السلام عليكم ورحمة الله وبركاته ياجماعه ياريت حد يقولى اروح ازاى ميت غمر او زفتى من العاشر من رمضان وشكرا
السلام عليكم ورحمة الله وبركاته ياجماعه ياريت حد يقولى اروح ازاى ميت غمر او زفتى من العاشر من رمضان وشكرا
العاشر - بلبيس - الزقازيق - ميت غمر
كمسافه اعتقد بين الزقازيق و العاشر حوالى 40 او45 كيلو ,, من الزقازيق لميت غمر فى حدود 25 كيلو
هتطلع من العاشر فى اتجاه بلبيس لحد ما توصل لميدان الطياره اللى بيخرج على طريق الهايكستب الصحراوى من بلبيس هتكمل على بلبيس و هتعدى على الكليه الجويه بعده بشويه و هتعدى على بعض القرى زى حوض الندى و اولاد سيف و الزنكلون و قبل الزقازيق بشويه هتلاقى كوبرى بردين هتطلعه و هتفضل ماشى مع الطريق هو فيه تفاريع كتير لقرى و مدن تانيه بس ابقى تابع اليفط بس هتلاقى اتجاهات الزقازيق واضحه ,, كمل طوالى لحد ما تدخل الزقازيق و بعدها عشان تطلع على طريق ميت غمر هتطلع على منطقه المحافظه و الجامعه و دى هتبان من اللوحات الأرشاديه (جديده و منوره اللى فى الزقازيق ) و هتلاقى اتجاه طريق ميت غمر لما تعدى المحافظه على يمينك و شويه هتلاقى الجامعه على يمينك يبقى انت مسكت اول طريق ميت غمر ,, تكمل و توصل بالسلامه بإذن الله
على فكره انا من ميت غمر ,, هتنورنا ياباشا والله :)
يارب بس يكون الوصف كويس و ميتوهش ,, و توصل بالسلامه يا جميل
يا راجل يعني ما نشوفكش الا بالصدفة
طمنا عليك؟؟
الف الف شكر ياباشا وربنا يجازيك خير يارباقتباس:
المشاركة الأصلية كتبت بواسطة m7nsh