| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 9 من 9

  1. #1

    الصورة الرمزية samarko_SDF

    رقم العضوية : 13553

    تاريخ التسجيل : 24Jun2008

    المشاركات : 14

    الحالة : samarko_SDF غير متواجد حالياً

    افتراضي محتار بين اوبترا و صني..ياريت يا باشمهندس سبعاوي تحل مشكلتي - Facebook Twitter whatsapp انشر الموضوع فى :

    hasad">

    يا جماعه انا معايا 88 الف جنيه ومش عارف اشتري نيسان صني موديل 2010 زي مبيقول بتاع المبيعات فى سمير ريان (ولا هيا موديل 2009 وهو بيشتغلني لان تاريخ صناعه الصاج مش موجود فى الليبل الى فى الكابوت ) ولا اشتري اوبترا 2010 بردو ( مش عارف ليه كل لما اسأله على عربيه يقولى موديل 2010 ) ماعلينا مش ده موضوعنا موضوعنا ان فى مميزات فى كل عربيه من وجهه نظري تعالوا نبتدي بالاوبترا :
    1- عربيه فى ناس كتير اوي فى مصر مشترينها معني كده انها عربيه كويسه وعليها اقبال شديد
    2- قطع غيارها متوافره فى كل مكان ( من الاخر معاك فلوس توكيل هتغير فى التوكيل ممعاكش انزل التوفيقيه او الحرفيين وشهيص نفسك هناك )
    3- صالونها اوسع واكبر من النيسان صني ال EX
    4- التابلوه بتاعها افخم بكتير من الصني ال EX
    5- حجم العربيه اكبر من ال EX
    6- مع واحد صحبي وهو شاب وانتوا عارفين سواقه الشباب جري على الطرقات السريعه وغرز ولازم الموتور يكون بيشد والعربيه تكون الاستابيلتي بتاعتها ممتازه وكان رد الراجل العربيه زي الفل من الموتور للتكييف للثبات للشد وجربتها ولقيتها حلوه اوي

    طيب ايه العيوب بقي :
    1- العربيه كوري من الاخر دايو وعمليه ان موتور دايو يركب على عربيه تانيه ده فى حد ذاتيه يقلق
    2- العفشه بتاعتها حاسيتها ناشفه ومش سلسله
    3- بسمع انها بتاكل بنزين كتير
    4- سمعت من النت ان اعطالها كتير وتوكيلها وحش اوي ومعاملته للعملاء سيئه للغايه
    5- خايف من الموتور بتاعها من اول شده او جري يفيص مني لاني مجنون فى السواقه يعني بحب العربيه تكون معايا وقت ماشد معاها تشد ومتقولش لا وقت ماريحها احس بنعومتها عايز موتور قوي والعفشه حلوه وناعمه وعايز تكييف جامد علشان الحر بقي ولا حر الخليج وعربيه تستحمل السفر كتير ومتاكلش بنزين كتير وعربيه تكون مش بتاعه شاب بس يعني تكون بتاعه عيله بردو (مش عارف اعتقد ان ده حقي اني اركب عربيه وادفع فلوس متهيألى اني مبطلبش المستحيل ولا مواصفات عربيه زي دي مستحيله فى مصر !! )

    طيب سيبنا من الاوبترا يا معلم وهتقولى فكك من الكوري وبتاع ودي عربيه وحشه
    ندخل على النيسان الصني بما انهم فى نفس السعر والاتنين مانويال
    ايه المميزات بتاعه الصني الى هيا 2010
    1- فول اوبشن (هيا هيا مع الاوبترا مختلفناش فى حاجات كتير )
    2- العربيه ياباني يعني موتور وتكييف وعفشه زي الفل
    3- لما ركبتها من جوه لقيتها حلوه وواسعه الى حد ما
    4- قطع غيارها بردو متوفره بره التوكيل وجوه التوكيل ولو لقدر الله لو حصل حاجه ممكن تتصلح فى ساعتها
    5- بتاع المبيعات بتاع سمير ريان قالى ان عفشتها عفشه رياضيه ومحدش بيشتكي منها لان كان فى عيب قبل كده ان العفشه بتاعه الموديلات القديمه مكنتش بتستحمل الهبد بتاع المطبات والطرق بتاعه مصر فتفادوا العيب ده وعدلوا العفشه بعفشه رياضيه فياريت حد يقولى الكلام ده صح ولا الراجل بيقول اي كلام وخلاص وخصوصا ان طرقنا هنا فى مصر ماشاء الله حرير ومفيهاش ولا مطببات ولا حفر ولا اي حاجه خالص .
    6- حاسس ان العفشه بتاعتها انعم من عفشه الاوبترا وده واضح لما بهز المساعد الخلفي والامامي والعربيه واقفه
    7- وفى الاخر الراجل قالى قبل متشتري هخليك تعمل تست سواقه للاوبترا وللنيسان وده مبعملوش مع اي حد وانا خايف اركب النيسان واطلع عنيها فى التست ده الراجل يموتني بما اني مسوقتش النسان بس انا مجرب الاوبترا وسوقتها ولقيتها اشطه شغاله ويجي منها (بس بردو دول 88 الف جنيه عايز احسن حاجه بيهم )

