حجزت الافيو ومحتاج مساعدتكم

**mos981** · 16-08-2009 09:31 AM

السلام عليكم يا شباب
انشاء الله انا خلاص حجزت الافيو بعد تفكير عميق ومقارنات من اكتر من 5 شهور بس كنت محتاج اعرف اية بالضبط الحاجات اللي هستلمها مع العربية واية هي اهم النصايح اللي الواحد ياخد بالة منها وهو بيستلم وياريت لو ممكن اعرف برضة اية بالضبط اللي يتعمل فترة التليين خصوصا ان دية اول عربية زيرو ليا
الف شكر ليكوا

**akram2010** · 16-08-2009 10:27 AM

خد ال خمس الالاف ال دفعتها من منصور وروح خد لك نيو اكسنت افضل منها مليون مررة ..
النيو اكسنت 1600 سى سى وماتور 112 حصان والتانيه 1500 واعتقد فى رنج الثمانيات من الحصان ودة مهمه قوى فى العربيات علشان التحميل والتكييف
صوت ماتورها عالى فى السرعات العاليه
ضيقه قوى الكنبه الخلفيه ومقفوله مع الكراسى الاماميه تزنق الناس ال قاعدة ورا
لوك الابواب من فوق زى عربيات زمان
الشماسات العلويه مرايات بدون بغطاء عكس النيو اكسنت
تابلوة عميق على حساب مساحه الصالون
كاسيت بلت ان كاسيت شرائط لو خرب صعب قوى تركب اى كاسيت من السوق الا الوكاله والشرائط دة موضه انتهت بعكس النيو اكسنت سى دى ويو اس بى
دريكسيون غير قابل للتعليه او التظبيط عكس النيو اكسنت
الفول اوبشن معرفش الزجاج الامامى كهرباء والخلفى يدوى والنيو اكسنت كله كهرباء . دة حتى الزجاج الخلفى ما بينزل كامل فى الباب زى عربيات الفيات زمان يخنق ال قاعد ورا.

امامك ابسط مقارنه بين عربيتين اوجه الشبه بينهم الكورى والسعر

**akram2010** · 16-08-2009 10:30 AM

وعلى فكرة من حقك تاخد فلوسك حتى لو دفعتها كلها طالما ما استلمت العربيه . طبعآ هو يقول لك ليه ويجادل ويعطيك شعور انه مستحيل بس دة حقك ولو وجدت متمسك برآيك سيعطيك الفلوس لآن دة حقك وعادى جدآ

**احمد عز** · 16-08-2009 12:35 PM

المشاركة الأصلية كتبت بواسطة akram2010

خد ال خمس الالاف ال دفعتها من منصور وروح خد لك نيو اكسنت افضل منها مليون مررة ..
النيو اكسنت 1600 سى سى وماتور 112 حصان والتانيه 1500 واعتقد فى رنج الثمانيات من الحصان ودة مهمه قوى فى العربيات علشان التحميل والتكييف
صوت ماتورها عالى فى السرعات العاليه
ضيقه قوى الكنبه الخلفيه ومقفوله مع الكراسى الاماميه تزنق الناس ال قاعدة ورا
لوك الابواب من فوق زى عربيات زمان
الشماسات العلويه مرايات بدون بغطاء عكس النيو اكسنت
تابلوة عميق على حساب مساحه الصالون
كاسيت بلت ان كاسيت شرائط لو خرب صعب قوى تركب اى كاسيت من السوق الا الوكاله والشرائط دة موضه انتهت بعكس النيو اكسنت سى دى ويو اس بى
دريكسيون غير قابل للتعليه او التظبيط عكس النيو اكسنت
الفول اوبشن معرفش الزجاج الامامى كهرباء والخلفى يدوى والنيو اكسنت كله كهرباء . دة حتى الزجاج الخلفى ما بينزل كامل فى الباب زى عربيات الفيات زمان يخنق ال قاعد ورا.

امامك ابسط مقارنه بين عربيتين اوجه الشبه بينهم الكورى والسعر

على فكره الراجل قال انا دفعت فلوس بعد مقارنه 5 شهور وهو اقتنع بيهل ما مقلش اختار ايه ولا ايه ومقلش برده اسحب الفلوس ولى لا بيقول تنصحونى بايه عند الاستلام :b4_556:

**solid_khaled** · 16-08-2009 03:06 PM

most of u guys knows that ppl saying that akram works with ghaboor and always recommend hyundai

but this time he is right
cuz aveo sucks :S

**ezzatfox** · 16-08-2009 03:22 PM

بصراحة انا كنت مترد اعمل المشاركة دى عشان مضايقش صاحب الموضوع لانه حجزها خلاص و مش عايز ابوظ علية فرحتة بس ادام لسة عندة فرصة انة يتراجع .. يبقى واجبنا ننصحة ان فى بدايل تانية احسن بكتير من الافيو .بخصوص المقارنة اللى حضرتك بتقول انك عملتها فى 5 شهور .. انا متأكد انك لو دورت فى المنتدى عن المواضيع اللى بتتكلم عن الافيو و اراء ملاك العربية نفسهم هتغير رأيك فى 5 دقائق .

**yoko** · 16-08-2009 03:38 PM

المشاركة الأصلية كتبت بواسطة solid_khaled

most of u guys knows that ppl saying that akram works with ghaboor and always recommend hyundai

but this time he is right
cuz aveo sucks :s

أنا من أشد الكارهين لأكرم والهبل بتاع هونداي وخلاص
بس أنا برده للأسف من مالكين الأفيو وبقولك إبعد عنها خالص نصيحة من واحد طلع .......... بسببها وخلاص هيبعها بعد إستخدام سنة
والي يقلك منصور كتوكيل أحسن من غبور يبقى عمرة متعامل مع ولا واحد فيهم الإتنين زي الزفت

**totaman** · 17-08-2009 01:34 AM

انا بصراحة لو مكانك وقريت الكلام اللى مكتوب عن الافيو
اخاف اجازف واشتريها
وبنصحك فعلا بالنيو اكسنت
عربية بجد بتاعت شقى وهى مع خالى من 2007
ومش قادر اقولك بيعمل فيها ايه
على طول سفر من اسكندرية لمطروح
ومن اسكندرية للقاهرة
وخصوصا انه معاه الاتوماتيك بتاعها مريح جدا

ده راى الشخصى
والحمد لله ماليش مصلحة انك تشترى دى او دى
انا معايا اوبترا اصلا

ربنا يوفقك ان شاء الله للخير ويا ريت متتسرعش
علشان متندمش

**mohamedeed** · 17-08-2009 11:38 AM

المشاركة الأصلية كتبت بواسطة mos981

السلام عليكم يا شباب
انشاء الله انا خلاص حجزت الافيو بعد تفكير عميق ومقارنات من اكتر من 5 شهور بس كنت محتاج اعرف اية بالضبط الحاجات اللي هستلمها مع العربية واية هي اهم النصايح اللي الواحد ياخد بالة منها وهو بيستلم وياريت لو ممكن اعرف برضة اية بالضبط اللي يتعمل فترة التليين خصوصا ان دية اول عربية زيرو ليا
الف شكر ليكوا

لو قدرت تزود شوية علي ثمنها وتجيب الاوبتراهي عربيه ممتازة ومشاكلها قليلة جدا بالمقارنة بالافيو
وكمان واسعة جدا ما شاء الله من الداخل

اما اذا كنت استخرت الله وهاتجيب الافيو توكل علي الله وما تقلقش ومبروك عليك يا باشا ومبروك علينا عضو جديد في منتدي شيفورلية