حد يعرف مكان اتعلم فى السباحة؟

**elrasy** · 14-08-2009 10:59 PM

بما انى مش مشترك فى اى نادى ,حد يعرف مكان اتعلم فى السباحة مجرد انى اتعلم بس مش لازم تدريب علشان اخد ميدالية اولمبية؟

**Ahmed.Ali** · 14-08-2009 11:08 PM

نادي المعلمين في الجزيره جنب النادي الاهلي

**elrasy** · 14-08-2009 11:17 PM

المشاركة الأصلية كتبت بواسطة theegyption

نادي المعلمين في الجزيره جنب النادي الاهلي

هل بينظم دورات ولا لازم اكون مشترك فية ؟؟؟ وهل عندك فكرة عن مواعيدة و اسعارة؟؟

**هيثم** · 14-08-2009 11:50 PM

شوف الاتحاد الرياضى العسكرى خلف دار المشاه
وممكن كمان نادى الجلاء

**Terrible_DaRsH** · 15-08-2009 12:45 AM

انت ساكن فين طيب ؟

**كابوس الليل** · 15-08-2009 01:41 AM

حد يعرف مكان اتعلم فى السباحة؟

ممكن تتعلم فى المية العوم فى المية حلو

**samoevil911** · 15-08-2009 01:46 AM

بص نصيحة شخصية مدام مش عايز تاخد ميدالية بيتهيألي مش لازم نادي.. لأن السباحة سهلة جدا ... بس لو عايز تبقي سباح مش هاوي يبقي لازم نادي.. انا اسكندراني وبيتهيقلي العيل بينزل عندنا بيعوم عشان البحر .. يمكن في القاهرة بقي عشان مفيش بحر فدي المشكلة ... بس انا ممكن اديك لينكات تتعلم منها بس لازم تجرب عملي ... ولو هتروح نادي يبقي فكر انك تاخد ميدالية عشان دا هيحمسك اكتر لأن الاسكندرنية مثلا عويمة بس مش كل عويم بيعرف يعوم مسفات .. عشان عيزة لياقة وتعود .. ودا لازم تتعلموا في نادي .. وربنا معاك .. وان شاء اللعه الاعضاء يفيدوك في نادي كويس وربنا يوفقك

**AboELsoud** · 15-08-2009 02:32 AM

عندك كل نوادي الجيش ممكن تدرب فيها .... بس لو مدني هتبقى غاليه شويه
كمثال .. اشتراك الجيم في دار الدفاع الجوي30 للعضو نفس السلاح 50 للاسلحه الاخرى 120 للمدني !!!
و هتلاقي السباحه تقريبا في نفس الحدود

**مواطن مصرى** · 15-08-2009 02:43 AM

فيه حاجه بتتعمل فى النوادى فى الصيف اسمها مدرسه السباحه (زى مدرسه الكورة كده) بيعلموا اى حد السباحه مقابل مبلغ ما كاشتراك فى الدورة (100 جنيه مثلا لمده شهر)

ممكن تسأل فى الثلاث اماكن دول عنها :

اتحاد الشرطة الرياضى - الدراسة
نادى الجلاء للقوات المسلحه - صلاح سالم
نادى المقاولين العرب - مدينه نصر