    العيوب بقي(اعتقد ان العيوب وضحت فى المقارنه بس اوضح عيوبها من وجهه نظري كاول نظره للعربيه ) :
    1- عيب شفته فى المنتدي لقيت ان مفيش فلتر تكييف (ياصلاه النبي احسن ) طيب هل العيب ده اتصلح فى الموديل الجديد الى ممكن اشتريه اذا ربنا كتبلى نصيب فيها باذن الله
    2- عيب شفته تاني انه العربيه بتهبد فى المطبات ولازملها رجلشه فى علبه الدريكسيون (ياحلولى )
    3- سمعت ان التقفيل المصري وحش اوي وبيبان فى الازاز من اول 5000 كيلو !!
    4- سمعت ان العربيه بتاكل بنزين (يعني معدل استهلاكها كام كيلو فى الصفيحه ؟؟؟ علما بان العربيه مانويال ومش هشغل التكييف وعايز اعرف مع التكييف هتعمل كام كيلو فى الصفيحه ( ده كله داخل المدينه وبره المدينه ))
    5- سمعت ان التوكيل بردو مش جامد اوي
    6- فى واحد كنت اعرفه اشتري العربيه دي بعد مستلمها بيفتح التكييف مبيفتحش راح لبتاع تكييفيات يشوفلوا العيب منين قالوا ده فى سلكه مفصوله ( احد المكونات المصريه ضفيره الكهرباء (لا صنع اليابان ولا الصين ده بتاع بلدنا ومبيتكسرش يا خوفي من التقفيل المصري يا بدران ) )


    طيب جميل اوي بعد الكلام الكتير ده كله عايز اعرف الخلاصه من كل الناس الى جربوا النيسان لان انا مقتنع بيها كعربيه حلوه باذن الله هتعمر معايا وياريت اعرف رأي الشباب ايه عن العربيه لاني شاب ولازم اعرف رأي شاب زيي يعرف يعني ايه لما يسخن مع واحد فى طريق سفر وفى وسط البلد وغرز ويعرف يعني ايه لما مزاجه يكون رايق ويشغل اغاني سلو وميبقاش عايز يسمع اي صوت فى العربيه غير صوت الكاسيت بس ويعرف يعني ايه لما اهله يرغموه يسافروا بعربيته ويحطوا شنط فى العربيه كانهم معزلين مش رايحيين مصيف وده طبعا بيأثر فى حموله العربيه ومطبات الهواء فى الطرق السريعه يعني هل من مطب هوا مع الحموله الواحد يحس ان الكاوتش بيحك فى الكارتيره ولا سوست المساعد بتخبط فى بعضيهم ولا ايه ويعرف كمان يعني ايه لما واحد صحبه يقولو عربيتي عطلت ويروح ياخده ويفاجئ ان معاه 6 كمان ويبقي فى 6 ركبين العربيه ده غير السواق طبعا (اي نعم هما مش 6 تخان بس بردو حموله ) .... بردو بعد ده كله انا بعت عربيتي القديمه علشان عايز اجيب عربيه جديده تستحملني 10 سنين قدام ان شاء الله وتكون عربيه العمر مشتكيش منها ويوم ماصلحها لو حاجه باظت فيها احس اني فعلا صرفت عليها فلوس بس بردو الواحد بيتعرض لمواقف كتير والعربيه بتثبتله انها اصيله ولا عربيه فكسانه ومتستهلش المبلغ الى دفعه فيها لاني اتخنقت من عربيتي القديمه من كتر معدلت فيها ولعبت فى العربيه بجد والله نفسي فى عربيه تستحملني ومصرفش عليها وفى نفس الوقت اكون راضي عن ادائها ومش محتاج اعدل فيها حاجه .... معلش طولت عليكوا بس حسيت اقولكوا كل حاجه نفسي فيها لاني لقيت الناس هنا فعلا بتفهم وياريت الافاده من الجميع وبالاخص المهندس حاتم ( السبع ) والمهندس سبعاوي


