الموضوع: خبراء الدايو أفيدونى العربية بتبطل

لو العربيه دى كربراتر يبقى بك السلانسيه مسدود

+1

و حسيت ان صو تها عالى شوية و السحب مش زى ما كانت

لو صوت المكنه بيعلى معاك ومفيش سحب كويس
يبقى أنت داخل على عمرة دبرياج

العربية انجكشن

بالنسبة لعمرة الدبرياج ممكن تظهر فجأة كدة

و هى عبارة عن ايه و ممكن تتكلف كام لو ممكن

رشاش واحد ولا أربعه
يعنى حقن ألكترونى كامل ولا هاف أنجكشن
وياريت تدينا البيانات اللى فى الموضوع ده
أضغط لمشاهدة الموضوع

[QUOTE=samirayad;3871930872]رشاش واحد ولا أربعه
يعنى حقن ألكترونى كامل ولا هاف أنجكشن
وياريت تدينا البيانات اللى فى الموضوع ده

1- موديل السياره وسنة الصنع (إسبيرو 1994)
2-عدد الكيلومترات المقطوعه 134000
3-موقف أستهلاك الزيت ( زودت حوالى 300 سم بعد 4000 كم)
4-شكل العادم الخارج من الشكمان ( عادى)
5-موقف البوجيهات وأسلاكها (تم تغيير البوجيهات denso يابانى 3 شمعة من يومين)
6-موقف الفلاتر (هواء جديد - بنزين - زيت جديد)
7-موقف أستهلاك البنزين (زياده شوية 150 - 160 ع الطوالى)
8- موقف الشكمان (سالك وتمام )
9- موقف الفرامل (كانت قافشة شوية و ظبتها من يومين)
10-موقف السيور ( كاتينه - تكييف - دينامو ) كويسة
11-موقف البطاريه والدينامو من ناحية الفولت والأمبير (مش عارف)
12-مصدر الصوت فى حالة ظهور أصوات من عند المحرك ومكانه بالضبط (تكتكة فى الرشاشات من بق كذا ميكانيكى)
13- موقف آخر صيانه أتعملت ....أنا اخدتها من 4 شهور و كان لمبة الموتور منورة ورحت كشفت عليها قال حساس معلق و ظبطه لكن بعد كدة أحيانا ممكن تنور و أول السيارة ما تنطفى تنطفى و مترجعش بعد كدة الآ بالصدفة تانى
تم تنظيف البوابة من 10 أيام

آسف للإطالة و شكرا على حسن التعاون

نسيت ان السيارة انجكشن كامل 4 رشاشات
السيارة كاملة مانيوال

طيب قبل مانروح للرشاشات والحساسات
لما غيرت البوجيهات ....كان عليها زيت وبتلمع
وياريت برضه تطمن على البوجيهات حاليا وتتأكد أنها نظيفه
ومفيش عليها أثر زيت .....وبرضه أنقلنا الوضع العام لشكل البوجيهات حاليا
مهببه برماد أسود
ولا عليها لمعه ...شبه الحاجه المعرقه زيت
ولا لونها تمام ونظيفه
وهل العربيه بدور معاك من أول مره
حاول تجمع البيانات دى كلها .....علشان تصورنا يبقى أدق بقدر الأمكان

وياريت برضه تطمن لقوة شرارة الأربع بوجيهات ( يبقوا زى بعض )
وهل البوبينا عندك زى الانوس ...ولا عندك أسبراتير