نيسان ليفينا . . . ملاحظاتى بعد 3000 كلم

**ehabident** · 16-08-2009 02:17 AM

العربية بشكل عام ممتازة جداً، ملاحظاتى كالتالى..

- التكييف اللى مكنش عاجبنى اتحسن جداً لدرجة انى مرة لما نزلت من العربية النظارة شبرت.

- صوت العربية حاسس انه بقى أعلى شوية وغالباً ده بسبب تغيير الزيت (موبيل 1 - 10000 كيلو) اصحابى نصحونى بزيت شل أو توتال (قالولى انه فرنساوى مستورد) ، على اساس انهم بيخلوا صوت الموتور أهدأ، يا ريت لو حد يقدر يفيدنى بمعلومة.

- الكيك داون فاق كل توقعاتى بصراحه، مره كنت عاوز اهرب من زفة عربيات فى الشارع دوست على البنزين وفى ثانية الـrpm وصل لـ 5000 والعربية سحبت بشكل رهيب.

- استهلاك البنزين داخل المدينة عمره ما بيوصل معايا لـ 180 كلم فى الصفيحة (التكييف شغال صبح وليل) وعلى الطريق كويس دايما بيعدى 220 كلم فى الصفيحة (مره وصل لـ240).

- بالمناسبة العربية مفيش فيها مؤشر حراره، بس فيها انديكاتور ازرق لما العربية تبقى لسه ماسخنتش وواحد تانى احمر لو العربية سخنت (وربنا يسها ومشوفهوش منور ابداً).

- الفرامل حلوة جداً ونفعتنى كذا مره مع التاكسيات البشوات اللى بيقفوا يحملوا زباين فى نص الشارع.

- علو العربية كويس قوى بالنسبة للمطبات والبلاعات اللى فى شوارعنا (حد يعرف ايه الصعب فى ان البلاعة تبقى بمستوى الشارع؟ يمكن معضله كبيرة وعاوزة خبير ولا لجنة من الخارج!!) . ليا تجربة أليمة واحده مع المطبات فى مره كنت قلبت فيها العربية ميكروباص فكان معايا 4 أشخاص (يعنى متوسط 450 كيلو احنا الخمسه) وحوالى 25-30 كيلو فى الشنطة). ساعتها حسيت ان العربية هبطت ولبست مطبين تلاته على طريق المنصورة-القاهرة.

تحياتى للجميع

**DigitalMR1** · 16-08-2009 03:38 PM

الـــــــــــف شكر علي المعلومات الرائعة

وفعلا العربية ممتازة جدااااااا...

ســـؤال : هل العربية فيها كمبيوتر ( شاشة البيانات )

**Said Elmasry** · 17-08-2009 10:50 AM

المشاركة الأصلية كتبت بواسطة ehabident

العربية بشكل عام ممتازة جداً، ملاحظاتى كالتالى..

- التكييف اللى مكنش عاجبنى اتحسن جداً لدرجة انى مرة لما نزلت من العربية النظارة شبرت.

- صوت العربية حاسس انه بقى أعلى شوية وغالباً ده بسبب تغيير الزيت (موبيل 1 - 10000 كيلو) اصحابى نصحونى بزيت شل أو توتال (قالولى انه فرنساوى مستورد) ، على اساس انهم بيخلوا صوت الموتور أهدأ، يا ريت لو حد يقدر يفيدنى بمعلومة.

- الكيك داون فاق كل توقعاتى بصراحه، مره كنت عاوز اهرب من زفة عربيات فى الشارع دوست على البنزين وفى ثانية الـrpm وصل لـ 5000 والعربية سحبت بشكل رهيب.

- استهلاك البنزين داخل المدينة عمره ما بيوصل معايا لـ 180 كلم فى الصفيحة (التكييف شغال صبح وليل) وعلى الطريق كويس دايما بيعدى 220 كلم فى الصفيحة (مره وصل لـ240).

- بالمناسبة العربية مفيش فيها مؤشر حراره، بس فيها انديكاتور ازرق لما العربية تبقى لسه ماسخنتش وواحد تانى احمر لو العربية سخنت (وربنا يسها ومشوفهوش منور ابداً).

- الفرامل حلوة جداً ونفعتنى كذا مره مع التاكسيات البشوات اللى بيقفوا يحملوا زباين فى نص الشارع.

- علو العربية كويس قوى بالنسبة للمطبات والبلاعات اللى فى شوارعنا (حد يعرف ايه الصعب فى ان البلاعة تبقى بمستوى الشارع؟ يمكن معضله كبيرة وعاوزة خبير ولا لجنة من الخارج!!) . ليا تجربة أليمة واحده مع المطبات فى مره كنت قلبت فيها العربية ميكروباص فكان معايا 4 أشخاص (يعنى متوسط 450 كيلو احنا الخمسه) وحوالى 25-30 كيلو فى الشنطة). ساعتها حسيت ان العربية هبطت ولبست مطبين تلاته على طريق المنصورة-القاهرة.

