أعمل صيانة الـ 1000 للنيو اكسنت فين؟

انا خلاص ياجماعة عداد عربيتي فاضله بتاع 20 او 30 كيلو كمان ويوصل ل 1000 كيلو (وطبعا ده عشان انا روحت الرحاب كذا مرة عشان موضوع الجنط والكاوتش بتوع الحادثة وكمان لسة رايحة مشوار ل 6 اكتوبر امبارح عشان كده العربية دخلت صيانة الالف بسرعة :shyy:) وسألتهم في التوكيل معايا أد إيه لحد ماعمل صيانة الألف قالولي لحد 1500 كيلو وده طبعا كويس.
بس دلوقتي انا مش عارفة اعمل الصيانة فين؟
هل لازم اروح اعملها في ابو رواش؟ بس ده هايستلزم يوم اجازة من الشغل (رغم اني ده صعب جداً لإني مش فاضل في رصيد اجازاتي غير يوم واحد فقط وشكله هايضيع في مشوار برده :stink[1]:) وانا اجازتي جمعة وسبت، بفكر اروح يوم السبت لكن في ناس بتقولي يوم السبت الدنيا بتكون زحمة اوي والعربيات بتتأخر وبتتكروت كمان إيه رأيكوا؟

هل ده برده هاينطبق على رمضان يعني يوم السبت في رمضان هايكون زحمة ولا هاتكون الدنيا رايقة شوية؟

طب لو عملت الصيانة في مركز معتمد زي كارفان الرحاب مثلا (اصلهم ميزتهم يعتبروا قريبين من شغلي وكمان بيشتغلوا جمعة وسبت ولحد الساعة 9 باليل يعني ممكن اروح يوم بعد الشغل كمان) تفتكروا ده هايكون كويس ولا لازم غبور نفسهم هما اللي يعملولي صيانة الالف؟
برده قولولي ايه اللي بيتعمل في صيانة الالف بالظبط وبيتكلف حوالي كام وفي حاجات لازم تتعمل عندهم ولا ممكن اعملها بره ارخص؟

بالنسبة للعربية هي ادائها كويس معايا لكني حاسة بتقل بسيط في نقلات الفتيس وصوت الموتور عالي شوية ودول هاقولهم عليه لما اروح، والكاسيت كان ساعات بيقلب سي دي لوحده ويرجع يشتغل فلاشة لوحده تاني بس المهندس اللي في مركز كارفان قاللي لما تشغلي الفلاشة شيلي الاسطوانة ولو هاتشغلي السي دي افصلي الفلاشة وفعلا من ساعة ماعملت كده مبقاش يقلب تاني :vctry:.

مستنية ارائكوا بقي وياريت اللي يقترح اني اعملها في ابو رواش يقوللي مواعيدهم ايه في رمضان (رغم اني مستتقلة موضوع الصيانة ومشوار ابو رواش ده في رمضان والدنيا صيام :stink[1]: ) بس لو مفيش حلول غير كده هاعملها في رمضان وامري لله بس عموما رأيكم يهمني وماخاب من استشار :M_yes[1]:.

اللي يركب عربية زيرو وعايز يتابع في التوكيل يبقى لو التوكيل في باكستان يروحله

الف مبروك اولا وربنا يكفيكي شرها بالنسبة لصيانة الالف لازم تتعمل اما في ابو رواش او قليوب علشان يختموا الضمان وبعد كدة في اي مركز معتمد عادي لاكن في الاول لازم عندهم والا الضمان يروح وانصحك بمركز قليوب انا لسة عامل صيانة الالف فية ولو رحتي بدري يعني تكوني هناك 8.30 :9 بالكتير هتخلصي بدري والدخول باولوية الذهاب وليس المواعيد

اقتباس:

---

المشاركة الأصلية كتبت بواسطة ghost2

اللي يركب عربية زيرو وعايز يتابع في التوكيل يبقى لو التوكيل في باكستان يروحله

---

+++++1111111111111111

اقتباس:

