السلام عليكم جميعا
عندى سوال البنزين فى العربيه ساعات الاقى التانك عامل 400 كيلو وساعات الاقى التانك عامل 600 علما بانى حسبت الاحصائيتين بدون تكيف مرة جابت 400 ومرة 600 ليه الفرق
هل فى حاجات تانية بتاثر على البنزين افدونى افدكم الله
عرض للطباعة
السلام عليكم جميعا
عندى سوال البنزين فى العربيه ساعات الاقى التانك عامل 400 كيلو وساعات الاقى التانك عامل 600 علما بانى حسبت الاحصائيتين بدون تكيف مرة جابت 400 ومرة 600 ليه الفرق
هل فى حاجات تانية بتاثر على البنزين افدونى افدكم الله
نمط القيادة : شاق (وسط المدينة ) , طريق مفتوح
حجم الاحمال و الاوزان على العربية
اسلوب قيادة السائق : بيحرق على النقلات ولا بينقل مستريح
بالاضافة للتكييف طبعا زى ما قلت
طبعا فيه عوامل كثير مؤثرة في أستهلاك البنزين مثل :
1- السرعة : السرعة الاقتصادية عادة بين (90 - 100) كم/ساعة أقل من كده أو أكثر معدل الاستهلاك بيزيد
2- الاحمال : اوزان في شنطة العربية - الركاب - التكييف
3- المقاومة : مقاومة الهواء للعربية - مقاومة الطريق (مطالع - أحتكاك الاطارات مع الطرق الغير ممهدة)
4- حالة المحرك : وجود عيب بالرشاشات أو تاكل الشنابر ( وده مستبعد طالما أن السيارة جديدة)
صديق ليا وله خبر كبيرة فى السيارات وعن تجربة ويملك سيارتين كورولا 2009 وbmw 523 بيقولى التكيف مبياثرشى خالص على الموتور وتكلفة بسيطة جدا فى البنزين مثلا فى التانك لتر او 2 لتر بكتير
هل الكلام دة صحيح
وعلى فكرة الرجل دة مصدر ثقة لانه ماشاء الله كل سنتين او تلات بيغير ويجيب الاحدث
حقول لحضرتك انا روحت اسكندريه من غير تكيف ورجعت بالتكيف لقيت في فرق في الاستهلاك هو مش كبير بس مش قليل (يعني مش لتر او لتريين في التنك)