لانسر و لا كورولا و لا صني؟؟؟98 او 99

السلام عليكم
كنت عايز اقارن بين ال 3 دول
لانسر كرستاله و تويوتا كورولا عيون و نيسان صني
كلهم موديلات 98 او 99
من حيث :
1- الموتور كام سي سي؟؟ كام حصان و الفتيس كام نقله و مين اقوي عزم و تسارع و عمر افتراضي
2 - العفشه مين احسن و اقوي و انعم
3- الثبات مين اعلي؟؟؟
4- الفرامل مين اقوي؟؟
5- التكيف مين احسن؟؟؟
6- قطع غيار و صيانه مين اسهل؟؟؟
7- مين اكتر اعتماديه و اعطالها اقل و تعيش اكتر؟؟؟
8- مين فيهم تستحمل عمل شاق كل يوم محور وزحمه من 6 اكتوبر لمدينه نصر كل يوم؟؟

و لو فيه حاجه تانيه في نفس السعر ممكن تبقي ايه؟؟؟

انا بتكلم عن 1300 المانول فيهم كلهم

صعبة اوي المقارنة دية لان الثلاثة في مستوي واحد لكن لو هختار يبقى الكريستالة لانها اكثر واحدة منتشرة فيهم و قطع غيارها اسعارها معقولة و بيعها سهل جدا بعكس الكورولا العيون او الصني
بس بخبرتي في الصني و الكريستالة اقولك ان تسارع الكريستالة احسن لكن الصني ثابتة عنها التكييف في الصني في الموديل دة بالذات قوي جدا لكن بردة تكييف الكريستالة قوي بيعيب الصني بس ان قطع غيارها غالية اغلى شوية و اعادة بيعها اصعب
الشكل دة اذواق لكن انا شايف ان الصني افخمهم في الشكل من برة وجوة و الكريستالة شبابية اكثر ينفغ تتضبط بسهولة
بالنسبة للعمر الافتراضي زي بغض كلهم طول ما محافظ على صيانتها يغني احنا بعنا الكريستالة عاملة 260ىالف و كان الموتور لسة بحالتة و الصني معانا دلوقتي عاملة 230 الف و كانها لسة جديدة
الفتيس فيهم كلهم 5 نقلات ما عدا في العيون فية موديلات نزلت منهم اربعة بس
مفيش قدامك غير انك تدور على الثلاثة و احسن حالة فيهم اشتريها بدون تردد
ممكن تجيب في نفس الرانج اوبل فيكترا موديل 96 او 97 و ممكن نوبيرا و فيرنا او لانوس موديل 2004-2005

و ممكن بردة بيجو 405 موديلات من 97-2000

الكريستالة =تجمع كل المميزات الى حضرتك طلبتها
وبالتوفيق باذن الله

الكريستاله
صنى
كورولا