الموضوع: صوت تنفيس فى الردايتير

[QUOTE=MMamdouh;3871930582]

المشاركة الأصلية كتبت بواسطة elhathoti

و لما عاشور دة مش الكهربائى بتاعك رحتلة ليه اصلا؟ و طالما انت بتقول انك بتنفذ "تعليماتى" ابقى هاتلى فين انا قولت روح لعاشور

و للعلم انا عمرى ما سمعت الاسم دة قبل كدة ولا حد هنا سمعة قبل كدة غير منك... الكهربائى الوحيد اللى عبدة بيتعامل معاه هو ناصر و لو الموضوع محتاج سكانر بيروح لمحمد السيد لكن الاسم اللى انت قولتة دة محدش يعرفة غيرك

انا لا ليا مصالح ولا غيرة و لو كان دة صح كانت الناس شافتنى هناك كل يوم و التانى فى حين ان عبدة شحصيا بيتحايل عليا عشان اجيلة يوم اقعد معاه شوية... و ياكد الكلام دة شريف و ياكدة الراجل صاحب الليجانزا المحروقة

و مصلحة ايه المادية اللى بتتكلم عنها؟؟ هو عشان بنصح الناس بواحد يبقى ليا مصلحة؟؟؟ طيب على كدة بقى انا ليا مصلحة مع محمد السيد و محل ابو هاشم و ابو الحسن كمان... طيب تفسر باية لما بقول لحد يروح لمحمد هاشم بدل عبدة؟؟؟؟ هل دة بيحصل لما اكون مختلف فى الفلوس مع عبدة مثلا ولا هاشم قاللى حديك اكتر من عبدة و الا ايه؟؟؟

لازم تعرف انى مش مستنى قرش من حد بفضل الله و الحمد لله ولا ورشة عبدة ولا اى ورشة ولا حتى المنتدى على بعضة له فضل عليا فى اى ماديات... انا راجل متعلم و بشتغل شغلانة محترمة و مكفى بيتى و زيادة و الحمد لله و مش مستنى قرش من حد

و اعلانات ايه اللى بتتكلم عليها؟؟؟ الموضوع اللى فى المنتدى مكتوب عشان فيه ناس كتير اوى بتسال على عبدة و على مكان ورشتة فا بدل ما اكتب الرد مليون مرة عملتة فى موضوع فيه كل البيانات و خلصت نفسى... كدة يبقى انا عامل اعلان؟؟... سبحان الله... يعنى الواحد لما يعمل خدمة فى الناس يبقى صاحب مصلحة؟؟؟

و عشان بس متعيشى نفسك فى اوهام... انا طموحى انى يبقى عندى مركز تعديل سيارات او زى ما بيسموة بره performance shop مش ورشة ميكانيكا فى حارة

و ارجو برضة متعييش نفسك فى الوهم و تقول "حكيت قصتى" و كدة لانك لحد دلوقتى مشرحتش ايه اللى حصل بالتفصيل و لتالت مرة بتهرب من السؤال و الهروب معناه انك بتالف قصة من الهوا و خلاص

لو عايز تروح فى اى حتة فى الدنيا تعمل مواضيع اعمل...طالما انت كل سطر تقولى قال الله و قال الرسول يبقى اكيد انت عارف ان الرزق على الله مش عليك و اللى انت حتعملة مش حيمنع رزق جاى للراجل زى بالضبط ما نصيحتى لاى حد انه يروحلة مش حتزود رزقة

هو فين الاغترار بالنفس و المعلومات؟؟؟ هو فيه حد مغتر بنفسة يطلع كم المعلومات دى للناس كدة ببلاش؟؟؟ دة فية ناس شغالة فى توكيلات متعرفش حاجات كتير من اللى انا كاتبها دى... دلوقتى بقيت انا بغتر بنفسى و بمعلوماتى؟؟؟؟

و الناس اللى كانت بتكلمى فى التليفون بدل المرة الف فى يوم واحد و تسالنى مليون سؤال و برد على كل اسالتهم و انصحهم ايه الصح... دول كمان انا بتنطط عليهم بعلوماتى؟؟ و ترجع تزعل لما اقول انك بترمى الناس بالباطل.... صح؟