  2. #2

    الصورة الرمزية samarko_SDF

    رقم العضوية : 13553

    تاريخ التسجيل : 24Jun2008

    المشاركات : 14

    الحالة : samarko_SDF غير متواجد حالياً

    افتراضي -

    ياريت يا جماعه الرد السريع بعد اذنكو علشان انا قدامي اسبوع وعايز اشتري العربيه فى خلال الاسبوع ده قبل رمضان وكل سنه وانتوا طيبيين


  3. #3

    الصورة الرمزية أحمد علاء

    رقم العضوية : 42165

    تاريخ التسجيل : 09Jun2009

    المشاركات : 1,653

    النوع : ذكر

    الاقامة : Heliopolis

    السيارة: لا يوجد

    السيارة[2]: Nissan Sunny 2009 A/T

    دراجة بخارية: لا يوجد

    الحالة : أحمد علاء غير متواجد حالياً

    افتراضي -

    السلام عليكم
    للنصيحة النيسان صني ممتازة
    معدل إستهلاك البنزين داخل البلد لن يزيد عن 180 كم للصفيحة بإستخدام التكييف (اوتوماتيك)
    لا اعلم إستهلاك البنزين في الأوبترا
    النيسان افخم واقوى محرك وعفشة
    لا مشاكل في العفشة
    لا مشاكل في التقفيل المصري
    انا راكب نيسان 2009 اوتوماتيك وبها abs وانصح بها كل من سألني عن سيارة في نفس الفئة
    وربنا يوفقك انصحك بالإستخارة و بلاش فكرة الأغاني
    ربنا يهدينا ويهديك


  4. #4

    الصورة الرمزية sha2e

    رقم العضوية : 11119

    تاريخ التسجيل : 21May2008

    المشاركات : 1,396

    النوع : ذكر

    الاقامة : Egypt

    السيارة: No

    السيارة[2]: Fiat

    دراجة بخارية: No

    الحالة : sha2e غير متواجد حالياً

    افتراضي -

    اعتقد النيسان افضل
    1- سعر اعادة البيع افضل من الاوبترا
    2- كماليات أكتر ABS و air bag (بس مش متأكد اوي من الاير باجز)
    3- عمر افتراضي أطول وخصوصا انك ذكرت انها هتفضل معاك فتره طويله
    4- صوتها انعم من الاوبترا ( لو انت بدور على صوت المحرك )

    عيبها من جوه الكراسي واطيه شويه وده بيدي مساحه اقل للرؤيه زي الكريستاله وللانوس ( وان كان فى ناس بيعتبرو الموضوع ده ميزه )

    [sor2]http://www5.picturepush.com/photo/a/13707593/640/111/29838-101385683246531-100001252983981-6799-7168748.jpg[/sor2]


  5. #5

    الصورة الرمزية samarko_SDF

    رقم العضوية : 13553

    تاريخ التسجيل : 24Jun2008

    المشاركات : 14

    الحالة : samarko_SDF غير متواجد حالياً

    افتراضي -

    شكرا يا جماعه على كل الى رد عليا ...بس كل الى سألته من شباب راكبين اوبترا او شباب راكبين صني كل واحد يشكر فى عربيته ويشتم فى العربيه التانيه ..فبردو مش عارف اي عربيه احسن بس انا خد العمليه بالمنطق وافتكر ان الياباني هيعمر اكتر بس ربنا يستر فى اسعار قطع الغيار وشكرا يا جماعه على الرد


  6. #6

    الصورة الرمزية tofy_urban

    رقم العضوية : 26846

    تاريخ التسجيل : 04Dec2008

    المشاركات : 273

    النوع : ذكر

    الاقامة : حدائق الأهرام

    السيارة: لايوجد

    السيارة[2]: لانوس 2

    دراجة بخارية: لا يوجد

    الحالة : tofy_urban غير متواجد حالياً

    افتراضي -

    معنديش معلومات كافية عن العربيتين انصحك بيهم لكن انت واضح انك مستعجل اوي و متسرع شويتين انصحك بالهدوء في اتخاذ القرار ده مش قرار سهل و لازم تبقي عارف انك هاتضحي بحاجات في مقابل حاجات لانك مش هتلاقي عربية فيها كل اللي كتبته بالسعر اللي انت عايزة فلازم يكون عندك اولويات و حاجات اهم من حاجات علشان تقدر تاخد قرار الشراء و ربنا يوفقك


