حجزت الافيو ومحتاج مساعدتكم

**mos981** · 19-08-2009 09:05 AM

والله يا جماعة انا ملاحظ حاجة مش عارف واخدين بالكوا منها ولا اية دلوقتي تقريبا لو نزلت الشارع هتلاقي ان اكتر عربيتين موجودين في الشارع هما الافيو و الفيرنا و تقريبا اكتر الشكاوي الموجودة برضة من الاتنين دول .
ياترى ممكن علشان العربيات دية بتتقفل في مصر و الطلب عليها زاد الكفاءة بتاعتهم قلت ولا احنا فعلا مش في اختيارتنا و نبص للمواضيع من برة من غير دراسة

**yoko** · 19-08-2009 10:12 AM

الفكرة أنا واحد من الناس الي جابتها على سمعتها في الموديلات القديمة ولما جبتها طلعت زي الزفت ومعيش فلوس أغيرها فمضطر إني أخليها معايا لحد ما ربنا يفرجها وإن شاء الله هنزل كورولا ٢٠٠٦ كمان كام شهر وأبيع الأفيو ده غير إن في ناس مش حاسة بعيوب العربية لإنها مش فاهمة في العربيات من الناس الي عندهم بدام العربية بتمشي تبقى سليمة لدرجة إن أهلي كانوا بيكديبوني في حوار الrpm ده لحد ما شافوا بنفسهم
أما الفرنا الناس عارفه مشاكلها بس معهمش فلوس يجيبوا حاجة أحسن فرضين بيها كده وعموما مشاكلها أرحم من الأفيو

**mmtronic** · 19-08-2009 11:31 AM

اسمحلى اعرض وجهه نظر تانية و هية ان الافيو مثلا و انا بمتلكها

السيارة لو بصيت عليها فى اى موقع خارجى و قريت امكانياتها - حتلاقيها ممتازة - سمعتها برة كويسة

يبقى المشكلة عندنا -- فيين ؟

1- استرخاص الوكيل فى قطع الغيار و التقفيل - و طبعا نسبة المنتج المحلى فى السيارة الى طبعا بيكون زى الزفت

2- الكماليات الى لاغاها الوكيل علشان يكبر هامش ربحة و يضاعفة بدون النظر لحاجة الناس و دة ضد الجودة فى اى شىء مش السيارات بس

3- سوء ادارة المشاكل الى ظهرت فى التوكيل طبعا مع الناس نتيجة العيوب الى ظهرت بسبب السببين الى ذكرتهم فى الاعلى

4- تفضيل الربح على السمعة و دة دافع للاسباب الى ذكرتها

فطبعا هات محصلة ما سبق تلاقى سيارة ذات سمعة سيئة سواء الافيو ولا الفرنا و كل واحد مرتبط بمبلغ معين مبيعرفش يخرج عنة بيشتريهم

**yoko** · 19-08-2009 12:10 PM

المشاركة الأصلية كتبت بواسطة mmtronic

اسمحلى اعرض وجهه نظر تانية و هية ان الافيو مثلا و انا بمتلكها

السيارة لو بصيت عليها فى اى موقع خارجى و قريت امكانياتها - حتلاقيها ممتازة - سمعتها برة كويسة

يبقى المشكلة عندنا -- فيين ؟

1- استرخاص الوكيل فى قطع الغيار و التقفيل - و طبعا نسبة المنتج المحلى فى السيارة الى طبعا بيكون زى الزفت

2- الكماليات الى لاغاها الوكيل علشان يكبر هامش ربحة و يضاعفة بدون النظر لحاجة الناس و دة ضد الجودة فى اى شىء مش السيارات بس

3- سوء ادارة المشاكل الى ظهرت فى التوكيل طبعا مع الناس نتيجة العيوب الى ظهرت بسبب السببين الى ذكرتهم فى الاعلى

4- تفضيل الربح على السمعة و دة دافع للاسباب الى ذكرتها

فطبعا هات محصلة ما سبق تلاقى سيارة ذات سمعة سيئة سواء الافيو ولا الفرنا و كل واحد مرتبط بمبلغ معين مبيعرفش يخرج عنة بيشتريهم

على فكره وجهت نظري نفس وجهت نظرك بس يمكن أنا موضحتش ووضحت العربية مرترتة ليه
وأنا دلوقتي في السعودية مفيش حد بيشتكي من الأفيو حتى جاري كان معاه نفس الي معايا 2008 وبعها من غير أي شكوى
أما الفرنا فهي أصلا الأكسنت القديمة مفيش منها في الخليج

**mmtronic** · 19-08-2009 12:21 PM

اهه حضرتك اكدت سمعة الافيو برة مصر - يبقى المشكلة عندنا و انت عارف

و على فكرة الواحد يستنتج من دة طبعا درس يفدنا كلنا و هوة - اوعا اى عربية تقفيل مصرىىىىىىىىىى

حتى لو حتشترى عربية صغيرة مستوردة اهه اهون من التجميع المحلى

**akram2010** · 19-08-2009 02:11 PM

المشاركة الأصلية كتبت بواسطة mos981

فعلا كدة صح يعني انا دلوقتي لو معايا 65000 جنية اروح اشتري بيهم اي 10 او بيكانتو ولا اني اشتري فيرنا او لانوس على الاقل حاجة نضيفة وكمان هوفر فلوس ونبعد عن مشاكل التقفيل المصري

اى 10

افضل مليون مرة من البيكانتو واتوكل على الله . تقفيل الكيا تعبان والتكيفات عمرها ماتكون زى الهيونداى وجودة خامات اقل من الهيونداى وادخل صالونات الكيا وشم الصالون تلاقى ريحه البلاستيك والجلد مستفزة لآن خاماتها اقل فى الجودة لما تقارنها بالهيونداى او التوياتا

**Hosam_Optrawy** · 19-08-2009 04:10 PM

المشاركة الأصلية كتبت بواسطة akram2010

اى 10

افضل مليون مرة من البيكانتو واتوكل على الله . تقفيل الكيا تعبان والتكيفات عمرها ماتكون زى الهيونداى وجودة خامات اقل من الهيونداى وادخل صالونات الكيا وشم الصالون تلاقى ريحه البلاستيك والجلد مستفزة لآن خاماتها اقل فى الجودة لما تقارنها بالهيونداى او التوياتا