سياره فاشله= اسبرانزا 113

**megaman** · 15-08-2009 03:33 PM

سيارة سيئه جدا مليئه بالعيوب مقرفة اخر حاجه مفيهاش ميزه واحده وانا بسوق من 19 سنه عربيات بجد نيسان دايو مازدا مرسيدس 128 هيونداى مشفتش الهفوات والعيوب والعك اللى فى العربيه دى العربيه يا اخوانا ماشيه 21000 مشيها وحش عفشتها ملهاش لازمة صالونها بيزيق من كل حته حاجه تعكنن هيه بتاعة اخويه استخدام فردى وزى ما بيقولوا استخدام راقى بس مين دى عربيه موكوسه واوعوا تصدقوا حد بيقول عليها حلوه يمكن هو اللى نيته حلوه ومش معاشر عربيات من زمان بجد نفسنا نتخلص منها المصيبه انها قسط حسبى الله ونعم الوكيل فى ابو الفتوح

**أحمد كمال** · 15-08-2009 03:45 PM

المشاركة الأصلية كتبت بواسطة megaman

سيارة سيئه جدا مليئه بالعيوب مقرفة اخر حاجه مفيهاش ميزه واحده وانا بسوق من 19 سنه عربيات بجد نيسان دايو مازدا مرسيدس 128 هيونداى مشفتش الهفوات والعيوب والعك اللى فى العربيه دى العربيه يا اخوانا ماشيه 21000 مشيها وحش عفشتها ملهاش لازمة صالونها بيزيق من كل حته حاجه تعكنن هيه بتاعة اخويه استخدام فردى وزى ما بيقولوا استخدام راقى بس مين دى عربيه موكوسه واوعوا تصدقوا حد بيقول عليها حلوه يمكن هو اللى نيته حلوه ومش معاشر عربيات من زمان بجد نفسنا نتخلص منها المصيبه انها قسط حسبى الله ونعم الوكيل فى ابو الفتوح

تتوقع مكونات صينية + صناعة مصرية و تقفيل مصري = ؟؟

معلش ربنا يجيره في مصيبته و يخلفه خيرا منها

و يصبره على قرفها لحد ما يرزقه بالأحسن منها

**x_gomgom** · 17-08-2009 04:36 AM

هو ايه اللي حصل؟؟؟
يا ريت تحكي تجربتك مع السياره او العيوب الظاهره...
ربنا يعينك

**megaman** · 17-08-2009 03:44 PM

العيوب كالاتى تاكل فى صليبة الدركسيون بيعمل خبط وصوت تنقير مع المطبات المصيبة غوايش الفتيس باظت تم علاجها فى التوكيل بنسبة 80% العفشة وحشه الكونتاكت كان بيعلق هو والانذار مسامير الجنوط بتتقطم لوحدها هى والصواميل تم تغيرهم الخامات تعبانة التقفيل الداخلى وعزل الصوت وحش الفرامل تعبانه وواطيه والعربيه بتاكل تيل الكراسى والفرش ايدك منهم والارض على فكره العربيه مخنوقه استشرت الميكانيكى قالى طرمبة البنزين ضعفت دواسة الدبرياج ناشفه مش سلسه وما خفى كان اعظم لمبة الكمبيوتر بتنور ليه مش عارف لسه حنروح التوكيل

**amr.elsayed** · 17-08-2009 05:45 PM

لا حول ولا قوة الا بالله
حسبى الله فى كل من يغش ويخدع الشعب الغلبان دة اللى مش عارف يعيش زى باقى شعوب العالم

**x_gomgom** · 18-08-2009 12:51 AM

ربنا يعينك والله انا مش عارف اقولك ايه بس ربنا يخلف عليك بالخير

**akram2010** · 18-08-2009 08:07 AM

........ ........* .... ........... ومين ضحك عليك وركبك صينى ... صور الجرايد وشكل العربيات كله خدع وما ياخدك المنظر والموصفات لان المضمون مافيش اصلآ وهم كله . ياعمو الخلاط الصينى بيخرب وما يكمل شهر فما بالك عربيه .. كلمه عربيه لسه بدرى على الصين كفايه عليهم لعب الاطفال ام خمسه جنيه

_______________
لقد خالفت القاعدة رقم 13 من قواعد المنتدى ونتج عن ذلك حصولك على تحذير يرفع إلى انذار إذا كنت قد سبق وحصلت على عقوبة لمخالفة نفس القاعدة.

يرجى مراجعة قواعد المنتدى
(إ.م.2)

**hesham_soaida** · 18-08-2009 11:55 AM

في النهاية البقاء للاصلح ومقياس نجاح أو فشل اى سيارة بيكون بنسبة مبيعاتها.

**mr_easier** · 18-08-2009 09:41 PM

المشاركة الأصلية كتبت بواسطة megaman

سيارة سيئه جدا مليئه بالعيوب مقرفة اخر حاجه مفيهاش ميزه واحده

بصراحه..مش عارف أصدق ولا مصدقش...حاسس انو صعب يكون فى كل العيوب دى فى عربيه واحده....تقريبا مفيش جزء مفيهوش عيب..ازاى صبرت عليها 21000 و جاى تشتكى دلوقتى من كل ده..عموما أنا مش بشكك ولا بدافع..بس أرجو انك تكون متتقى الله فى كلامك ده..و انك تبقى عارف انك هتقف أمام الله و تحاسب و لن ينفعك أحد ..و من الواضح انها تجربه شخصية و ليس بالضروره ان ده يكون عيب فى كل السيارات..عندى أصحابى معاهم السيارة من سنه و أكتر و محدش قال نص كلمة..و أنا بنفسى جربت سواقتها و بفكر أشتريها بإذن الله لإنهم بينصحونى جدا بيها.

و ان كنت صادق فربنا معاك و يصبرك و يسهلك الصعب كله