والدتي و هي بتحول المبلغ قالتلي إن مفيش مكتب بريد النزهة ..في مكتب بريد النزهة الجديدة
قلتلها لأ خلاص متحوليش حاجة لغاية أما اتأكد
فهل لو حولت المبلغ بكرة ( الأحد) هيلحق يوصل الإثنين؟
عرض للطباعة
الحوالة بتكون فورية بتوصل في نفس اللحظة بس المهم إرسال رقمها للأستاذ كريم عشان يعرف يسأل عليها
المطلع بيتطلع عادي بالعربية
انا بقول انه صعب علىالماشي خاصة لو صايم
الحوالة في نفس الوقت
وانا هاسحب الفلوس يوم الاتنين
يعني بكرة اخر وقت ان شاء الله
او الاتنين الصبح بالكتير
اسماء من ارسلو المبلغ على مكتب بريد النزهة الجديدة
محمد عبد الباسط
محمد محسن
حمد حسني
محمد حمدي
ده غير اللي دفعولي مباشرة بدون تحويلات
كل عام وانتم بخير
اخر ميعاد صباح الثلاثاء قبل الساعة 12لاني هادفع الفلوس الثلاثاء بعد الافطار
طيب يا كريم انا عندة شغل اليوم ده بس عاوز اجى يا ترى فى ايام افطار تانية للى مقدرش يحضر؟؟؟؟؟؟؟؟؟؟؟؟؟؟
للاسف هو الافطار اليوم ده بس
معلش تتعوض
ممتاز يا كريم
كل عام وانتم بخير
حبيايبي بصراحه انا فرحان باللمه الحلوه ذي بس انا اعذروني لاني حاليا في السعودية
وكان ودي اكون في وسطيكم بس نقول المره الجاية انشاء الله
انا بجي بعد العيد وانشاء الله اشوفكم على خير والله يوصيني بشي من السعودية يقول احنا كلنا اخوان
مع خالص حبي واحترامي
اخوكم ابو سلطان
كل سنه وحضراتكم جميعا طيبين وبخير.......رمضان كريم وأعاده الله عليكم بالخير والبركه..........انا عضو جديدليكوا وكان نفسى وااله اكون معاكوا بس للأسف انا بره مصر لاخر رمضان......بتمنلكم التجمع على خير
أحمد حافظ
أخبار العدد ايه يا باشمهندس كريم ؟ السنة اللى فاتت كنا فوق ال 65 شاملا للى حضروا بعد الإفطار
تم عمل الحوالة الاثنين التاسعة و النصف صباحا
التاكيد النهائي بالاسماء لمن قامو بالحجز:
1-د.محمود صلاح
2-احمد كمال
3-خالد عادل
4-طارق زويل
5-احمد زويل
6-احمد سامي
7-محمد نايل ستورم
8-احمد عبد المقصود
9-محمد عبد الباسط
10-محمد محسن
11-احمد نوح
12-محمد حمدي
13-مينا
14-احمد حسن ahit
15-عمرو فولكس (فتح الباب)
16-عمرو فولكس (فتح الباب)
17-عمرو فولكس (فتح الباب)
18-احمد محمود عبد الحميد
19-احمد محمد صبري
20-عمرو طلعت
21-سمير الشهاوي
22-شنوري
23-ابو عبد الله
24-كريم منير
25-د.أحمد عبد الغنى
26-محمد علاء
27-أ.عبد الحميد
28-محمد سراج
دي الاسماء النهائية للناس اللي حجزت معايا واكدت حضورها
نتمنى نشوف كل الناس وناس تانية اكتر
واللي مش هايقدر لاي سبب يجي على الفطار يا ريت يجي بعد الفطار
كل الاسماء السابقة وهيا داخلة النادي تقول افطار مطعم القبة الخاص بكريم منير عشان دول مايعرفوش نايل موتورز عشان ماتدفعوش ال 10 جنية رسم الدخول ولا 5 جنية دخول عربية
دخول مجاني تماما
اللي هايجي بدون سيارة في مدخل النادي في طفطف بيطلع لغاية حمام السباحة (اللي فاضي عشان انفلونزا الخنازير حاليا) وتكمل جزئية بسيطة في المطلع او تكلم اي حد من الحضور ياخدك لو انت مخستع قوي
لو محدش لقي الطفطف يكلمني وانزل اخدة بس يطبق حتة بخمسة ويحطها على التابلوة من سكات
نييييييييييهههههههههههههه
بهزر طبعا
اللي هايجي بعد الفطار هايدفع ال 10 جنية بتاعت الدخول ويقول كريم منير برضه
وممكن يقاوح معاهم شوية ممكن يدخلوة ببلاش بس ماضمنش بصراحة
الوجبه اللي استقرينا عليها جميعا اللي ب 68 جنية وفيها ميكس جريل
لو حد حابب يغير لنص فرخة وخضار ورز ومعرفش ايه الباقي يبعتلي رسالة خاصة على الموبايل بحد اقصى الخميس صباحا
الافطار شامل حلويات شرقيه كمان بعد الفطار وهايتقفل الشيك على كدة
ثمن الفرد 68 جنية بدون 12% خدمة
وبعد كدة حساب المشروبات هايكون في شيك منفصل
الحساب وقت تنزيل المشروب زي الربوة تمام عشان الجرسونات بتتلخبط في الاعداد الكبيرة
