تقرير بصيانة 40 الف كم - هيوانداى - النترا 2007

**mido777** · 14-08-2009 02:58 AM

بعد رجعوعى عن الفكرة اللى جات على بالى فجأه (كنت ح ابيع العربية امبارح وكنت ح اشترى مازدا 3 2007)
وكنت ح انفذها وبعدين غيرت رائى تانى

النهارده بحمد الله عملت صيانة ال 40 الف بالتوكيل - غبور - اسكندرية

دى تعُتبر اكبر صيانة للعربية لأن بيتم فيها تغير حاجات كتير....

كنت فى القاهرة امبارح ورحت التوفيقية وجبت الحاجات اللى ح اغيرها فى الصيانة وهى :-

فلتر تكيف = 45 جنيه - سعره فى التوكيل 95 جنيه
فلتر هواء = 50 جنيه - سعره فى التوكيل 55 جنيه
فلتر بنزين = 100 جنيه - سعره فى التوكيل 175 جنيه
فلتر زيت = 15 جنيه - سعره فى التوكيل 30 جنيه
طقم بوجيهات = 55 جنيه - سعره فى التوكيل 54 جنيه
جرنكن مياه خضراء 4 لتر (موبيل) = 45 جنيه

العربية دخلت الورشه الساعة 8.30 صباحا واستلمها من المهندس ابراهيم وبصراحة الراجل كان مهتم جدا انه يسمع منى اى ملاحظات عايز اقولها على العربية وشرحلى ايه اللى حيتم فى الصيانة دية

تم تغير قطع الغيار اللى ذكرتها سابقا وتغير زيت موبيل الترا 209 جنيه بدون الضريبه

بعد كده خدمة العملاء اتصلت على الساعة 12.30 ظهرا وبلغونى ان العربية جاهزة على الأستلام

روحت وقابلت المهندس جمال فرج وطمنى ان كل حاجة على مايرام والحمدلله....
وقابلت المهندس عادل (مدير مركز الصيانه) والراجل ده بجد محترم جدا جدا وبيتابع كل حاجة بنفسه مع العمال والمهندسين فى الورشه
ومشكورا عمالى خصم 15% على المصنعيات

المبلغ اللى دفعته = 510 جنيه بعد خصم المصنعيات (45جنيه)

المبلغ اللى وفرته من خلال شرائى لقطع الغيار من الخارج حوالى 250 جنيه

بعد ما استلمت العربية تحس انها فاقت فعلا

الف شكر لمركز الصيانة بالأسكندرية وجميع المهندسين به

**حماده المصري** · 14-08-2009 04:06 AM

انا رايي ان القطع التجاريه دي بتكون اقل جوده من الاصلي

والفلتر الى ب 15 ده مش زي الاصلي برضو وانا شوفت كزا فلتر هيونداي وقارنتهم بالاصلي فهم اخف في الوزن والتقفيل مش اد كده ف ليه يعني ادفع في حاجه جودتها باين انها اقل والاصلي بيتختم عليه شعار هيونداي وشعار كيا كمان

واغلب القطع الاصلي بيبقى مختوم عليهم الشعار بتاع الشركين

برضو مره جبت تيل فرامل ب 80 جنيه هاي تيك وطلع معفن وملوش اي لازمه نهائي

ف ارجو حضرتك انك متتهاونش في بعض القطع المهمه في اداء السياره وعمر مكوناتها افتراضيا

وان كان وهتشتري حاجه تجاري ف يوجد ماركات نضيفه برضو وغالبا سعرها بيبقى غالي برضو بس مش زي الاصلي

**Hosam_Optrawy** · 14-08-2009 04:30 AM

مبروك على الصيانه وربنا يباركلك فيها

**mido777** · 14-08-2009 11:31 PM

المشاركة الأصلية كتبت بواسطة حماده المصري

انا رايي ان القطع التجاريه دي بتكون اقل جوده من الاصلي

والفلتر الى ب 15 ده مش زي الاصلي برضو وانا شوفت كزا فلتر هيونداي وقارنتهم بالاصلي فهم اخف في الوزن والتقفيل مش اد كده ف ليه يعني ادفع في حاجه جودتها باين انها اقل والاصلي بيتختم عليه شعار هيونداي وشعار كيا كمان

واغلب القطع الاصلي بيبقى مختوم عليهم الشعار بتاع الشركين

برضو مره جبت تيل فرامل ب 80 جنيه هاي تيك وطلع معفن وملوش اي لازمه نهائي

ف ارجو حضرتك انك متتهاونش في بعض القطع المهمه في اداء السياره وعمر مكوناتها افتراضيا

وان كان وهتشتري حاجه تجاري ف يوجد ماركات نضيفه برضو وغالبا سعرها بيبقى غالي برضو بس مش زي الاصلي

قطع الغيار اللى جبتها هيى هيا اللى بيبعها التوكيل ......د
وعليها شعار كيا وهيوانداى وكمان ختم العلامة المائية بتاع غبور

والمهندس اللى فى التوكيل قالى انهم اصلى

**mido777** · 14-08-2009 11:37 PM

المشاركة الأصلية كتبت بواسطة hosam_optrawy

مبروك على الصيانه وربنا يباركلك فيها

الله يبارك فيك يا حسام بك

المشاركة الأصلية كتبت بواسطة tarekabosdera

الالنترا ممتازة وخليك عليها ومتغيرهاش وان شاء الله هتعمر معاك بدون مصاريف.

الحمدلله خلاص حخليها معايا و فعلا حرام افرط فيها

**tatamrwan** · 29-05-2010 11:15 PM

السلام عليكم يا جماعه معى النترا غبور فى الضمان والتكييف انا حاسس انه ضعيف مش زى الفيرنا ولا الماتريكس اشتكيت مرتين وغيرت فلتر التكييف على 40000كم مع العلم انها كده من يوم ما اشتريتها هى بتبرد بس مش قولى وبتاخد حوالى اكتر من 12 دقيقه لما الهواء يبدأ يسقع ارجو الافاده المشكله عندى ولا كل النترا كده

**حماده المصري** · 31-05-2010 03:20 AM

على حسب ظروف الاستخدام يعني لو سايب العربيه في الحر اول ما هتشغلها طبعا هيقعد فتره عبان ما يبرد في الحاله دي ينصح انك اول ما تشغل العربيه تهويها شويه عشان تبرد من جوا

والمفروض انك تروحلهم تقولهم يكشفوا على التوكيل ويزودوا الفريون

**banboty** · 31-05-2010 09:02 AM

المشاركة الأصلية كتبت بواسطة tatamrwan

السلام عليكم يا جماعه معى النترا غبور فى الضمان والتكييف انا حاسس انه ضعيف مش زى الفيرنا ولا الماتريكس اشتكيت مرتين وغيرت فلتر التكييف على 40000كم مع العلم انها كده من يوم ما اشتريتها هى بتبرد بس مش قولى وبتاخد حوالى اكتر من 12 دقيقه لما الهواء يبدأ يسقع ارجو الافاده المشكله عندى ولا كل النترا كده

كده انت عندك رمية الهوا ضعيفة جوه الصالون و ده بيبقى الكوندنسر عاوز يتراجع عليه ,
بتاع الجيرل او المروحة الداخلية اللى تحت درج التابلوه , وهى المسئولة عن دفع الهواء الى الداخل
خلى حد يكشف عليها .