  7. #7

    الصورة الرمزية amr_elrashidy

    رقم العضوية : 6764

    تاريخ التسجيل : 02Mar2008

    المشاركات : 690

    النوع : ذكر

    الاقامة : زهراء ابو غزالة-القاهرة

    السيارة: كيا سيفيا اا

    السيارة[2]: لانسر بوما

    الحالة : amr_elrashidy غير متواجد حالياً

    افتراضي -

    انا واحد من الناس عيشت كام شهر مع واحد من صحابى معاه اوبترا اوتوماتيك..عربية موتورها كويس اوى و الفتيس نقلاته كويسه..التكييف رائع بس بيأثر على السحب بنسبة ضعيفة..التقفيل جيد..العفشة ناشفة و مش مريحة لكن مع التعود عادى جدا ..الثبات معقول جدا لغاية 140 بعد كده انا بقلق حتى لو راكب مرسيدس..استهلاك البنزين عالى فعلا كانت بتعمل تقريبا 160 فى الصفيحة طبعا مع التكييف و الجرى...يعنى فى الاخر العربية ممكن تاخد 7.5 من 10...الصنى مع واحد فى شركتى طالع بيها السما بس اا بأمانه ركبتها عربية حلوة بس ضيقة بطريقة ملفته ..بس حسيتها تقيلة على السكة و راسية و عفشتها بتاخد و تدى معاك مش ناشفة و مش حرير...الاوبشن اعتقد ان supersaloon حتبقى اعلى من الاوبترا

    لا إله إلا انت سبحانك إنى كنت من الظالمين


  8. #8

    الصورة الرمزية M.Mosaad

    رقم العضوية : 12116

    تاريخ التسجيل : 02Jun2008

    المشاركات : 1,612

    النوع : ذكر

    الاقامة : Nasr City

    السيارة: لا يوجد

    السيارة[2]: Sirion GL 1300

    دراجة بخارية: no

    الحالة : M.Mosaad غير متواجد حالياً

    افتراضي -

    نصيحه انت معاك ماشاء الله مبلغ كويس ممكن تفكر كويس براحتك و تشوف اختيارات تانيه و ممكن تدفعه مقدم و تقسط مبلغ بسيط و تجيب حاجة اعلي شوية من الاتنين


  9. #9

    الصورة الرمزية samarko_SDF

    رقم العضوية : 13553

    تاريخ التسجيل : 24Jun2008

    المشاركات : 14

    الحالة : samarko_SDF غير متواجد حالياً

    افتراضي -

    hasad">

    طيب مثلا لو دفعت المبلغ ده مقدم هفكر فى عربيتين وده اخري فيهم نيو سيراتو مانويال او الانترا مانويال ؟؟؟ بردو هتبقي محتار شويه فى الموضوع ده تركب كوري سواء كان السيراتو او الالنترا ولا تركب ياباني زي النيسان الناس كلهم قالولى ياباني والنيسان ممتازه بس النيو سيراتو شكلها تحفه بس للاسف لسه عربيه متجربت فى مصر ورد فعل الناس عنها مش هيفيد لان مفيش مشاكل جوهريه ظهرت فيها



 

المواضيع المتشابهه

  1. ياريت لو حد يعرف مشكلتي حلها ايه
    بواسطة marwanhady في المنتدى فــــولكـــس
    مشاركات: 2
    آخر مشاركة: 30-07-2011, 07:57 AM
  2. باشمهندس خالد عمر (سبعاوي) عمل حادثة !
    بواسطة Eng.Geo في المنتدى المنتــــــدى الاجتمــاعى
    مشاركات: 101
    آخر مشاركة: 04-05-2011, 09:45 PM
  3. باشمهندس خالد عمر (سبعاوي) عمل حادثة !
    بواسطة love7amada في المنتدى سـوزوكى
    مشاركات: 2
    آخر مشاركة: 29-04-2011, 08:56 PM
  4. احب اعرف رأيكم في حاجة و ياريت يشارك بالذات الباشمهمندس سبعاوي
    بواسطة Bishoy.Girgis في المنتدى نيـــــــــسان
    مشاركات: 2
    آخر مشاركة: 05-06-2009, 09:52 PM
  5. ياريت مساعده من المهندس سبعاوي
    بواسطة shuqair في المنتدى نيـــــــــسان
    مشاركات: 0
    آخر مشاركة: 07-04-2009, 12:11 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2