---

المشاركة الأصلية كتبت بواسطة Ghost2

اللي يركب عربية زيرو وعايز يتابع في التوكيل يبقى لو التوكيل في باكستان يروحله

---

اقتباس:

---

المشاركة الأصلية كتبت بواسطة A.Saad

+++++1111111111111111

---

مش عارفة ليه حاسة ان اللهجة حادة بعض الشئ :girlsthink:وزي مايكون خير اللهم ماجعله خير :Ka_che1[1]:فيها نبرة شماتة كده :whtauwant:زي مايكون بتقولوا مش ركبتي زيرو يبقي انتي اللي جبتيه لنفسك اشربي بقي واستحملي :049:.

عموما انا مش مكسلة اروح الصيانة لكن انا عملت الموضوع مش عشان اعفي نفسي من المشوار ماهو الرحاب برده مشوار وكدة كده لازم اروح اعمل الصيانة بتاعتي في مواعيدها لكني بسأل انهي افضل عشان اعمل الصيانة فيه من ناحية الخدمة والالتزام بالمواعيد يعني :colsmil:
لإني سمعت ناس بتشتكي من ابو رواش ومن قليوب في الخدمة وفي المواعيد كمان :fdsa:
وان في ناس كتير بتلجأ لمراكز الخدمة المعتمدة عشان الموضوع فيها افضل بكتير بغض النظر عن المسافة يعني :F_eyeb1[1]:

عموما ميرسي اوي على الافادة :Ka_che1[1]:

اقتباس:

---

المشاركة الأصلية كتبت بواسطة sss2000

الف مبروك اولا وربنا يكفيكي شرها بالنسبة لصيانة الالف لازم تتعمل اما في ابو رواش او قليوب علشان يختموا الضمان وبعد كدة في اي مركز معتمد عادي لاكن في الاول لازم عندهم والا الضمان يروح وانصحك بمركز قليوب انا لسة عامل صيانة الالف فية ولو رحتي بدري يعني تكوني هناك 8.30 :9 بالكتير هتخلصي بدري والدخول باولوية الذهاب وليس المواعيد

---

أولاً الله يبارك فيك
ثانياً متشكرة جدا لإهتمام حضرتك وتعاونك وردك على أسئلتي :satelite:
انا فعلا اتصلت بمركز الصيانة 16101 قالولي اول صيانة لازماً وحتماً ولابد تتعمل يإما في ابورواش يإما في قليوب وبعد كدة اي صيانة تانية ممكن في المراكز المعتمدة عادي.

مواعيدهم في رمضان بقي فترتين من 8:30 صباحاً لحد 3 عصراً، والفترة التانية من 8:30 مساءاً لحد 2 صباحاً :majd(2):.

سألته صيانة الألف بتاخد وقت اد ايه قاللي حوالي 3 أو 4 ساعات :majd(4): أو على حسب مهندس الصيانة مايقولك (كده يبقي اليوم كله طار طبعاً :120146b) وطبعا بحجز بالتليفون قبلها بيوم أو يومين على الأقل.

بس قاللي بالنسبة لصيانة الألف معاكي لحد 2000 كيلو ، طبعا ده بيديني مساحة كويسة اني ممكن اروح بعد رمضان افضل :w6266d.


عموما هي شكلها كدة هاترسي اني اروح اي يوم سبت سواء في رمضان أو بعد رمضان هاشوف أنا بقي :36_1_8[1]:.
بس قولولي اروح قليوب ولا ابو رواش ولا مش فارقة كتير؟
كمان ايه اللي بيتعمل في صيانة الألف وبتتكلف كام؟
هل في فرق بين سعر الزيت والفلتر من برا عن التوكيل؟ وكمان هل لو الفرق كبير ينفع اشتريهم من برا واديهولهم ولا إيه؟
معلش ياجماعة اسئلتي كتيرة بس اصلي مستجدة بقي وانتوا عارفين اول صيانة بتكون مقلقة شوية (لأ شويتين تلاتة كمان :ma:)

