السلام عليكم و رحمه الله و بركاته

انا معايا فيليشيا 95 و كنت نفسى اركب قزاز كهربا ووحده رفع علشان ارتاح بقى من التقل البشع اللى فى الأكر و شويه رفاهيه فى عربيه خشنه زى توتا(عربيتى)
المهم
انا من الأسكندريه و جبت المكنتين يابانى استعمال من عند واحد عند ترعه المحموديه مشهور جدا و جبت وحده رفع من عزبه سعد و طقم زراير من صلاح الدين و التكاليف كالاتى:
1- مكنتين يابانى 350 جنيه
2- وحده رفع 30 جنيه
3- زرارين تايوانى 44 جنيه ( ومرضوش ينزلو جنيه و الله)
4- 20 متر سلك اتنين ملى 40 جنيه
5- 12 كلبس زى بتاعه السماعات الطرف السالب (ترامل صغيره) 3 جنيه
6- المصنعيه(كهربائى معرفه) حوالى 60 (و علشانك و الله طبعا انتو عارفين الكلام ده )
لايوجد عيوب حتى الأن و يا رب كده عالطول (يمكن بس القزاز اليمين تقيل شويه و هبقى اروح للراجل اشوفه)

يا رب اكون افدتكم