عاوز تفسير لموقف رادار الدائري

**zomee17** · 14-08-2009 07:44 PM

السلام عليكم اخواني الكرام : يا ريت تفيدوني في موضوع محيرني اووووووووووووووووي انا عديت علي كمين رادار علي الدائري و انا متأكد اني كنت معدي التسعين ممكن 100 او 110 مش اكتر و ادامي عربية و كلنا نفس السرعة يمكن انا اقل منه شوية و فجأة ظهر الكمين قام الكمين موقفه انا قولت انا كمان خلاص واقف واقف بس الغربي ان امين الشرطة بص علي عربيتي و موقفنيش و مشيت عادي
ايه الحكاية ؟ هل انا اتلقط رادار و متسجلش و لا ايه
هوا مخالة السرعة لازم تحصلها فوري و لا لا و هل لو في مخالفة و بعتوها علي المرور بتاعي في الحالة دي ممكن ادفعها ازيد من الفوري و لا ايه انا عاوز افهم منكم و شكرا

**M.Osama** · 14-08-2009 08:15 PM

علي حسب معلوماتي ان الرادار بيلقط صوره كل 3 ثواني تقريبا وبالتالي هوا لقط اللي قدامك وملحقش يلقطك

ولو اتلقطت لازم تقف في الكمين يعني مفيش حاجه حتجيلك في المخالفات

**zomee17** · 14-08-2009 08:21 PM

شكرا جدا يا استاذ اسامة علي اهتمامك و علي الرد

**MoToRiZeR** · 14-08-2009 09:25 PM

و ساعات بيكون الرادار أصلاَ مش شغال و يوقفك يقولك إنت معدي السرعة و يستني يشوف إنت رد فعلك إيه .. طبعاَ لو إنت متخطي السرعة هتتخض و وشك يصفر و تحاول تفلفص من الموقف فا طبعاَ بيروح عاملك المخالفة .

**som3aa** · 14-08-2009 09:27 PM

معلش هو رادار الدائرى قصدك بتاع المطار (الطريق اللى اخره الشيراتون و اوله كوبرى النادى الاهلى ) و لا قصدك الطريق الدائرى بتاع كارفور؟؟
و الرادار مكانه فين بالظبط؟

**zomee17** · 15-08-2009 12:31 PM

الرادار الي اصدي عليه بتاع كارفور يا استاذ سمعة

**som3aa** · 15-08-2009 08:44 PM

الرادار الي اصدي عليه بتاع كارفور يا استاذ سمعة

شكرا
فعلا زى ما قالوا الرادار مش بيلقط كل العربيات لان الراجل نفسه بيبلغ فى اللاسلكى كمان ففى عربيات كتير بتعدى منغير ما تتلقط , بتحصل كتير عادى

**BeroOo** · 13-09-2009 03:01 PM

الرادار ده أى كلام وطحينة!! مسألة حظ بحتة..!!
الجمعة صباحا.. كنت نازلة من منزل المقطم اللى على الدائرى (قبل الرادار ب 50 متر بالظبط).. والضابط قال ايه!! مسكنى على 100كم/س........ على اساس انى سايقة طيارة!! عربية ايه دى اللى تجيب 100 فى 50 متر !!

المهم رجعت للرادار والراجل ورانى الفيديو.. لقيت عربيتين قدامى على 120 مثلا.. عدوا طيارة فى الفيديو.. والرادار عبال مصور.. صورنى أنا.. كنت على الحارة اليمين وماشية على أقل من 60!!!

والاختيارات اللى كانت قدامى - حسب كلام الضابط - يإما 150 جنيه غرامة فورية وتاخد الرخص.. ولو معترض.. اعمل تظلم وتدفع من 300-1000 جنية ومش هتاخد الرخص!!

أقول ايه.. حسبى الله ونعم الوكيل.. وعوضى على الله..

**أحمد كمال** · 13-09-2009 03:18 PM

لعنة الله عليهم

**Ahmed A Rahman** · 13-09-2009 03:29 PM

المشاركة الأصلية كتبت بواسطة som3aa

معلش هو رادار الدائرى قصدك بتاع المطار (الطريق اللى اخره الشيراتون و اوله كوبرى النادى الاهلى ) و لا قصدك الطريق الدائرى بتاع كارفور؟؟
و الرادار مكانه فين بالظبط؟

على فكرة دا مش الدائري

دا كمالة الاوتوستراد (طريق النصر)