بصي يا رنا

اولا سوري علي موضوع الجنط ده ربنا معاكي بجد اصل انا عارف الطريق بتاع عين شمس ده :H_angry[1]:

ثانيا مبروك علي الاف الاوله انا قعدت فيها شهر اول الف دي :biggrin2:
بعد كده هتلاقي العداد بيكررر لوحده:Oc_sun1[1]:

انا لسه عامل صيانه الاف في ابو روش يوم التلات الي فات
هي كلفت تقريباٍ ١٩٥ جنيه تغير زيت ٧ ألاف كيلو علشان هيقولوليك مفيش ٥ ألاف هيقولوليك فيه ٧ أو ١٠ ألاف بس

وطبعا تغير فلتر زيت ده برضوا تبع ال ١٩٥ جنيه يعني زيت و فلتر

و موضوع الغيرات نشفه شويه ده انا قولتلهم عليها قلولي هنشوفها بس قلولي بعد ما استلمتها انها مفهاش حاجه و معا ذلك شيكنا عليها وطبعاً بعد ما استلمتها لقيتها زي ما هيه نشفه

بس انا فاكر انهم قلولي ان ممكن اعمل الصيانه عند اي وكيل معتمد للصيانه بس مش متاكد من موضوع الاف لازم في ابو رواش ولا لا و اقرب واحد ليه تقريبا مودرن سيرفس الي في النزهه عند السندباد كده

و موضوع ختم الضمان ده مكنوش هيعملوه اصلا لولا انا الي سألت قلولي مدام معاك الفواتير خلاص دي تسبت انك عملت الصيانه
بس يفضل انك متأخريش لحد الالفين ده كتير قوي علي الموتور علي ما اظن يعني

الي بيتعمل في صيانه الاف هو تربيط العفشه و الزيت و فلتر الزيت بيتغيرو دي الاساسي غير طلاباتك انت بقي
بس علي ما اظن ان كل النيو اكسنت بينزل محتاج ظبط زوايا لو حاسه انها بتحدف معاكي قوليلهم عايزه ظبط زويا و ده مجانا طبعاً

و في حاجه مهمه كمان انت زودتي عجل قبل كده عند بتاع كوتش؟

اصلي لما جيت ازود لقيت الراجل بيقولي دول كانو علي ضغط ٤٠ مش ٣٠ ولا ٣٢ زي الكتالوج
لو كده قوليلهم برضو او ظبطيها عند اي حد بتاع عجل

انا رحت هناك الساعه فعلا ٨:٣٠ و استلمت الساعه ٢ بعد الظهر اي نعم معملوش حاجه من الي طلابتها منهم غير الزيت و الفلتر لاكن الحمد لله اني استلمت العربيه سليمه و ربنا يكفينا غلاطات غبور و مهندسينه :khd:



اقعدي في الاستراحه وانتي مستنيه العربيه وخدي معاكي كتب اقريها بقي و جرايد ولب و سوداني او لاب توب علشان هتستني كتير و متفكريش تروحي كارفور مشوار ابن لاذينا في الحر و التراب انا كان معايا مراتي و قلنا نتمشي اتبهدلنا الحمد لله:dzey:
إلا لو كان معاكي عربيه تانيه لحد من زميليك
و معتقدش موضوع قليوب ده صح ابو رواش متهيالي احسن خبره اكتر :36_1_50[1]:

و ربنا يتولانا جميعاً من غبور و شركاه

اقتباس:

---

المشاركة الأصلية كتبت بواسطة gbeshay

بصي يا رنا

اولا سوري علي موضوع الجنط ده ربنا معاكي بجد اصل انا عارف الطريق بتاع عين شمس ده :H_angry[1]:

ثانيا مبروك علي الاف الاوله انا قعدت فيها شهر اول الف دي :biggrin2:
بعد كده هتلاقي العداد بيكررر لوحده:Oc_sun1[1]:

