حجزت الافيو ومحتاج مساعدتكم

**Hacker5** · 17-08-2009 12:02 PM

و انا مش هاقول حاجة بعد اللى قالوه الاخوة الاعضاء
بجد بجد ابعد عن الافيو خالص
عندنا عربيتين فى العائلة موديلات 2008 و معروضة للبيع بسبب المشاكل اللى فيها هيا فعلا عربية قرف
و ياريت تشوف حاجة تانية غيرها قبل ما تندم
عندك النيو اكسنت ممتازة
عندك الاسبيرانزا الموديل الجديد اسمه m11برضو لا غبار عليها و روح اتفرج عليها هاتعجبك جدا (صورتها فى توقيعى )
و عندك بريليانس frv برضو مجربة و كويسة جدا
حاول تراجع نفسك
لكن لو متمسك بيها يبقى مبروك مقدما و ربنا يباركلك فيها و يكفيك شرها

**Hosam_Optrawy** · 17-08-2009 12:18 PM

بعد كل الاراء دى معتقدش ان رأيى هيختلف عنهم

بس ياريت تقول انت ايه احتياجاتك فى العربيه وايه اولوياتك والحاجات اللى تهمك

عشان أرشحلك البدايل المناسبه

**mahamedaraby** · 17-08-2009 08:14 PM

المشاركة الأصلية كتبت بواسطة akram2010

خد ال خمس الالاف ال دفعتها من منصور وروح خد لك نيو اكسنت افضل منها مليون مررة ..
النيو اكسنت 1600 سى سى وماتور 112 حصان والتانيه 1500 واعتقد فى رنج الثمانيات من الحصان ودة مهمه قوى فى العربيات علشان التحميل والتكييف
صوت ماتورها عالى فى السرعات العاليه
ضيقه قوى الكنبه الخلفيه ومقفوله مع الكراسى الاماميه تزنق الناس ال قاعدة ورا
لوك الابواب من فوق زى عربيات زمان
الشماسات العلويه مرايات بدون بغطاء عكس النيو اكسنت
تابلوة عميق على حساب مساحه الصالون
كاسيت بلت ان كاسيت شرائط لو خرب صعب قوى تركب اى كاسيت من السوق الا الوكاله والشرائط دة موضه انتهت بعكس النيو اكسنت سى دى ويو اس بى
دريكسيون غير قابل للتعليه او التظبيط عكس النيو اكسنت
الفول اوبشن معرفش الزجاج الامامى كهرباء والخلفى يدوى والنيو اكسنت كله كهرباء . دة حتى الزجاج الخلفى ما بينزل كامل فى الباب زى عربيات الفيات زمان يخنق ال قاعد ورا.

امامك ابسط مقارنه بين عربيتين اوجه الشبه بينهم الكورى والسعر

يابانى الراجل بيكلم صح شوف فى السعوديه عامله ازاى الاكسنت

والافيو هناك مضروبه ضاربه سوداء

**M_ElSabaa** · 18-08-2009 12:50 AM

المشاركة الأصلية كتبت بواسطة mos981

السلام عليكم يا شباب
انشاء الله انا خلاص حجزت الافيو بعد تفكير عميق ومقارنات من اكتر من 5 شهور بس كنت محتاج اعرف اية بالضبط الحاجات اللي هستلمها مع العربية واية هي اهم النصايح اللي الواحد ياخد بالة منها وهو بيستلم وياريت لو ممكن اعرف برضة اية بالضبط اللي يتعمل فترة التليين خصوصا ان دية اول عربية زيرو ليا
الف شكر ليكوا

اسحب فلوسك وانفد بجلدك

**ggggggggg** · 18-08-2009 05:01 AM

أفيو ايه بس حرام عليكم هو لسة في ناس بتفكر كده؟؟؟؟ وانا أقول منصور وغبور بيكسبوا منين أنا عرفت دلوقتي

**mos981** · 18-08-2009 09:18 AM

ياجماعة والله انا مش عارف اشكركم ازاي على الردود والنصايح دية كلها - ومتاسف علشان اتاخرت في الرد اصلي كنت مسافر ومكنش معايا كوننيكشن على الانترنت
انا الحمدللة عندي فرصة كبيرة اناي اغير مفيش مشكلة فيها خالص 0 لما كنت بقارن كنت بقارن بين العربيات اللي في الستينات وخصوصا الاي تن والفيرنا و اللانوس بس بصراحة لما شفت الافيو شكلها عجابني ولقيتها فخمة كدة قلت خلاص اجي على نفسي وازود الكام الف واجيبها لاني مش مقتنع تماما بالفيرنا واللانوس و الاي تن برضة صغيرة ومن غير شنطة
بس كدة اعتقد اني اكيد هعيد النظر في الموضوع وبصراحة مش عايز ادخل في سكة العربيات الاعلى علشان مزنقش نفسي اكتر من كدة يعني فاهيمن قلت الاي تن وبعدين قلت ازود 7 الاف واجيب الفيرنا وبعدين 9 الاف واجيب الافيو
والف شكر ليكور مرة تانية

**Hosam_Optrawy** · 18-08-2009 10:47 AM

المشاركة الأصلية كتبت بواسطة mos981

ياجماعة والله انا مش عارف اشكركم ازاي على الردود والنصايح دية كلها - ومتاسف علشان اتاخرت في الرد اصلي كنت مسافر ومكنش معايا كوننيكشن على الانترنت
انا الحمدللة عندي فرصة كبيرة اناي اغير مفيش مشكلة فيها خالص 0 لما كنت بقارن كنت بقارن بين العربيات اللي في الستينات وخصوصا الاي تن والفيرنا و اللانوس بس بصراحة لما شفت الافيو شكلها عجابني ولقيتها فخمة كدة قلت خلاص اجي على نفسي وازود الكام الف واجيبها لاني مش مقتنع تماما بالفيرنا واللانوس و الاي تن برضة صغيرة ومن غير شنطة
بس كدة اعتقد اني اكيد هعيد النظر في الموضوع وبصراحة مش عايز ادخل في سكة العربيات الاعلى علشان مزنقش نفسي اكتر من كدة يعني فاهيمن قلت الاي تن وبعدين قلت ازود 7 الاف واجيب الفيرنا وبعدين 9 الاف واجيب الافيو
والف شكر ليكور مرة تانية

بص النيو أكسنت طبعا أفضل من كل الاختيارات دى بس أغلى ب 78 الف

و عشان ماتضغطش على نفسك فى الفلوس

ممكن تجيب جيتز مانيوال تمنها 73.500

أرخص من الافيو

ومفيش أرخص من كدا غير فيرنا ولانوس واسبيرانزا ولوجان

لو مش عاجباك الجيتز شوف اللوجان واسأل على اسعار قطع غيارها وصيانتها

يمكن تبقى مناسبه ليك