السادة اعضاء المنتدى الكرام
السلام عليكم ورحمه الله وبركاته
كل عام وانتم بخير وطبعا متعودين كل سنة على افطار رمضاني يجمعنا كلنا اكل وقعد ولمة وكلام ومناقشات جميلة وفعالة في كل حاجة سواء سيارات او اجتماعيات او سلبيات عامة
السنه دي وفي تالت افطار رمضاني حبينا يكون على مستوى راقي كمستوى اعضاء المنتدى

دكتور احمد سمير احد ملاك المنتدى والمستشار الاعلامي تفضل مشكورا بصفتة عضو نادي وادي دجلة بعمل تخفيض من النادي وعمل عرض هايل (مكونات العرض) وهيا بوفيه مفتوح غير مقيد بكميات :
عدد 8 اصناف ساخنة من لحوم ودجاج وأسماك بجميع طرقها مع الخضروات والشوربة والمكرونة والأرز
مشروبات رمضانية
مشروب غازي
بوفية حلويات شرقية

اجمل ما في الموضوع انه سيتم اجتماعنا وافطارنا في صالة خاصة بنا نحن فقط فيها تراس جميل للغاية
وبعد الفطار سيتم تخييرنا بين الجلوس في شرفة النادي بالدور الثاني
او النزول على البحيرات في الدور الارض على البحيرة مباشرة
قيمة الفطار هاتكون مرتفعة نسبيا السنة دي بس مقابل القعد الجميلة والصحبة الاحلى مش هاتكون غالية
علما بان جميع مكونات من لحوم وخلافة ارتفعت اسعارها السنة دي مش اقل من 30% سواء للحوم الحمراء او البيضاء

اشتراط النادي ان لا يقل العدد عن 60 فرد وافتكر السنة اللي فاتت كنا ما يقرب من 50 فرد يعني مش صعب السنة دي واحنا ما يقرب من 45 الف عضو
ثمن الدخول كمرافق لوحدة 20 جنية كمرافقين لدكتور احمد ومن غيرة هايكون 30 علشان يوم جمعة
ثمن البوفية المفتوح في حالة اكتمال العدد 60 فرد هايكون 75 جنية فقط و10 جنيه للمشروبات بتاعت القعدة بعد الافطار اللي ممكن تمتد قرب السحور زي شاى او حاجة ساقعة وتيبس وكدة
ففي حالة اكتمال العدد 60 فرد مش هاندفع اكتر من 85 شاملة لكل شيء ويتم الاعفاء من ثمن دخول الفرد
في حالة عدم اكتمال العدد سيكون الفرد بالدخول بالبوفية بالمشروب بعد الفطار 120 جنية 100 جنيه بوفيه + 20 جنيه تمن تذكرة الدخول
والجلوس في نادي راقي

-------------
البديل الثاني سيكون الربوة وثمن الوجبة من الخارج زي كل سنة لن يقل عن 60 جنية هذا العام ان لم يكن اكثر
و10 جنية ثمن الخدمة في الربوة مع حاجة ساقعة مع المستوي الاقل من العادي للربوة والخدمة المتردية من عساكر القوات المسلحة

ان شايف ان النادي افضل بكثيييير خاصة لو اكتمل العدد ل 60 فرد

الإجراءات هنا بقى مهمة جداً ..
التاكيد ليس بمجرد كلام ولكن بتحويل النقود بالبريد على مكتب بريد النزهة عناية (كريم سراج منير) وطبعا هاعرف اسم الراسل وهايدون عندي وهو ده التاكيد ولازم قبل الميعاد باسبوع علشان الحجز وترتيب الأمور
أي حد هيتضاف بعد كدة هيتعفي برضه من رسم الدخول لكنه هيكون مضطر لإنه يطلب أكله لوحده مش هيشارك في البوفيه معانا
أي حد هييجي بعد الفطار هيدفع على البوابة تمن تذكرة الدخول بالإضافة إلى مشروباته

ميعاد الافطار الاسبوع الثاني من رمضان ثاني يوم جمعة
كل عام وانتم طيبين ومستنينكم في احلى افطار واحلى لمة
وطبعا الدعوة موجهة لكل الاعضاء قدامي وجداد واللي عايز يجيب اصحابة معاه اهلا وسهلا بيهم وطبعا اخوانا المسيحيين كالعادة بينورونا كل سنة ومشاركتنا قعدتنا الجميلة لان معندناش فرق بين مسلم ومسيحي
كل عام وانت جميعا بالف خير
وورنا الهمة يا شباب