الموضوع: ايه رأيك لو الكورولا تتجمع فى مصر؟!!!

هى المميزات ان سعر العربية ممكن يكون أرخص شوية

لكن العيوب
ناس كثير مش متقبلة اى عربية تقفيل مصرى وبتعتبره كله عيوب

انا شايف ان موضوع الناس مش متقبلة العربية اللى متقفلة فى مصر ده يرجع لماركة العربية والناس المالكة للمشروع عندك مثلا الشيفروليه اللى بيتجمع فى مصر مش هوا ده الشيفروليه اللى احنا نعرفه وده ليه سبب ان جنرال موتورز لاتملك المصانع بالكامل ولكن هى مجرد مساهمة بسيطة منها او حصة فى المشروع لكن تعالى بص على الbmw و المرسيدس بيجمعوا تقريبا جميع الفئات من العربيات ديه والناس مبسوطة وبتشتريها ويمكن متحطش فى بالها الموضوع ده اصلا وده راجع لتطبيق معايير الشركتين بالكامل على عربيتها المجمعة محليا وبعدين هو فيه كام عربية دلوقتى بتتصنع فى بلادها ده حتى الأوبل اللى كنت فاكرها المانى100%طلعت تقفيل بولندى وشوف حتى الأجهزة المنزلية والموبايلات كلها بتتصنع برة بلدها دة حتى التى شيرت الأديداس بيتباع فى توكيله صنع فى الصين.
انا اشجع ان العربية تتصنع فى مصر مش تتجمع بس يكون فى اشراف كامل من الشركة الأم لمدة لاتقل عن خمس سنوات ورقابة دائمة وده هايعود علينا بسعر اقل للعربية وقطع غيار متوفرة ورخيصة وكمان صيانة مضمونة وكمان تشجيع للصناعة الوطنية.

اوافق
يعنى كلنا شايفين النيسان صنى بتبيع قد ايه مع انها متجمعه فى مصر
صحيح فىها بعض مشاكل التقفيل انما الناس اكيد ممكن تتقبل دا فى الكرولا لما سعرها ينزل 20 الف مثلا
و هيخليها تنافس بقوه اكبر
ثم لو اتجمعت فى مصر اكيد هتبقى تقفيلها جيد جدا برده لان الوكيل مش هيخاطر بسمعه شركته عشان يكسب الفين تلاته مثلا زياده "فرق التجميع النضيف عن التجميع السىء"

المشاركة الأصلية كتبت بواسطة akram2010

دة عيب ومصيبه البلد. واحد ولا اتنين ينجحوا يبقوا عاوزين عشرين واحد يدخل وكله ينهار مع بعضه وتحيا مصر.... تويوتا ناجح فى الميكروباص خليه يغطى هذا الجزء من الصناعه ويتوسع فيه ويترك الملاكى لمن نجح فيه ليستمر هناك الشفروليه ناجح فى سيارات البيك اب يركز فيها ويتوسع وهناك الاتوبيسات وهكذا هى الفكرة توزيع الاحمال على رجال الاعمال لتغطيه السوق لفئات مختلفه بعمليه تنظيميه . لان الفوضى ستضر بالكل ونلاقى الالاف العمال بتتسرح واعتقد لايخدم فى النهايه هدف استراتيجى للبلد وهو استقرار سوق العمل وتوازن حصص السوق من الخلل نتيجه فوضى السياسات بدون ضوابط

ايه الكلام الغريب اللى حضرتك بتقوله دا
فى مصلحه مين انه يبقى شركه واحده ولا اتنين هما اللى بيجمعوا عربيات فى فئه 100 الف و ما تحتها "غبور و نيسان صنى"؟
لا طبعا لازم يبقى فيه منافسه تويوتا تجمع فى مصر وكمان ياريت ميتسوبيشى

كان مرة فى شغل واحد زميلى فى جريدة الاهرام كان الحجز هايل على الصنى واول ماتعمل المصنع فى مصر 90 % لغى الحجز وحول على اللانسر