الموضوع: مشكله فى كهرباء الانوس ارجو المساعده

السلام عليكم ورحمة الله وبركاته
كل عام وجميع الاخوه فى المنتدى والاخوات بخير ورمضان ان شاء الله يعود عليكم بالبركه واليمن والصيام والمغفره لجميع المسلمين ,,,,,, امين يارب العالمين 0
عربيتى لانوس 1 موديل 2000 مصرى عامله 50 الف كيلو
وعلبة الفيوس عامله معايه شوية مشاكل اهمها امبارح لقيت البطاريه نايمه خالص فكشفت على علبة الفيوس لقيت مكان الفيوس تقريبا محروق وفى فيوس محروقه .... المهم غيرت البايظ فيها ودورت العربيه بالزء ووقفت فى مكان وبعد ساعتين والعربيه كانت مبطله خالص فوجئت ان فى رائحة شياط فى العلبه ففتحتها لقيت ان فى فيوز بتتحرق والعربيه مبطله خالص جبت كهربائى عملى توصيله كده بسلك وقالى ان فى شرز .
والعربيه اشتغلت الان بشكل يعنى مش بطال بس احيانا اجد نور التابلوه والواطى والكلاسك وقفو ولو حركت الفيوز يشتغلو تانى يعنى بيفصلو ويشتغلو مع نفسهم .. فى الحقيقه المسأله دى بتضايقنى ... واخيرا الكهربائى الهمام بتاعى قالى نغير العلبه دى ونجيب علبه جديده بس مش مقطعه سلوكها طلب منى اجيبها بسلوكها بس هو هيوصل الفيش مش هيوصل السلوك وقالى اسمها ضفيرة الربع الامامى 0
ايه راءى حضراتكم فى الكلام ده وفى حالة التغيير بالشكل ده اجيب العلبه بالسلوك من فين واسعارها ايه وهل كلام الكهربائى ده صحيح ولا ممكن الجاء لحل اخر
وشكرا لحضراتكم

ربنا يوفقك ....وأرجو منك عدم ترك الفرصه للشيطان فى التدخل فيما بيننا .....وكل عام وأنت والجميع بخير