ده بجد ولا بتهزر .. ؟ ده فين الطريق اللي مش مسموح فيه انت تمشي بالسرعة الرهيبة دي !
عرض للطباعة
انها مهمتها ليس تنظيم المرور بس جباية اموال الشعب
والدى خد مخالفة سرعة كان ماشى 73 فى طريق المطار
انا فعلا بيطلع عيني وبكون عايز اعيط :120146b لما اقف في اشارة فندق تريومف والاشارة اللي بعدها على طول
بجد محتاجين حد فاهم ينظم ويريحنا من الهم اللي احنا فيه
هو في رادار بعد ما تنزل من الكوبري وانت متجه للمطار :star1:
انا اتاخدت مخالفة على 67 قبل طنطا على الزراعى واكتشفت ان معظم الزراعى 60 يعنى الواحد يروح اسكندرية ولا دمنهور فى يوم و يقولك علشان السكن اللى على الطريق طب سيبتوهم لية يبنوا لغاية لما المبانى بقت فى نصف الشارع؟؟؟؟؟؟؟؟؟؟؟؟
السواقة بالجلابية مخالفة و العمة كمان عشان بتشوش على الرادار
أنا لسة واخد مخالفة رادار على طريق أسيوط القاهرة الغربي على سرعة 105
واللى كان قبلى خد مخالفة على سرعة 95
يعنى المطلوب امشى 500 ك من سوهاج الى القاهرة على سرعة 90 ازاى ؟
دفعت زى الباشا 150 جنية ورفعت السرعة الى 120
موضوع السواقة بالجلابيه ده ممنوع للأجرة فقط وليس للملاكي ومش عارف ليه الرخامه ، بس للأسف ساعات ما بتنفعش غير قلة الأدب والكلمة إلي البلد حفظتها أنا مين وإبن مين ، يا إما يتهت ويسيبك يا إما يدي الرخصة للضابط إلي واقف وتتصرف معاه بالتليفون أو بقيمة المخالفة .
ربنا يسترها علي الجميع ، طريق إسماعيلية رخم حاول دائماً تخلي السفر متأخر أو بدري الصبح علشان تتقي الحملات والرادار وكذلك زحمة السلام :)
هيا مخالفه الردار دى مش المفروض انها للحفاظ على حياه الناس؟
يعنى المفروض مفيش حاجه اسمها ماموريه لفلان ومن حقه يمشى باسرع من المفروض
ولا هو بياخد مع الماموريه والتصريح ورقه فيها ضمان انه مش ح يحصله حادثه عشان هوه فى مهمه قوميه
ربنا لا تؤاخذنا بما فعل ال .............. منا
يا جماعة حد شاف الاشارة للي في جامعة الدول
ده انا ضحكت ضحك يوم ماشفتها
عاملين الاشارة وحطين فوقيها لوحة بتقول اوعى تقطعالاشارة عشان مراقبة بكاميرا وعملنها متفح والسياح هناك عمالة تصور كان ناقص ينزولها خر في الاهرام
احنا قدامنا 100 سنة عشان نكون زي الدول التانية اللي احنا اللي علمناهم يعني ايه مرور
اليابان بتحتفل بانهم ازالوا اخر اشارة واحنا عملين مهرجان على تركيب اول اشارة صحيحة في مصر
عمار يا مصر
يا جدع دول العالم كلها عاملة الردار ده هقولك ايه
السعودية مثلا بين كل عربية شرطة وعرية شرطة تانية لا يزيد عن كيلو
ومشغلين السفتي عشان تشفها من بعيد
ليه بقى عشان انت لو كان بين كل عربية وعربية من بتوع الشرطة كيلو مش ها تلحق تزيد عن السرعة القانونية فكده يبقى حماك وخمى الاخرين من غير مخالفات احنا هنا بنتفنن ازاي نضحك على الشعب ونخبي الردادر ده لو جسوس مش ها يتخفى كده اللي تلقيه ورا صخرة على الصحراوي او حفرلنه خندق من بتوع الحرب واللي تلقيه فوق شجرة على الزراعي او لابد في درة ولا مستخبي ورا جموسة واقفة حاجة تجنن
كلامك سليم جدا . عايز اقولك انة اكيد مش طالع مأمورية في عربيتة الخاصة و معاة مراتة و عيالة و لا معاه تصريح و لا نيلة و الغريب ان الموضوع بتاع الضباط الي بيخالفوا بدون عقاب بقي هوا القاعدة يعني ركز علي الناس الي ماشية عاكسي و لازق فيمة و شايل النمر.... هتلاقي اغلبهم من الاخوة الضباط الي المفروض انهم بينفزوا القانون علي الكل و المفروض يكونوا قدوة للأنضباط!
