استفسار عن وكلاء بيع الفيرنا واللانوس

السلام عليكم

كنت عاوز اعرف يا جماعه عناوين وكلاء بيع الفيرنا واللانوس
وايه هى الاسعار الحاليه للفيرنا واللانوس
وهل فعلا اللانوس موش موجوده فى المعارض او بمعنى اصح ممكن تحجز وتستلم بعد فتره كبيره اوى
شكرا لحضراتكم

احسن وكيل للانوس هو ابو غالى و ده فروعه فى كل مكان .

انما حكاية العربية مش موجودة فده ممكن يكون بسبب مشروع احلال التاكسي لانه عليه اقبال رهيب بس معتقدش ان اللانوس مش موجودة هتلاقيها فى كل مكان .

سعر الفيرنا وصل حاليا ل 62000 .

مش عارف اللانوس بصراحة .

لانوس تقريبا 69000

لانوس نص الكماليات وصلت ل69 وكاملة 74
والناس بتقول ان الاسعار عليت بسبب مشروع التاكسي
بس الغريب ان الفيرنا في المشروع وفي تاكسيات كتير فيرنا بس بترخص

الف شكر يا جماعه
الفيرنا كامله وصلت ل 66

اللانوس كامله ب 70
اللانوس موش موجوده بسبب التاكسيهات

بالنسبة لأبو غالي : أنااشتريت منه عربيتي ولا أنصح بالتعامل معه إطلاقا ؛ لأنه بيسلمك العربية بدون ورق - يعني متعرفش ترخصها - وتقعد تستنى بالأسابيع رايح جاي عليه وده لأنه بيستلم العربيات من المصانع على سبيل الأمانة -مش دافع ثمنها - والمصنع مبيديلوش الورق علشان يسلمه للزبون إلا لما ياخذ كامل الثمن - وكثير من الزبائن بتشتري قسط وتدفع جزء بس من الثمن : يفضل يجمع ثمن العربية من مقدمات الزباين اللي جم بعدك يشتروا عربيات لحد لما يلم ثمنها ويسلمه للمصنع يديله الورق يسلمه للزبون ، واللفة دي بتاخذ من 3 أسابيع إلى شهر حسب حركة السوق ودي تجربة عشتها وحبيت أقولها للناس عشان تاخذ بالها