اركن فين فى مكتبة الأسكندرية ؟

**wael_samir** · 15-08-2009 05:18 PM

يا جماعة لما اروح مكتبة الأسكندرية
اركن فين ؟

**mohamed2002** · 15-08-2009 07:10 PM

بص وانت داخل علي شارع بورسعيد بدل ما تدخله كمل طوالي واطلع كانك رايح علي كلية حقوق (شارع سوتر)حتركن يمين او شمال لكن متقفش في شارع بورسعيد لانه ممنوع

**wael_samir** · 16-08-2009 12:06 PM

المشاركة الأصلية كتبت بواسطة mohamed2002

بص وانت داخل علي شارع بورسعيد بدل ما تدخله كمل طوالي واطلع كانك رايح علي كلية حقوق (شارع سوتر)حتركن يمين او شمال لكن متقفش في شارع بورسعيد لانه ممنوع

والله يا محمد شكلك حتحللى الموضوع ده
بس انا مش فاهم شوية قصدك فين بالضبظ
يعنى لو صورة كده من جوجل ارث يبقى استأذة أوى

**wardet** · 16-08-2009 01:40 PM

انت منين يا وائل؟

**samoevil911** · 16-08-2009 01:53 PM

هشرحلك كلام العضو الكريم محمد..
بص يا استاذ وائل
وانت رايح مكتبة اسكندرية لو داخل من علي البحر ودا الطبيعي .. بتدخل علي شارع سويتر وبعدين تلف شمال وتدخل شارع بورسعيد اللي فيه المكتبة .. بص بقي قصد الاستاذ محمد انك تكمل في سويتر ومتلفش بيبقي عندك علي الشمال باركنج الكلية ..ودا باركينج في الشارع عشان متتخيلش انك داخل باركينج بجد .. من الأخر اركن في شارع سويتر يمين او شمال :]:]..

هو المفروض ان المكتبة ليها باركينج تحتها بس دا مقفول انا عمري مشوفته مفتوح بصراحة.. حتي اتوبيسات السياح بتركن في الشارع عادي .. ولو في اتوبيسات مهمة او كتير بيدخلوهم يركنوا في المجمع ..

عموما انت ممكن تركن في بورسعيد .. هو ممنوع اه بس هتلاقي ناس ركنة كتيير ومش بيلكبشو حد وغالبا مفيش مخلفات بس اركن جانب باب كلية تجارة يعني قريب منه .. بس دا لو عندك قلب عشان انت عارف المرور بتاعنا لو عايزين يغلسوا هيغلسوا ..

وفي حل كمان تالت تركن جوه المجمع هو ممنوع بس ادي الراجل اللي علي الباب 5 جنية وهو هيعديك ..

فالافضل شارع سويتر ...

ولا لسه عايز خريطة؟؟؟