عايز اعمل مشروع (مطلوب افكار جديد ) للمشاركه

**abdo_general** · 15-08-2009 11:08 PM

هو ياريت تقبل مني التوضيح دا يا استاذ احمد

هما لما حد بيسئلك عن خبرات او مجالك

هو قصده يعرف هوياتك او ميولك بحيث تبقي فكرة قريبة منك شخصيا و مش بالضرورة تكون جت علي بالك

بس علشان لما حد بيفكر يشتغل او يعمل مشروع مش بتبقي اي حاجة

المهم تكون قريبة منك او انت تحس كده انك هتلاقي نفسك فيها وتقدر تكبرها

انا ممكن اقولك فكرة بس مش عارف ايه نظامها بالنسبالك

هي جايه في دماغي قريب وعجباني

انت ممكن لو اخدت حته ارض وزرعتها نجيلة

انا من وجهة نظري شايف انها مربحة

لاءن اولا عليها طلب حاليا كتير

نظرا لكم القري السياحية والمدن الجديدة

المتر بيتباع بحوالي 5 او 6 جنيه

يعني الفدان 4200 متر يعمل حوالي قول 21000
والنجلية ممكن تتقص من مرتين او ثلاثة في السنة
يعني بالقليل 42 الف

اما بالنسبة للمصاريف الزراعة الخاصة بيها وكده مش عاوز ( افتي )

بس ممكن لو الموضوع عجبك تقدر تسئل وتجمع معلومات كتير عنه

المهم المشروع الي تشتغل فيه مش بكبره ولا صغره

لو انت بتحبه هتبدع فيه

ودا المهم

**SeiffoZ** · 16-08-2009 12:29 AM

طالما التمويل كبير و مش عاجباك المشاريع الصغيرة ...

إشترى شركة النصر لصناعة السيارات ... و طورها ...

**ainshouka** · 16-08-2009 01:28 AM

المشاركة الأصلية كتبت بواسطة kemo0o

باشا لو المبلغ كبير انصحك تشوف مجال الادوية ... يعني تفتح لك مخزن أدوية أو لوم المبلغ هيكون كبير شويتين ممكن تفتح لك brand خاص بيك ... وتصنع عند أي شركة تانية في الأول لحد لما السوق يمشي وتبدأ تعمل مصانع لنفسك

وبصراحة مكسب الادوية محترم جدا جدا

نظام مخازن الادوية فعلا كويس وبيكسب كويس تقريبا نسبة خسارته قليلة جدا لكن عاوزة منك الاول انك تشوف مخزن وتشتغل فيه عشان تعرف الدنيا ماشية فيه ازاى وايه اللى بيخلى الصيدليات تقاطع مخزن معين وكده يعنى
انا وكنا كذا واحد قرايبنا كنا ناويين نخش فى المشروع دا بس توقفنا لاننا مكناش لاقيين مكان يصلح كمخزن

لكن موضوع brand لا أنصح بيه الان الا لما تدوس فى السوق شوية
وbrand فيه منه نوعين يا اما يكون دواء وحاجة تستاهل فعلا

او يا اما يكون زى مبنشوف دلوقتى مراهم الاعشاب اللى بتنزل لمدة شهرين وبتختفى زى بتاعت تفتيح البشرة والتخسيس وبيتباعوا باسعار غالية ودى غالبا بيكون صاحب المنتج دا بيتفق مع الدكتور على نسبة لما الدكتور بيكتبله على الاصناف دى ودا كده ميعتبرش شغل كده يبقى اسمه نصب على الناس

**أحمد سالم** · 16-08-2009 10:58 AM

هو ياريت تقبل مني التوضيح دا يا استاذ احمد

هما لما حد بيسئلك عن خبرات او مجالك

اشكر حضرتك على الرد

نظام مخازن الادوية فعلا كويس وبيكسب كويس

ده فعلا اول فكره ممكن الواحد يدرسها
انا كمان كنت فكرت انى اعمل صيدليه وابدء اعمل اسم لمجموعة صيدليات
وفى صديق مهندس كلمنى على مشروع شركة مقاولات
ولسه التفكير قائم الى ان يتم التوفيق من عند الله

