ولا منى زكى و لا احمد حلمى..انا اللى هسوقها...

**Air Karam** · 24-10-2007 01:29 PM

بسم الله الرحمن الرحيم
احب انكم تشاركونى فرحتى يا اخوانى...
انا رايح استلم الاوبترا 2008 مانيوال سوداء اليوم 24/10/2007
السعر : 87000 جم
المكان : منصور اللى عند مسجد رابعة العدوية
اولا :
الناس فى منصور محترمين جدا جدا جدا لحد بكره الصبح...
انا كان ممكن اجيبها من عند سمير ريان اقل 500 جم و تليفزيون صينى هدية كمان و لكن انا لم ارتاح نفسيا و كنت حاسس انى واقف فى سويقة و فصال و صوت عالى و مليون واحد حواليك.
و الناس اللى شغالين هناك بتسوق العربية بلا مبالاة و عملين فيها شباب روش.
و الورق قالولى هتستلموا تانى يوم و الله اعلم.
و لهذا قررت اشترى راحة بالى و ارتاح نفسيا و اشترى من عند الوكيل مباشرة.
ثانيا :
انا مبسوط و سعيد و منتظر ان اخوانى يدعولى و يباركولى و ينصحونى لانى طالع من 128 (رجب) و طبعا الفرق لا يحتاج الى تعليق.
المهم , و انا رايح اشترى معايا حاجة او اجيب حاجة علشان التجربة(شريط كاسيت مثلا - ما شاء الله - مياه خضراء - ...)
انا سمعت انى اول ما اطلع اروح افول و اظبط العجل ..فيه حاجة تانية؟؟؟
انا رايح النهارده الساعة 5 ان شاء الله, ادعولى!!!
والسلام ختام,,,

**modux** · 24-10-2007 01:37 PM

الف الف مبرووووووووك

عقبال الاس ان شاء الله

ربنا يديك خيرها و يكفيك شرها

بيتهألي الغطا ثم الغطا و جهاز انذار و خد بالك منها

**sebai** · 24-10-2007 02:10 PM

;) ;) ;) ;) يا كيمو يا جااااااامد الف الف 10000000000000000 مبروك يا محمد
ربنا يكفيك شرها و يعطيك خيرها .....و يبعد عنك العين الحسد يارب

محمد اهم حاجة قبل الكشف على السيارة ----الدعاء و قراءة اية الكرسى و الدخول برجلك الايمن
وبعد الكشف على العربية
:arrow: اذهب الى اقرب بنزينة للكشف على

1- ضغط العجل
2- البنزين

ثم قم بشراء :arrow:

3- الغطاء
4-شريط قرأن

ماتنساش تجرب1 - التكييف 2- الابواب ( جميع الاوكر ) 3 - القزاز ( افتحة و اقفلة كذا مرة ) 4- الانوار 5- المساحات

و الله الموفق ;)

**mina_ramsis** · 24-10-2007 02:11 PM

يا باشا الف الف مبروك ماتقلقش من حاجة فى الاستلام انت لف حوليين العربية كويس و ان شاء الله مش هيطلع فيها حاجة و عاوز تاخد معاك شريط تجربه مفيش مشاكل بس خالى بالك من الابعاد بتاعت العربية هيه مش صعبه بس تفرق كتييييير عن 128 فخد بالك فى الاول
الف مبروك مرة تانية و منتظريين تقييمك ان شاء الله

**gad_fcis** · 24-10-2007 02:14 PM

لف مبرووووووووك
ربنا يديك خيرها و يكفيك شرها

المهم بس خد بالك وانت سايق عشان اكيد فيه فرق كبير فى الابعاد بينها وبين رجب اقصد 128 :-)