ياريت متكلمنيش عن العيب و انت نفسك بتعملة... انت اول مرة كتبت فى الحوار دة سالتك كام سؤال عشان نعرف الموضوع من اولة لاخرة و انت اتهربت من الاجابة و مقولتش اى حاجة و لما سالتك تانى قولت انا كتبت بامنة و قال الله و قال الرسول و شكرا على كدة و محدش فهم اى حاجة... و بعد القصة دى بكام اسبوع جاى ترمى كلام... كل دة انت مش شايف انه عيب؟؟ و طالما شايف انك صاحب حق ليه مكتبتش فى ساعتها عشان اتصرف؟؟ و ليه حتى مكلمتنيش فى التليفون؟؟؟... معلش انت بتتصرف تصرفات غريبة و بالتالى متلوش حد على اى رد فعل طالما انت مش واضح مع الناس

MMamdouh

اه ده كله ده انتى فاضى بئه ولا ايه حكايتك اوهام ايه الى معيش نفسى فيها دى وعيب ايه الى انا بعملو وهو عيب انى اقول قال الله وقال الرسول هى دى بئة عيب ولا ايه وقصص ايه الى انا بخترعها ومعلومات ايه الى محدش يعرفها غيرك .... انا مش هرد عليك بأسلوبك ده لانه لايليق ....... بس بكرر تانى انا كنت رايح اصلح العربيه عند عبدو يعنى كنت رايح اصلح (مش انت بتقولى صلح عربيتك الاول ) ماهو الراجل ده الى بيصلح قصدى الى مفروض يصلح
ياريت يكون ردك فى لياقه احسن من ده انت بتقول انك متعلم وخلى بالك انت الى بداءت بالغلط وحتى اللحظه دى انا ماغلطتش . وهقفل الموضوع على كده وياريت انت كمان تعمل زيى . والمهندس سمير ليه كل الاحترام

وهقفل الموضوع على كده وياريت انت كمان تعمل زيى . والمهندس سمير ليه كل الاحترام

ياريت الله يخليك ....
أنت ومحمد ....نقفل على الموضوع ده
وكفايه ....الله يخليكم .....علشان متدوش فرصه للشيطان أكتر من كده
وأنا أستسمحتكم أنتو الأثنين قبل كده ....وأعتزرت لكل واحد بالأنابه عن التانى
وأدى راسكم أنتم الأثنين ......لحس الواحد قرب
وأعتبرونى أخوكم الكبير .....اللى بأطلب منكم ....نقفل بقه على الكلام ده .......اللى ملوش لازمه أساسا
وكل سنه وأنتم الأثنين بخير .....ومتنسوش أننا داخلين على شهر كريم
فخلوا من شيمتكم الكرم ......والتغاضى عن أى خلافات
وشكرا ليكم مره تانيه

ياباشمهندس سمير كل سنه وسعادتك طيب وانت راجل كلك زوق واحترام وانت من غير ماأشوفك عرفتك والله انك محترم وعلى خلق وممدوح مافيش عداوه والله بينى وبينه وهو فعلا بيقدم خدمات كتير بس والله انا ماغلط فيه هو الى بداء
وعلشان خاطرك ياباشمهندس سمير وذوقك واخلاقك العاليه هكون اكرم منه واعتذر ليه
انا اسف ياممدوح

الله يبارك فيك يا أخى .....ومفيش أسف ولا حاجه
وأنت ومحمد وأنا وكل الزملاء بمنتدى الدايوونايل موتورز عامة أخوات وأصدقاء
وربنا يبعد عننا الشيطان ....ونعوذ بالله من همزه ولمزه ....آمين يارب

وحدوا الله يا جماعة وقولوا لا اله الا الله واتوسل اليكم وارجوكم بعدم العصبية واحنا كلنا اخوات ارجزكم ولا تنسوا بالمعلومات القيمة والثمينة اللى بيقدمها المهندس ممدوح وسمير وفضلهم على المنتدى ككل وربنا يخليكم لينا ويجعله فى ميزان حساناتكم امين يا رب العالمين ورمضان كريم يا جماعة الخير

مايهمكش يا باش مهندسMMamdouh استمر فى عملك الخيرى هذا و لا يهمك هذا الكلام المحبط فالقافله تسيير و ....... تعوى و ستظل شجرة التفاح التى يرميها الناس بالحجاره فى النهايه شجرة تفاح و ستظل تمد الناس بخيرها الذى هو من عند الله.