**marsguy** · 16-08-2009 11:11 AM

في مشروع مش محتاج تجهيزات ولا ديكورات كتير، وفي نفس الوقت مش محتاج فلوس كتير

مشروع محل منتجات ورقيه ومستلزمات نضافه

مناديل وفوط مطبخ وأطباق فويل ... إلخ

مسحوق غسيل وصابون سائل وفنيك ....إلخ

ده مشروع مش بيتطلب فلوس كتير، يعني ممكن تفتح محل تجرب فيه ولو مشي معاك ممكن تفتح فروع تانيه

**ahmed4000** · 16-08-2009 11:28 AM

الصيدلية اعتقد مربحة جدا ومش معقدة

**EZABY** · 16-08-2009 02:45 PM

انا رأيي انك تشوف حاجه تعرف تسوقها وتستوردها من بره

**محمد محمد** · 16-08-2009 04:47 PM

ممكن محل امام مدرسة يتعمل مكتبة وممكن سوبر ماركت فى منطقة جديدة ممكن محل خدمة اطارات فى مكان او طريق حيوى او فى بنزينة جديدة وممكن محل لبيع لوازم المحلات اكياس اطياق فويل ولوازم الحفلات والشنط المطبوعة والموضوع ده مش مكلف اوى وده امتداد لأقتراحات العضو marsguy وانا بشوف ناس كتير عاملاه عندنا فى العبور وشغال كويس وممكن مخزن او محل لتجارة الجملة اللى هى المنتجات اللى بتتباع فى السوبر ماركت وممكن محل لتجارة مواد البناء ويشتغل كويس لو فى مدينة جديدة وممكن مركز care car العناية الفائقة بالسيارات وربنا يوفقك لما فيه الرزق الحلال.

**MOSHAKS** · 16-08-2009 05:06 PM

او مصنع كرتون لانى اعرف ان صناعه الكرتون مربحه جدا ومصارفها وتكاليفها بسيطه

**AhMeD EzZ** · 16-08-2009 06:04 PM

ممكن مادام التمويل كبير
ممكن تشوف بيت و تاخدة و تقسمه قاعات و يبقي سنتر دروس ثانوي الموضوع مربح جدااااا
اقل درس دلوقتي لمدرس مشهور بيبقي 17 فرد للمواد العلمية و مش اقل من 25 للمواد الادبية " في مدرس تاريخ اسمة العسكري دة حصصة مش اقل من 40 واحد و في ايام المراجعة بياجر قاعة جنب قاعة المؤتمرات " و المدرس بيدي مش اقل من 4 حصص في اليوم
و انت بتاخد علي كل طالب في الحصة 4 جنية و نسبة من المدرس حوالي 15%

يبيقي 17*4 = 68 طالب في اليوم الواحد

68*4 = 272 جنية لليوم الواحد غير النسبة من المدرس
دة كمان بالنسبة للمدرس الواحد يعني شوف في كام مدرس بيبدي دروس

الموضوع مربح من كل ناحية و مش محتاج مجهود كبير

الموضوع: عايز اعمل مشروع (مطلوب افكار جديد ) للمشاركه

LinkBack

أدوات الموضوع

عرض

-

-

-

-

-

-

المواضيع المتشابهه

عايز اعمل مشروع براس مال من 15 ل 20 الف

عايز اعمل مشروع هل من مساعده؟؟

حد عنده افكار ل مشروع جديد ؟؟

عايز اعمل مشروع زراعة ماشروم

فية بدروم عمارة و عايز اعمل فية مشروع و محتاج افكار

الكلمات الدلالية لهذا الموضوع

المفضلات

المفضلات

ضوابط المشاركة