بحبه الصراحه
و من جوه تحفه

اوزن الامور و اختار الانسب لك

اقتباس:

---

المشاركة الأصلية كتبت بواسطة Nile_Storm

بص باختصار
النترا
شد موتور قوي ثبات جميل اعاده بيع مرتفعه قطع غيار ارخص و صيانه في اي حته
الالنترا لشاب يحب الجري

الرينو
امان ثبات شد اقل بكثير من الالنترا اعاده بيع منخفضه قطع غيار و صيانات اغلي و لاززززززم في التوكيل
الميجان لهواه البرستيج
شكلها بحبه الصراحه
و من جوه تحفه

اوزن الامور و اختار الانسب لك

---

يعنى الميجان امان و ثبات اقل من الالنترا !:fdsa:

اقتباس:

---

المشاركة الأصلية كتبت بواسطة blazer

يعنى الميجان امان و ثبات اقل من الالنترا !:fdsa:

---

لأ هو قصدة أمان وثبات أعلى وشد أقل كان المفروض يحط نقطة بس :C_laugh[1]:

اقتباس:

---

المشاركة الأصلية كتبت بواسطة blazer

لو هتقارن بين الميجان و الالنترا يبقى كدا انت هتظلم الالنترا جداااا
اولا الامان
الميجان 6 اير باج +abs +ebd +brake assistant
العربيه واخده 5 نجوم فى اختبارات التصادم و افضل عربيه فى اوروبا فى فئتها
الفرامل بتاعتها ديسكات ورا و قدام
ماتور 115 حصان
العربيه واسعه جدا
حجم الشنطه 520 لتر
الالنترا تتفوق عليها فى السحب و السرعه القصوى و قطع الغيار الارخص

---

ازاى يعنى اقوى منها فى السحب.....انت بتكلم لو الالنترا مانيوال والميجان اوتوماتيك
الاتنين لو مانيوال اتنفرج على المهزلة......وكمان الميجان بتعدى ال210كم ومجربنها بثبات مش متوقع خالص(جامد جدا)
تعالى لو راجل فعلا عدى بالالنترا ال200كم او ال190 حتى......
الالنترا حلوة ونعمة وشديده على عينى وراسى...لكن زبالة الزبالة بالنسبة للميجان....واخر حاجة اتوقعها ان هما يتقارنو اصلا......الله يرحمك ياميجان المصريين مرمتو بكرمتك التراب........

اقتباس:

---

المشاركة الأصلية كتبت بواسطة sasam6

ازاى يعنى اقوى منها فى السحب.....انت بتكلم لو الالنترا مانيوال والميجان اوتوماتيك
الاتنين لو مانيوال اتنفرج على المهزلة......وكمان الميجان بتعدى ال210كم ومجربنها بثبات مش متوقع خالص(جامد جدا)
تعالى لو راجل فعلا عدى بالالنترا ال200كم او ال190 حتى......
الالنترا حلوة ونعمة وشديده على عينى وراسى...لكن زبالة الزبالة بالنسبة للميجان....واخر حاجة اتوقعها ان هما يتقارنو اصلا......الله يرحمك ياميجان المصريين مرمتو بكرمتك التراب........

---

الميجان عربية حلوة ماشى مختلفناش لكن هتقارن الميجان بوزنها وموتورها انها تجرى زى النترا كده يبقى حرام
وبالنسبة لموضوع لو راجل عدى بالانترا 190 او 200 :)
فاحب ققلك انى بالنترا اوتوماتيك وخد بالك من كلمة اوتوماتيك ديه :)

على الأوتوستراد جايب 211 :)
شوف بقى لو طريق سفر هجيب كام
وشوف لو مانيوال هجيب كام
اه الأر بى ام كان فاضلوا واحد ونص لسة :)

والللينك اهو لو مش مصدق

http://www.nilemotors.net/Nile/69660-2008-211-a-8.html

اقتباس:

---

المشاركة الأصلية كتبت بواسطة sasam6

ازاى يعنى اقوى منها فى السحب.....انت بتكلم لو الالنترا مانيوال والميجان اوتوماتيك
الاتنين لو مانيوال اتنفرج على المهزلة......وكمان الميجان بتعدى ال210كم ومجربنها بثبات مش متوقع خالص(جامد جدا)
تعالى لو راجل فعلا عدى بالالنترا ال200كم او ال190 حتى......
الالنترا حلوة ونعمة وشديده على عينى وراسى...لكن زبالة الزبالة بالنسبة للميجان....واخر حاجة اتوقعها ان هما يتقارنو اصلا......الله يرحمك ياميجان المصريين مرمتو بكرمتك التراب........

---

على فكره انا من اقوى مشجعى الميجان
انما اكتر من واحد فى المنتدى قال ان الالنترا اسرع "زى الاستاذ فهد معاه العربيتين"

الخلاصة مما سبق
عايز امان وثبات وراحة وبرستيج مع بعض التكاليف زيادة شوية فى الصيانة يبقى الميجان .
عايز عربية سرعة وسحب وتسارع عالى يبقى الالنترا
وانا عن نفسى ادى صوتى للميجان لانى بشترى وسيلة مواصلات مش طيارة داخل بيها سبق
واستخير ربنا قبل اى حاجة ولازم تركب العربيتين وتتفرج عليهم كويس وتعمل تست درايف واللى ترتاح ليه دوس فيه
والف مبروك مقدما