الموضوع: تزييق فى الدركسيون

اولا الف مبروك وربنا يباركلك فيها ويكفيك شرها

اما عن الصوت ده فممكن يكون عشان العربيه لسه زيرو استنى شويه كده ولو استمر روح التوكيل

السؤال بقى

انا جايب ال 2009 زى انهارده السنه الى فاتت

هوه الموديل الجديد منزلش؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟ ولا مش هينزل 2010 عشان الكروز ولا ايه؟

الله يبارك فيكيك يا استاذ احمد، متشكر جداً

هوه الموديل الجديد منزلش؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟ ولا مش هينزل 2010 عشان الكروز ولا ايه؟

موديلات 2010 لسه مانزلتش كل الموجود الان 2009 ، انا سألت على موديلات 2010 قبل ماشترى عند منصور و قالولى مايعرفوش اى حاجة عن موديلات 2010 و مايعرفوش هتيجى امتى، المهم انا سألت و كان لسه فى دفعة عربيات جاية من كوريا فى اول شهر 6 و دى الدفعة الدخلت و موجودة فى السوق من النص الثانى من شهر 7

بس غلط انى اشترى موديل وممكن الموديل الجديد ينزل الاسبوع الى بعده

كده كده هتشترى و هى نفس العربية مش هيتغير فيها حاجة

المشاركة الأصلية كتبت بواسطة ahmed643

بس غلط انى اشترى موديل وممكن الموديل الجديد ينزل الاسبوع الى بعده

المشاركة الأصلية كتبت بواسطة nader007

كده كده هتشترى و هى نفس العربية مش هيتغير فيها حاجة

لأ طبعاً
بيفرق معاك لو أنت شارى موديل قديم بعد مدة من الزمن تيجى تبيعة يقولك ده موديل كذا لكن الأحدث يزيد فى قيمتة

أنما بينى و بينكم محدش مغسل و ضامن جنة

المشاركة الأصلية كتبت بواسطة hosam_optrawy

الف مبروك يا نادر

الصراحه انا الصوت دا مبيحصلش معايا

صوت التزييق اللى عندى باسمعه وانا لسه مدور العربيه

يعنى فى اول 5 دقايق او 10 دقايق وانا خارج من الجراج وبلف الدركسيون

باسمع صوت تزييق

واوقات بيحصل واوقات مبيحصلش

وبالمناسبه انا عايزك انت تبحث فى الموضوع دا

عشان واضح انك عندك خبره وبتفهم كويس اوى فى العربيات

فى اعضاء كتير بتقول ان العيب دا سببه علبة الدركسيون

وفى منهم أعضاء غيروا العلبه أكتر من مره والصوت برضه بيفضل موجود

عشان انا كدا انا حاسس ان مش منها

بس انا برضه مش لاقى تفسير للموضوع دا

الف شكر يا حسام و الله يبارك فيك، و كلمتك دى شهادة اعتز بيها خصوصاً و انت راجل استاذنا و دايماً تعليقاتك و موضوعاتك بنستفاد منها....

الصوت ده بقى بيحصل لما العجل يقف و تكون بتحاول تلف الدركسيون اكتر و دا عند اى وضع يعنى مش لازم يكون فى اخر المسار و انا عملت تجربة امبارح عشان اتأكد من كده ركنت العربية جنب الرصيف على الاخر عشان العجل يقف و شدات فرامل اليد عشان العربية تثبت و لفات الدركسيون لحد مالعجلة الجنب الرصيف خبطت فى الرصيف و وقفت فحاولت الف الدركسيون اكتر بالعافية فلقيت الصوت ظهر و اول مأسيب الدركسيون يبطل و انا اعتقد ان الصوت دا بيطلع من مكنة البور المتركبة على سير الدينامو او من السير نفسه عشان الصوت بيبقى اعلى من الناحية اليمين و ممكن دا يحصل لو الحمل زاد على المكنة او السير لما بحاول الف العجل زيادة و هو واقف زى مثلاً لما يكون سير الدينامو مرخى سنة او نشف و نشغل النور العالى فسحب التيار يزيد و ملف الدينامو يتقل فالسير يلف عالفاضى و تسمع صوت تزييق من السير، و دا ممكن يكون بيحصل معاك يا حسام الصبح و العربية لسه باردة و زيت البور يكون عايز يلف فى الدورة شوية عشان يسخن و لزوجته تبقى مناسبة........ هنشوف انا ورا الموضوع لحاااااد الاخر
التجربة دى لازم تتعمل و فرامل اليد مرفوعة عشان لو كانت العربية حرة ممكن العجل و هو بيلف يزيح العربية بعيد عن الرصيف