السلام عليكم ..
انا كنت باسئل عايز ارش عربيتى او ادهنها بس بايدى انا .. بلون تانى عشان لونها الاصلى باظ
عايز اعرف اجيب اية بالظبت يعنى البوية نوعها هتكون اية وهيتكلف كام .. وبالنسبة للترخيص اية هيكون موقفى بالضبط ........
عرض للطباعة
السلام عليكم ..
انا كنت باسئل عايز ارش عربيتى او ادهنها بس بايدى انا .. بلون تانى عشان لونها الاصلى باظ
عايز اعرف اجيب اية بالظبت يعنى البوية نوعها هتكون اية وهيتكلف كام .. وبالنسبة للترخيص اية هيكون موقفى بالضبط ........
هيا عربيتك هانت عليك اوي كدا؟؟ هترشاها انتا؟؟
لا طبعا حضرتك توديها لحد يرشها ده موضوع حيوى جدا و لاحظ ان اول حاجه عينك بتقع عليها فى اى عربيه هو لونها وده هيتوقف على جوده البويه و نضافه عمليه الرش و الفرن و الصنايعى اللى شغال ,, و بالتاكيد خبره الصنايعى هتفرق لصالحه ده غير التعب و المرمطه ,, وعلى ايه ؟
بس انواع البويات كتير و تفرق ,, حضرتك خد لفه فى قسم الورشه هتلاقى طلبك ان شاء الله :)
شِكرا على الرد يا استاز m7nsh انا هاعمل زى ما بتقول وهوديها لحد .. لان الموضوع واضح انو كبير ومش سهل زى ما انا توقعت .. وهاخد لفه فى قسم الورشه
جزتك الله كل خير ......
من الواضح ان حضرتك معندكش خلفية عن الموضوع
اولا قبل اى حاجة لازم تفهم معنى انك تغير لون العربية
1- هتنزل من سعر اعادة البيع كتير جدا جدا
2- هتخش فى قصص مع المرور علشان تغير اللون على الرخصة
بالنسبة لعملية الرش
الموضوع مش سبراى و بييترش
رش العربية محتاج خدمة كتير و معجون ...الخ من الاخر عملية محتاجة صنيعى متخصص
و الرش بيتم داخل فرن مخصوص لكدة
من الاخر عملية مش بسيطة و بلاش تغير لون العربية
شكرا يا شريف على النصايح الغالية دية ...
بس كنت عايز اعرف لية هينزل من ثمن العربية ماعئنى كنت هارشها من جديد عشان اللون الاصلى بتاعها بقا وحش من كتر التخبيط فيها ..
اما موضوع المرور فعلا حضرتك عندك حق فية ....
معلش انا مفهمتش المقصود ب ([gdwl] بلون تانى عشان لونها الاصلى باظ [/gdwl]) هل كنت تقصد اللون الاصلى ولا لون مختلف
لو اللون الاصلى يبقى ترشها اة و دى حاجة كويسة
بس بنفس درجة اللون الاصلى للعربية
و كمان درجة اللون عربيتك بيكون برقم مكتوب على صدر العربية او غطاء تنك البنزين حسب نوع عربيتك و بيتضرب اللون علشان يطلع زى الاصلى بظبت
انت لو بتشترى عربية مستعملة اية الى يجبرك تاخد عربية من الدواخل لون و الخوارج لون تانى !!
بص يا معلم اولا مش ممنوع في المرور ولا حاجة كل مافي الموضوع ان انتا بتروح تفخص من جديد وبتقول للمهندس انا عايز اغير لون هيخليك تشتري استمارة فحص ويفحصهالك وهو هيغيرلك اللون بعديها هتروح بالورق علي الشباك هتديهولو وبعدين تستلم رخصتك بالون الجديد بس نصيحة بلاش انتا ترشها لانها بتبقي محتاجة معجون وفيلر مش بويا وخلاص ولو حتي هترشها وش نظافة مش هينفع في الشارع لانها هتكون محتاجة فرن علشان تراب الجو
ده حوار كبير انا لسه كنت فيه من اسبوعين
البوهيجي شغله كتير و موضوع الصنفرة و المعجنة ده مطلعش سهل
وموضوع تظبيط البوهية ورشها حوار كبير
لانك ممكن البوهية تسيل منك و تعمل حاجة شكلها في منتهى القرف
وتبوظلك كل البوهية اللي لو هتجيبها نضيفة مش ااقل من 1000 جنيه بحوارتها كلها
فنصيحة ادي العيش لخبازه