تحياتى للجميع

ربنا يباركلك فيها يارب
سيارة أكثر من رائعة فعلا
انا لسه ماعملتش بيها أكثر من 1300 كيلو لسه
بس فعلا أختيار ممتاز
ولما غيرت زيت الألف غيرولى شل
ومافيش تغيير فى صوت العربية والحمد لله
لسه بدون صوت والحمد لله
والتكييف والحمد لله أكثر من رائع
والسى دى تحفة بس ناقص انه يبقى ام بى ثرى بس صوته حقيقى رائع
تحياتى

**Abu3aly** · 15-12-2010 06:31 PM

ايه يا جماعة !!! فات أكتر من سنة و لسه ماحدش كتب أى اصدارات جديدة عن العربية و أداءها معاه ؟؟ ايه الحكاية ؟؟؟؟؟
اذا نتم مبسوطين منها ياريت تقولولنا علشان ننضم لكم فى عائلة الليفينا . و يا ريت تحكولنا عن الصيانة لو أمكن.

يارب تكون العربية معاكم زى الفل و مافيش أى حاجة وحشة منها

**Abu3aly** · 18-12-2010 09:59 AM

برضو لسه ما فيش أخبار !!!!! يار ب اكرمنا بكام رد كويسين

**Ahmed.TV** · 18-12-2010 01:26 PM

اذا حضرتك كنت محتاج معلومة من حد من ملاك العربية نفسهم نفسهم
حضرتك ادخل على ملفهم الشخصى وشوف اخر تاريخ دخول ليهم
ولو كان من فترة قريبة ابعتهلم رسالة على الخاص واسالهم

اما لو عاوز معلومة مننا
وبما انى احد ملاك التيدا والتيدا ماتورها نفس ماتور اللفينا ففحاول افيد حضرتك بقدر الامكان لانى كنت بفكر فى السيارة دى , ومان قريت عنها التقارير اللى عندنا ,فبص بقا يا باشا:

-السيارة اللفينا سيارة ممتازة جداااا ونفس ماتور التيدا وقطع الغيار واحد تقريبا , ممكن يفرق بس فى سعر اكصدام او رفرف او فانوس بس مش كتير بردوا
- العربية تقفيل صينى فى منتهى الروعة ولا تحس انه صينى ابداااااا نهائى , والتقفيل الصينى داخل فى الفرش وخامات الصالون واعتقد البطارية والدينمو
- شنطة العربية رائعة جدااا
-العربية فيها كماليات يمكن اكتر من التيدا , وخصوصا فتح السيارة الباب بصمة , وباقى الكماليات اللى موجودة فى التيدا ويمكن اعلى فئة كمان
والتقارير القديمة عنها فى القسم موضحة بالصور كل حاجة
- اعتقد لو فى مشكلة فى العربية حتلاقى ناس داخلة بتقطع فى فروتها وبتقول انى فيها مشاكل , ولكن الحمد لله مفيش
- افضل الالوان ليها فى نظرى الفضى والاحمر
- فى النهاية , عربية ممتازة جدا وتقيل لا يقل عن التيدا اليابانى

واتمنى انى اكون افدت حضرتك
وزى ما قولتلك اقرء ما بين السطور فى تقارير اللفينا فى الموضوعات المثبتة حتلاقى معلومات عنها ممتازة

وربنا يوفقك
وتحت امرك فى اى خدمة
تحياتى

**Abu3aly** · 19-12-2010 08:21 AM

ربنا يكرمك يا عم أحمد و ما يحرمناش منك ومن ردودك السريعة الجميلة،
ان بس عايز أعرف صالون الليفينا - و خصوصا الكنبة الخلفية- أوسع من الصنى ولا ايه،انا ركبت الصنى و حايتس انها ضيقة و شوفت التيدا و ما شاء الله الوسع فى الكنبة الخلفية جامد جدا ، الليفينا بقى فين من الاتنين ؟؟؟
جزاكم الله خيرا و شكرا على الاهتمام

**AbuHusam** · 20-12-2010 01:55 AM

[mark=#fcf9d8]اتساع الليفينا وسط بين التيدا والصني.. بالنسبة للسائق والراكب الأمامي لا يشعر بفارق كبير عن التيدا.. أما الكنبة الخلفية فهي نفس عرض التيدا لكن المسافة بينها وبين الكراسي الأمامية أقل قليلاً من التيدا وأوسع من الصني.. لذلك تشعر أنها مريحة عن الصني.. باختصار هي من ناحية الاتساع وسط بين الاثنين.. [/mark]