السلام عليكم
(العربيه لانوس 2008 - 9000 كم)
امبارح حطيت زيت فيسكو 5000 ثمنه 215 جنيه في كارجاس اللي عند موقف الجراج جسر السويس +1 جم مصنعية (خلي بالكو معنهمش فلتر GM فرحت اشتريته من الشرقاوي)
حتي الان حاسس ان العربية اقل صوتا مع الحرق (الزيت 5w-40 - الاصلح للعربية اللانوس)
وكمان حسيت ان التكييف بقي اقوي بس دي لسه هاكد عليها لما اشغله في يوم حر اوي وخصوصا الظهر
وكمان لسه هحسب استهلاك البنزين
قبل فيسكو 5000 استخدمت فيسكو 2000 وعملت بيه 2500 كم بس نزلته عشان كمل 3 شهور مع انه نزل لزوجته ولونه ممتازين (مع ان سواقتي مش هادية)
بس كان صوت الموتور عالي معاه
السؤال :
هل ممكن نسيب الزيت اكتر من المدة بتاعته لو لزوجته ولونه لسه كويسين ومكملش الكيلومتر بتاعه ؟
وخصوصا لو الكيلومتر اقل بكتير من المفروض يعمله.........عشان انا كده بتكلف فلوس كتير في تغيير الزيت.........:stink[1]: