الموضوع: شارك في الاستطلاع : هل تفضل السبورت الاوتوماتيك ام المانوال؟

المشاركة الأصلية كتبت بواسطة ahmedel_rayies

المانيوال طبعا بس حاجه غير ميتسوبيشى، لأنها عربية عواجير حتى الفيات 128 بتتسارع أحسن منها.

انا غير موافق على الكلام ده و انا معايا لانسر 2006 1600 مانوال و ما شاء الله ما شاء الله طلقة فى السحب و بقدر أجيب بيها أى عربيه و حتى الإلنترا اللى بيقولوا عليها موتورها أقوى من الانسر بتبقى متساويه معايه و بتبقى مانوال بردو.

دلوقتى نسبه المفضلين للمانيوال زادت عن نسبه المفضلين للاوتوماتيك
.. ياريت الباشمهندس طارق يعرفنا رأى التوكيل ايه فى الموضوع ده :)

انا اتمنى ياأستاذ طارق انكم تطلبوا اللانسر الشارك السبورت سواء كانت مانيوال او اوتوماتيك يكون فيها الأضاءة الزينون وحساس المطر
بمعنى تانى ان فى فئة الاسبورت يكون فيها
كماليات الوكيل المصرى زائد
كماليات الخليجى وتكون إختياريه
لأن السعر أكيد هيعلى بالكماليات الزياده
تحياتى

ايه الحكاية ؟؟؟؟!!!! الناس بطلت تشترك فى هذا الموضوع ليه؟؟؟ انا رأيى إنه من أهم المواضيع من فترة طويلة فى هذا المنتدى خصوصا انه ممكن يترتب عليه ان الانسر ينزل منها أوبشن عمرنا ما شوفناه و ناس كتير طالباه!!!!!!

علفكره انا عربيتى 1600 مانوال و عندى فكرة كويسه جدا عن الفتيس الCVT من قراءاتى و تجارب الناس و فهمى لتقنية عمله و إن أداؤه حلو و لكن بصراحة من كام يوم فقط سنحت ليه الفرصة لأول مرة و ركبت عربيه لانسر CVT و كانت الصدمه انه فعلا معجبنيش خالص و العربيه بتبقه مخنوقه عن المانوال جامد و استجابتها أقل بكتير بإستثناء الDs و لكن الواحد مش معقول هيفضل ماشى على الDs علطول بالمقارنه بالمانوال العربية بتبقه فايقه علطول