:ma(30):
عرض للطباعة
والله يا باشا عصفور فى اليد .
انا دراستى متعلقة بالحاسبات و شايف ان المجال ده مطلوب جدا اليومين دول و فى امكانية تعديل دراستك لو حبيت و تنميتها .
يعنى بعد ما تخلص دراسة فى كذا حاجة ممكن تنمى مهاراتك بيها .
و كمان مفيش شركة دلوقتى مبتطلبش المجال ده .
فمن رايي الشخصي ان الحاسبات افضل بكتير و ربنا يوفقك .
يا سيدي الفاضل ما غلطتش في الدين ..... بس لازم نتحرى المعلومة ...
انا خريج حاسبات و معلومات ...... و بقالي خمس سنين باشتغل في شركتين من شركات المحمول ....
التدريب الصيفي فعلا كوسة .... و انا معاك ......
انما تعيين الموظفين مش كوسة
موضوع الكول سنتر ده حوار تاني ...... انا باتكلم عن IT & Engineering مافيهومش كوسة ......
كلية تجارة احسن من كلية هندسة
مفيش مكان في العالم مبيحتجش بتاع تجارة
الفكرة ان مجال الاتصالات افضل من مجال الحاسبات
وان مهندس الاتصالات بيشتغل مهندس حاسبات
تقولي انت بتالف
اقولك لازم تقول كدا وانت ممكن تخطف رجلك للمصنع الحربي"كاترون" ال هو حاليا شركة بنها للاكترونيات حاجة زي كدا وشوف مهندسين الحاسبات ال هناك خريجين ايه ومن عندنا في الكلية مش من حتة بعيد يعني
بس خلاص
مبدئيا قسم اتصالات عندنا فى اسكندريه اسهل منه مفيش والناس كلها بتجيب تقديرات زى الفل بس حاليا نصهم مش لاقى شغل والنص التانى بيشتغل فى حاجه مش تخصصه ولو معندكش واسطه مش حتلاقى شغل
حنيجى بقى لقسم التحكم وبما انى مهندس كهرباء باور و واخد جزء كبير فى التحكم انا شايف انه افضل اختيار ليك لأن شغله متوفر وعليه طلب و هوه قسم مش سهل بس دراسته ممتعه
انما الحاسبات انا معرفش ايه نظامه
انك تقول راي زي ده ...لازم تكون في كلية هندسه قسم اتصالات علشان تقدر تحكم كويس ....لان اكيد قسم حاسبات في هندسه غير حاسبات ومعلومات اطلاقا .... انا هقولك راي دكتور عندي في قسم اتصالات ..اسمه الدكتور ايهاب دكتور الرياضيات والحاسبات في جامعه القاهره وهو خريج قسم حاسبات ....قال
ان مهندس الاتصالات قادر على انه يشتغل شعل الحاسبات والاتصالات ...انما مهندس الحاسبات لايقدر على اداء شغل الاتصالات ...وده كان احد اسباب ان قسم الحاسبات مش موجود عندنا في اكاديميه الطيران ....