اضحك مع رجال المرور

**PoweRPassioN** · 07-05-2010 10:10 PM

المشاركة الأصلية كتبت بواسطة megamoudy

الزي الرسمي
بنتاكور وفانلة كات

ههههههههههههههههه

المشاركة الأصلية كتبت بواسطة MoToRiZeR

هو في الإحتياطي الإستراتيجي للرخامة وقت ما يحبوا يرخموا و تقفل معاهم :

ممنوع السواقة بجلابية / شبشب / شورت .

فين الكلام ده تحديداَ في نص القانون ؟ الله أعلم .

المشاركة الأصلية كتبت بواسطة Eng.Sameh

طبيعي أن الجلابية تكون ممنوعة .. لأنها تدر بصحة قائد المركبة حيث انها تؤدي لتسسلل الهواء الى سيقان قائد المركبة مما قد يؤدي الى حدوث خلل في الضغط على بدال البنزين الذي قد يؤدي بدوره الي عدم التحكم في المركبة مما قد يؤدي بدوره الى حدوث حوادث على الطرقات ...

ادي يا اخونا الحكاية .. كل واحد بقه يقلع جلبيته وهو داخل على اي لجنة

المشاركة الأصلية كتبت بواسطة hosar

انها مهمتها ليس تنظيم المرور بس جباية اموال الشعب

شر البليه ما يضحك

**devilishtigers** · 08-05-2010 03:42 AM

المشاركة الأصلية كتبت بواسطة mohamedgafar

المشكلة الحقيقية لبلدنا - فى رأي المتواضع - إن إحنا مابنحترمش بعض! وقس على ذلك! سواء من الأفراد للحكومة فى أي تمثيل لها ...شرطة أو ضرائب أو غيره ...والعكس أيضاً!!

شوف المواطن بره ممكن يعمل إيه لو الحكومة زودت بس الضرائب لوحدها!! وبص عسكري المرور الناس بتحترمه إزاي!!

مشكلتنا مشكلة سلوك بشكل عام وضمير بشكل خاص!!

تحياتي.

كلام حضرتك كويس بس فيه مشكلة انك لو احترمت اللي قدامك من رجال مرور كده بيعتبروك ......... وساعتها هيعملوا اللي هما عايزينه.
احنا في مصر مشكلتنا 3 حاجات.
1- العسكري فاكر نفسه امين شرطة.
2- امين الشرطة فاكر نفسه ظابط.
3- الظابط فاكر نفسه لواء.
انما لو اللي قدامك كلمك باحترام وانت غلطان فعلا اكيد هتبقى بردوا محترم معاه. انما المشكلة انو بيحصل العكس. طيب ايه الحل.

**badblood** · 08-05-2010 04:07 AM

المرور = فلوس

**kasten** · 08-05-2010 06:45 PM

قانون المرور الجديد نظم موضوع الجلابيه ده
قالك القياده بجلابيه مكروه ولاتوجد عليه غرامه فوريه ولكن بيحصل اجراء فورى انهم بيسحبو منك الجلابيه

**Moe86** · 08-05-2010 08:20 PM

المشاركة الأصلية كتبت بواسطة sgh

انا اتاخدت مخالفة على 67 قبل طنطا على الزراعى واكتشفت ان معظم الزراعى 60 يعنى الواحد يروح اسكندرية ولا دمنهور فى يوم و يقولك علشان السكن اللى على الطريق طب سيبتوهم لية يبنوا لغاية لما المبانى بقت فى نصف الشارع؟؟؟؟؟؟؟؟؟؟؟؟

حصلت معايا برضو قبل كدة !

المشاركة الأصلية كتبت بواسطة saf_saf123

احنا هنا بنتفنن ازاي نضحك على الشعب ونخبي الردادر ده لو جسوس مش ها يتخفى كده اللي تلقيه ورا صخرة على الصحراوي او حفرلنه خندق من بتوع الحرب واللي تلقيه فوق شجرة على الزراعي او لابد في درة ولا مستخبي ورا جموسة واقفة حاجة تجنن

هاهاها

بالنسبة لموضوع الشماسة أو الستاير الكبس عموما , واحد صاحبى قالى مالهاش بند فى القانون
عايز أعرف بقى مخالفتها بيبقى اسمها اية ؟