**وائل عطية** · 24-10-2007 02:18 PM

ربنا يباركلك فيها..ويكفيك شرها

**emadfk** · 24-10-2007 02:28 PM

الف الف مبروك وان شاء الله ربنا يباركلك فيها

**Migo123** · 24-10-2007 02:47 PM

أولا الف مبروك يا باشا ربنا يديك خيرها ويكفيك شرها

ثانيا

محمد اهم حاجة قبل الكشف على السيارة ----الدعاء و قراءة اية الكرسى و الدخول برجلك الايمن
وبعد الكشف على العربية
اذهب الى اقرب بنزينة للكشف على

1- ضغط العجل
2- البنزين

طب ممكن تقولي هو ازاي يقدر يخش برجله الشمال
ولو مش هو اللي ها يسوق ............ يدخل ازاي برجله اليمين ؟؟؟ :-) :-)

البنزين من غير كشف ......... خش البنزينه وفول
والعجل اعتقد تروح عند اي حد عند نيتروجين و تخليه يملا نيتروجين من الاول حسب الضغط الموجود في كتالوج العربيه

**mina_ramsis** · 24-10-2007 02:58 PM

طب ممكن تقولي هو ازاي يقدر يخش برجله الشمال

يدخل من الباب اليمين و ينط على الكرسى اللى جنبه :D

والعجل اعتقد تروح عند اي حد عند نيتروجين و تخليه يملا نيتروجين من الاول حسب الضغط الموجود في كتالوج العربيه

على فكرة ضغط العجل مكتوب فى درج التابلوه و هوه 30 بس خلى بالك الكلام ده و الكاوتش بارد مش سخن يعنى ماتبقاش ماشى بيه كتير و بعديين تروح تملاه على 30

**Karim_Monir** · 24-10-2007 03:00 PM

الف مبروك يا كريم وربنا يديك خيرها ويكفيك شرها

قبل اي حاجة تستلم الورق بالكامل تاني حاجة تبص على العربية حتة حتة داير ما يدور تشوف فيها خدوش خبطات مش باينة وتشوف الكراسي والتابلوة لو في اي خدوش ما تستلمهاش
تشوف الاستبن والعدة والكوريك وتتاكد من وجودهم عشان لو خرجت برة المعرض والعربية فيها خدش محدش هايعرفك لو رجعتلهم

تاخدها وتطلع على ارابكم اللي ورا سيتي ستارز وتدخل عند بتوع الكاوتش بس مش الاكسيسوريس عشان ما تدعيش عليا
يفضي الهواء من الاربع عجلات والاستبن ويملاهم نيتروجين ب 20 جنية تقريبا
وتفول بنزين ورجلك حنينة على العربية عشان انت لسه طالع من 28 ولما تلاقي العربية بتسحب هاتغريك بالجري
اهدى عليها شوية لحد ما تتعود على ابعادها وخد بالك كويس وانت بتركن عشان موضوع الابعاد ده برضه

قبل اي حاجة بقي سيبك من شريط قران ده القران ده لازم انت اللي تقراه وقبلية تصدق بنية الحمد وشكر النعمة
صدقة السر تطفئ غضب الرب
تصدق على من يحتاج بجد
عدي على مستشفي رابعة ودي كلها ناس محتاجة واللي تلاقيه محتاج اديلة
دي افضل حاجة ممكن تعملها شكر لربك على نعمتة عليك

ومبروك مرة تانية

الموضوع: ولا منى زكى و لا احمد حلمى..انا اللى هسوقها...

LinkBack

أدوات الموضوع

عرض

-

-

-

-

-

-

-

-

المواضيع المتشابهه

استاذ احمد حلمى - ويرا

تحذير: :ماحدش يفكر يمش من احمد حلمى النهاردة وبكرة كمان

مبروك لزميلنا احمد حلمى مولوده الجديد محمد

احمد حلمى - رسالة شكر

من عبود عاوز اروح موقف احمد حلمى و اركن فى الباركينج الخاص بالمحطة

الكلمات الدلالية لهذا الموضوع

المفضلات

المفضلات

ضوابط المشاركة