سلام عليكم يا شباب أنا دلوقت معايا 20 الف عايز أجيب عربيه كويسه تشيل 5 أفراد و متكونش قديمه قوي عشان قانون الاحلال و متكونش مكلفه انا فكرت أجمعلي 5 تاني و انزل أشوف سكودا فليتشيا بس مش عارف ممكن أجيب أيه أرجو المساعد عموما المبلغ من 20 ل 25 يا مسهل
عرض للطباعة
سلام عليكم يا شباب أنا دلوقت معايا 20 الف عايز أجيب عربيه كويسه تشيل 5 أفراد و متكونش قديمه قوي عشان قانون الاحلال و متكونش مكلفه انا فكرت أجمعلي 5 تاني و انزل أشوف سكودا فليتشيا بس مش عارف ممكن أجيب أيه أرجو المساعد عموما المبلغ من 20 ل 25 يا مسهل
مش قدامك غير فيات ريجاتا 84 او 86 .
تشيل 5 و قوية جدا و تستحمل و نسخة من الشاهين بالظبط و كمان فيها تكييف .
ممكن تشتري سوزوكي سويفت 1995 وممكن كيا برايد 1998
لادا 2105 موديل 94-95
سوزوكي سويفت
سكودا فيليشا بس ممكن تكون اكثر شوية هي و الشاهين
وممكن مازدا 323 ... عربيه جميله جدا
سويفت ب 20 الف !!!!!!
وممكن هوندا أكورد أوائل التمانينات
شكرا ايكم يا شباب علي الاهتام و معلش عشان أتأخرت في الرد لظروف خارجه عن أرادتي بس مش قديمه شويه ريجاتا 86 ديه خصوصا و هما بيناقشوا قانون الاحلال للملاكي و شكرا مره تاني يا شباب
الخبر اتنفى و ملوش اساس من الصحة .اقتباس:
المشاركة الأصلية كتبت بواسطة supermorsy
بس الريجاتا افضل اختيار قدامك بالمبلغ ده و صدقنى مش هتلاقى احسن منها و 86 مش قديمة .
قدامك 131 و ريتمو و خيارات مش مناسبة .
دون ادنى تفكير هما تلات حجات بلترتيب
سويفت
لادا
برايد
اصل هو قال ممكن يتزود لحد 25 و دة رانج السويفت و غير كدة الريجاتا مش نسخة من الشاهين و لا حاجةاقتباس:
المشاركة الأصلية كتبت بواسطة terrible_darsh
لالالالا احب اقولك انك مركبتش او مركبتيش الريجاتا !اقتباس:
المشاركة الأصلية كتبت بواسطة nour87
الريجاتا اقوى 100 مرة من السويفت و البودى بتاعها ناشف جدا و موتور قوى جدا و تكييف و انعم من اللادا كمان .
الريجاتا حلوه وسابقه عصرها...بس صعب انك تلاقي ريجاتا بحاله نظيفه ..لانها عربيه بتتبهدل بسرعه والتابلوه بتاعها ضعيف جدا ..ولو هتجيبها دور على الفول ابشن (تكييف+زجاج كهرباء +كمبيوتر اعطال ) ..
وممكن تفكر في اللادا 2105 موديل تسعينات ..عربية سفر وتستحمل جامد ,,بس هتخليك لاعب كمال اجسام محترف
انا مقلتش ان الريجاتا وحشة لكن العربية موديل قديم حتى لو السويفت ضعيفة بس موديل احدث تبقى احسناقتباس:
المشاركة الأصلية كتبت بواسطة terrible_darsh
موديل 86 مش قديم و لا حاجة خصوصا لو كان الفرق يستاهل .اقتباس:
المشاركة الأصلية كتبت بواسطة nour87
لو لاقى عربية محترمة من الريجاتا هيبقي ارتاح جامد .
يعنى استعجبت على السويفت ام 20 الف وماستعجبتش على البرايداقتباس:
سويفت ب 20 الف !!!!!!
شكرا تاني يا شباب علي الاهتمام والله انا مش عارف أقولكم أيه بس هوا فيه برايد ب 20 كده حتي لو هاتش و شكرا كتيييييييير يا شباب
لا صعب تلاقي ب20 هي بتعمل في حدود 26 الفاقتباس:
المشاركة الأصلية كتبت بواسطة supermorsy
انا رأيى سيتروين zx
عربية حلوة وناعمة وحمالة أسية وفي حدود من 22 - 25الف
فى كمان دايهتسو شاريد موديل التسعينات و مكيفه هاتشباك 22 الف و سيدان لحد 26 الف
+1اقتباس:
المشاركة الأصلية كتبت بواسطة robeir
انا فعلا العربيه ده معايا ومريحاني جدا مع انها 1000 سي سي ومكيفه بس بسم الله ماشاء الله ومكيفه
شباب معلش انا تعبتكم معايا جدا بس والله عشان اول مره أشتري عربيه أنا دلوقت واحد صاحبي نصحني أجيب 128 خصوصا اني معنديش خبره في أي شيئ يتعلق بالعربيات و كمان أني لسه هتعلم عليها أيه رأيكم و لو كد أجيب موديل كام و بتبقي في حدود كام انا مش عايز أحط فيها فلوس كتير عشان أخلي فلوس أظبط بيها العربيه وكده ربنا يكرمكم يا شباب و كل عام و انتم بخير
كلام سليم بس انت لو زودت لحد 25-26 الف و جبت سويفت هتبقى اعطالها اقل من ال128 و هتريحك و على الاقل راكب عربية انعم و هتوفر شوية عن ال128اقتباس:
المشاركة الأصلية كتبت بواسطة supermorsy
نصيحتي ليك هي الشاهين تصبر وتركب حاجه موديل 95 او 99 في حدود ال30 الف وتستريح ارخص قطع غيار ومتوفره وحمالة اسيه وكل الصنايعيه عارفلها
وربنا يوفقك
طيب هوا ينفع أجيب 28 حالتها نضيفه ب 15:18 الف ولا أيه النظام عشان الفلوس بتقل و عايز الحق أجيب حاجه بدل الحيره ديه الله يكرمكم و بالنسبه لقانون الاحلا ده هوا أتلغي خلاص أكيد ولا أيه النظام
ممكن جدا السعر ده يجيب 28 حاتها كويسه و بدون متحتاج مصاريف واهى عربيه سهله فى صيانتها و سواقتهااقتباس:
المشاركة الأصلية كتبت بواسطة supermorsy
بس ماتجبيش عربيه رخيصه وتقول اصرف عليها...هتارفك جدا هات عربيه حالتها ممتازه علشان تريحك ومتتسرعش
تسلم يا باشا بس أرركز علي موديل كام
فوق ال80 و المهم الحاله اهم من الموديل...لان كل ال128 نفس الشكل... و الموديل العالى طبعا بيرفع سعر العربيه.. اخويا لسه شارى 128 مو 1986 ب 13 الف بس فيها شغل ...اقتباس:
المشاركة الأصلية كتبت بواسطة supermorsy
ايه رأيكم يا جماعة فى البيجو 305
سيارتك عندي
128 موديل 97 و 1300 سي سي ومجددها بالكامل ( بطارية وكاوتش وعافشة وشكمان ورش خارجي للتجديد ورخصة سارية حتى 3/2010, لو ناوي إن شاء الله اتصل: 0113369393