ثمن المشروبات كلام فارغ مابين جنية ونص و3 جنية حسب المشروب
كدة اكون وضحت كل حاجة منعا لاي احراج لاي شخص
كل عام وانت بخير
وكان نفسنا الناس اللي برة مصر والي ماجتش لاي ظروف تكون معانا
بجد هانفتقدكم ونفتقد روحكم الحلوة
فعلا السنة اللي فاتت حققنا رقم قياسي وكانت مقابلة ممتعة
ان شاء الله تكون السنة دي اقوى من اللي قبلها
ونتمنى نشوف كل اللي قابلناهم السنة اللي فات
واللي لسه ماقبلناهمش نتمنى نتعرف عليهم
ولو ماقدروش يجو الفطار يجو بعده
------
ملحوظة :
خدت وعد من الشيف محمد النهاردة وانا بحجز اني اقدر ازود في حدو 3 او 4 افراد بالتليفون لغاية الخميس صباحا
عشان لو حد فكر يغير رأيه
الف سلامة عليك يا احمد
تتعوض ان شاء الله
قدر الله وما شاء فعل
امممممممممممممممم وانا مش جاى ولا ايه هههههههههههههههه
والله انا كان نفسي آجي
واتعرف على الناس العظيمة بتاعت المنتدى
بس عندي امتحان الاسبو ع الجاي
دعواتكم
مساء الخير :36_1_1[1]:
د. أحمد بك باشا سمير ، بجد انت واحشني فعلاً
مش هقدر آجي عالفطار لأني مرتبط بما لا يمكن تأجيله ، ينفع آجي بعد الفطار ، لأني بجد نفسي أشوفك ، ودي هتكون فرصة جميلة ، على الأقل لحد اما نشوفك في العيد على خير إن شاء الله تعالى :3_3_102[1]:
أسامة:36_1_1[1]:
أستاذ / كريم ...
السادة الاعضاء ...
أسعد الله صباحكم بكل خير ....
بما اننا سنلتقي غدا بأذن الله و كما تعودنا في كل لقاءات نايل موتورز السابقة بأن نطرح موضوع او عدة مواضيع للمناقشة , فأقترح غدا بأذن الله أن نطرح موضوع التوعية المرورية و أمكانية التعاون مع المرور في البلاغ الفوري عن أي خطأ او تجاوز نصادفه بالشارع و أن نناقش تجارب بعض الاعضاء في هذا الصدد
أرجوا ان يلقي أقتراحي هذا منكم القبول , و تقبلوا خالص تحياتي
م/ سمير الشهاوي
تمام يا باشمهندس سمير
اقتراح جيد
العدد النهائي 27 فرد في الافطار ان شاء الله
واسمائهم مكتوبة بالاعلى للتاكيد
هل مطلوب احضار اغراض معنا مثل : - أكواب فارغة - كولمان مياه - كارت به اسم العضو ...... الخ
الافضل للتعارف طبعا كارت به اسمك مثبت على الصدر
مش محتاجين اكواب لان فيه خدمة هناك
بس محتاجين 2 كولمان مية كبير
يار يت حد يتبرع ويجيب
عشان مش هاتنفعنا زجاجات المية المعدنية الصغيرة هناك
خاصة بعد الصيام العطش بقي والاكل وكدة
يا جماعة ، أنا مش هقدر آجي على الفطار ، بس هاجي بعد الفطار إن شاء الله ، أقول لهم أية على البوابة ؟
مش هاتقول اي حاجة غير انك مرافق لكريم منير
وهاتدفع 10 جنية تذكرة دخول مرافق
وماتدفعش حاجة للعربية قوله مش هاينفع اسيبها برة وكدة
ولو في حاجة كلمني تليفوني في التوقيع
شكرا جزيلا لكل اللي حضروا و شرفونا
انا بجد سعيد جدا جدا جدا جدا جدا
و تشرفت بمعرفة ناس كتير جدا ماكنتش اعرفها غير ب nickname and avatar
و سعدت بالقعدة الجميلة جدا مع ناس كتير
و ربنا ما يقطعها عادة
كان يوم لطيف وتجمع كله محبه وود ,,, ربنا يجمعنا فى كل مقابلة على خير
كان يوم جميل جداً جداً
http://www4.0zz0.com/2009/09/05/08/267122486.jpg
قبل الإفطار بساعة منظر من فوق عند مطعم القبة : - كريم منير - د. محمود صلاح - Nile storm
شكرا أستاذ/ كريم علي المجهود و الجهد الرائع الذي أثمر هذه المقابلة الرائعة
و شكرا لكل الحضور , فعلا ناس راقية و علي مستوي عالي من الاخلاق و الثقافة و الاحترام
ربنا يديم علينا المودة و الاحترام
و كل عام و أنتم جميعا بخير
م/ سمير الشهاوي
الصراحه كان يوم رائع .... وناس ولا أجمل ولا أروع من كدة وفعلا اللي مجاش هو الخسران
فين الصورررررر يا كريم ؟؟؟؟؟؟
يا رجالة الصور و الإنطباعات عن المقابلة في الموضوع ده:
http://www.nilemotors.net/Nile/93346-2009.html
المفروض المشاركة دى وامثالها تغلق وتحذف لأنتهاء الهدف منها ولتخفيف العبئ على المنتدى ولنك المقابلة كما فى المشاركة السابقة