ايوة صحيح نسيت ان دية مهمة وطنية و تضحية لازم تحترم من اجل الاقتصاد الوطني. الواحد كدة دايما قلبة اسود.
طب شوف الاخ الي تحت دة و هو بيضحي برضة بس ببوكس الحكومة
http://www.nilemotors.net/Nile/C:\Us...0052009038.jpg
جربت انزلها تاني.
ما علينا عسكري و لا امين سايق بوكس و ماشي عاكسي و كان جاي في وشي تنحتلة و عملتلة بأيدي علامة الكلابش و شاورتلة ارجع ام راجع جري بس بعد ما جري شتم.
طيب تقول ايه لعسكرى مرور جايلك وانت راكن العربيه ويقولك انت راكن عكس !!! تعالا كلم الباشا ؟؟ ده كان يوم ازرق وولدتى كانت هاتوديه هو والباشا بتاعه فى داهيه تخيلوا الباشا ده طلع امين شرطه هههههههه بلد بتاعه شهادات صحيح ..
ايه الفرق انك تقابل واحد مسكين فى الشارع وتعطى له صدقه سواء كانت لجنه مرور او كمين او واحد غلبان ما معظمهم دون ادنى ثقافه تؤهله للتعامل مع افراد المجتمع بشكل راقى بعيدا عن الرشاوى
هذا الكلام لايشمل الضباط
بس المشكله ان اللى بيتحكم فى الضابط عسكرى المراسله اللى على الباب وهو اللى بيسىء لهم
طريق الاوتستراد كله احساس بالموت من اوله لاخره مع النقل سوا طوب او رخام او سرعه
المشكله ان لجنه المرور تلاقيها فى انظف حته فى الظل بيكتبلك مخالفه على الهادى و انت فى الزحمه لانك مش حتموت من سرعه النقل و حتدوسك تريلا محمله بالطوب و بياخد من مخالفه لانك حطط سبرايت فى ايدك لغايه دلوقتى مش مشكله دا قانون لاكن ان اللى ينفذ القانون عسكرى اجهل منه مش حتلاقى
انا اهلى دفعوا دم قلبهم علشان يعلمونى و يجى فى الاخر عسكرى شوفوا انتوا وصفه ممكن يكون ايه
يا يطبق القانو ن او ممكن يسامحنى مقابل مبلغ علشان يتجوز و يعمل فيها سبع بالليل و يعمل فينا احنا بالنهار
المشكلة الحقيقية لبلدنا - فى رأي المتواضع - إن إحنا مابنحترمش بعض! وقس على ذلك! سواء من الأفراد للحكومة فى أي تمثيل لها ...شرطة أو ضرائب أو غيره ...والعكس أيضاً!!
شوف المواطن بره ممكن يعمل إيه لو الحكومة زودت بس الضرائب لوحدها!! وبص عسكري المرور الناس بتحترمه إزاي!!
مشكلتنا مشكلة سلوك بشكل عام وضمير بشكل خاص!!
تحياتي.
كلام حضرتك كويس بس فيه مشكلة انك لو احترمت اللي قدامك من رجال مرور كده بيعتبروك ......... وساعتها هيعملوا اللي هما عايزينه.
احنا في مصر مشكلتنا 3 حاجات.
1- العسكري فاكر نفسه امين شرطة.
2- امين الشرطة فاكر نفسه ظابط.
3- الظابط فاكر نفسه لواء.
انما لو اللي قدامك كلمك باحترام وانت غلطان فعلا اكيد هتبقى بردوا محترم معاه. انما المشكلة انو بيحصل العكس. طيب ايه الحل.
المرور = فلوس
قانون المرور الجديد نظم موضوع الجلابيه ده
قالك القياده بجلابيه مكروه ولاتوجد عليه غرامه فوريه ولكن بيحصل اجراء فورى انهم بيسحبو منك الجلابيه
ده كمان ممكن تاخد مخالفة لو لابس لا مؤاخذة شبشب