ربنا يوفقك وتلاقى اللى انت عاوزه
عرض للطباعة
ربنا يوفقك وتلاقى اللى انت عاوزه
معاك فى دى انها حاجه تخنق وتضايقاقتباس:
للي بيحلف كذب عشان يبيع عربية ايه نوع الإيمان اللي في قلبه
دا غير اللي بيحلفوا بالطلاق وعايش مع اهل بيته في الحرام
ومش معاك فى دىاقتباس:
انا بطلت اقول للناس دي اتقوا الله لأن الله عز وجل ملوش مكان في حياتهم
أنصحك نصيحة لوجه الله تعالى
أبعد عن سوق العاشر دة خالص
أولا
99 في المية منه تجار وبيغالوا في أسعار عربياتهم جدا وعلى فكره لانوس 2000 هاف أوبشن ب43 ألف دي مش لقطه خالص انت بالسعر دة ممكن على الأقل تجيبها كامله فول اوبشن
ثانيا
العربيات اللي في السوق معظمها بيبقى ملعوب فيها يعني مثلا انا كنت مره كنت بشتري من السوق عربية فيرنا عاملة 15 ألف كيلو فقط واكتشفت في آخر لحظة انها جايبة شاسيه تخيييييييل !!!!
دة غير ان فيه ناس كتير بتقول والله اعلم ان فيه عربيات هناك بتوكيلات مزوره يعني هتروح المرور تنقل ملكية هتلاقي نفسك لابس في الحيط
ثالثا
أي عربية هاتشوفها في السوق حتى لو معاك سمكري هتحتاج تروح تكشف على قوة الموتور في البنزينة وترفع العربية
وطبعا صاحب العربية هيقولك ادفع مقدم ربط كلام عشان انت هتخرجني من السوق وطبعا هتدفعله ولو كشفت على العربية ومعجبتكش مش هيرضى يديك ولا مليم
بعكس لو رحت شفت عربية من اعلان مثلا هتروح تتفرج وتكشف وممكن كمان تتفق مع صاحبها وتروح تكشف في التوكيل ودة صدقني أضمن حاجه لأن مهما كانت العربية ما بيبانش مشاكلها من الكشف العادي ، التوكيل مثلا بيفك الأربع عجلات ويشوف الطنابير والعفشه والشاسية
بس فعلا لو عربية حد معرفه هيبقى احسن كتير وربنا يوفقك في شراء عربية مناسبة وآسف للإطاله
سوق العاشر بيبقى معظمهم تجار
خليك احسن فى الوسيط أو جريدة الاهرام يوم الجمعة
ابعد عن السوق كلهم نصابين ونادر قوى اللى تلقيه محترم خليك على مواقع النت او الوسيط
وعربيه مستعملة يعنى عاوزة الصبر مش من اول ولا تانى مرة ممكن تنزل تشوف اكتر من عشر عربيات لغاية متستقر على واحدة وربنا يوفقك