الموضوع: استفسار بخصوص حبر طابعة hp

المشاركة الأصلية كتبت بواسطة dr ahmed abdelghany

طبعا لازم تملاها وتفضل تملاها لحد ما الحبارة تبوظ ساعتها تشترى غيرها
كل الناس بتعمل كده
وأنا عن نفسى اشتريت ربع كيلو حبر واتعلمت أملاها إزاى وبقيت أملاها بمعرفتى
ووقت التغيير هو وقت البوظان فقط
وعلى فكرة اللى بيبوظ هو الحبارة "الكارتريدج" فقط مش الطابعة نفسها

المشاركة الأصلية كتبت بواسطة zakiali

أنا عندي البرنتر اتش بي 1005 ، انت أيه اللي عملته في نفسك ده ليه اشتريت كارتريدج جديد ؟ اعمله refill بـ 40 جنيه وبتطبع 1500 صفحة زيه زي الكارتريدج الأوريجينال بالضبط .. مستحيل تطبع الرقم الخيالي ده 2500 اللي قالك عليه الراجل الكلام ده كان زمان ايام الطباعات ال 6 إل كانت بتطبع 3000 صفحة بس الشركه لقت نفسها مش بتكسب كتير في القصه دي فلغت تصنيع الطباعات ال 6 إل والطباعات 1618 ونزلت ال لاتش بي 1005 و 1006 اللي بتطبع ماكسيمم 1500 صفحة . ولو عاوز مكان تعمل فيه refill الناس اللي قدام كليه تجاره القاهره او في شارع المرور فيه مكاتب كتير جدا منها مكتبه كاميرا 9 وميراج .. او ممكن تشتري تونر حبر وتتعلم تعبي البرنتر بنفسك هتوفر كتير ... ويريت أكون أفدتك .

مشكورين يا شباب علي الردود
يا جماعة انا سمعت ان موضوع ملي الحبارة ده بيبوظ الطابعة نفسها
يا ريت تفيدوني في الموضوع ده
وفين الناس اللي ادام تجارة دول؟
المحل اسمه ايه؟

من غير إعادة ملء الحبارة تبقى الورقة مكلفة جدا جدا
بنقول لحضرتك كل الناس بتعمل كده حتى مكاتب الكمبيوتر
اللى بيبوظ لتالت مرة هو الكارتردج بس وبعد رابع خامس ملوة على الأقل
إنما لو مصمم تغير بعد كل مرة يخلص فلو سمحت أنا شارى منك العبوة القديمة اللى تخلص منك