انا لسه عامل صيانه الاف في ابو روش يوم التلات الي فات
هي كلفت تقريباٍ ١٩٥ جنيه تغير زيت ٧ ألاف كيلو علشان هيقولوليك مفيش ٥ ألاف هيقولوليك فيه ٧ أو ١٠ ألاف بس

وطبعا تغير فلتر زيت ده برضوا تبع ال ١٩٥ جنيه يعني زيت و فلتر

و موضوع الغيرات نشفه شويه ده انا قولتلهم عليها قلولي هنشوفها بس قلولي بعد ما استلمتها انها مفهاش حاجه و معا ذلك شيكنا عليها وطبعاً بعد ما استلمتها لقيتها زي ما هيه نشفه

بس انا فاكر انهم قلولي ان ممكن اعمل الصيانه عند اي وكيل معتمد للصيانه بس مش متاكد من موضوع الاف لازم في ابو رواش ولا لا و اقرب واحد ليه تقريبا مودرن سيرفس الي في النزهه عند السندباد كده

و موضوع ختم الضمان ده مكنوش هيعملوه اصلا لولا انا الي سألت قلولي مدام معاك الفواتير خلاص دي تسبت انك عملت الصيانه
بس يفضل انك متأخريش لحد الالفين ده كتير قوي علي الموتور علي ما اظن يعني

الي بيتعمل في صيانه الاف هو تربيط العفشه و الزيت و فلتر الزيت بيتغيرو دي الاساسي غير طلاباتك انت بقي
بس علي ما اظن ان كل النيو اكسنت بينزل محتاج ظبط زوايا لو حاسه انها بتحدف معاكي قوليلهم عايزه ظبط زويا و ده مجانا طبعاً

و في حاجه مهمه كمان انت زودتي عجل قبل كده عند بتاع كوتش؟

اصلي لما جيت ازود لقيت الراجل بيقولي دول كانو علي ضغط ٤٠ مش ٣٠ ولا ٣٢ زي الكتالوج
لو كده قوليلهم برضو او ظبطيها عند اي حد بتاع عجل

انا رحت هناك الساعه فعلا ٨:٣٠ و استلمت الساعه ٢ بعد الظهر اي نعم معملوش حاجه من الي طلابتها منهم غير الزيت و الفلتر لاكن الحمد لله اني استلمت العربيه سليمه و ربنا يكفينا غلاطات غبور و مهندسينه :khd:



اقعدي في الاستراحه وانتي مستنيه العربيه وخدي معاكي كتب اقريها بقي و جرايد ولب و سوداني او لاب توب علشان هتستني كتير و متفكريش تروحي كارفور مشوار ابن لاذينا في الحر و التراب انا كان معايا مراتي و قلنا نتمشي اتبهدلنا الحمد لله:dzey:
إلا لو كان معاكي عربيه تانيه لحد من زميليك
و معتقدش موضوع قليوب ده صح ابو رواش متهيالي احسن خبره اكتر :36_1_50[1]:

و ربنا يتولانا جميعاً من غبور و شركاه

---

متشكرة جدا لرد حضرتك واهتمامك :S_thum1[1]:
وبجد بجد ربنا يكرمك على معلوماتك اللي قولتهالي :satelite:
ان شاء الله هاحجز معاد قريب واقولكوا ايه الاخبار :Oc_sun1[1]:

اقتباس:

---

المشاركة الأصلية كتبت بواسطة R A N A

مش عارفة ليه حاسة ان اللهجة حادة بعض الشئ :girlsthink:وزي مايكون خير اللهم ماجعله خير :Ka_che1[1]:فيها نبرة شماتة كده :whtauwant:زي مايكون بتقولوا مش ركبتي زيرو يبقي انتي اللي جبتيه لنفسك اشربي بقي واستحملي :049:.

عموما انا مش مكسلة اروح الصيانة لكن انا عملت الموضوع مش عشان اعفي نفسي من المشوار ماهو الرحاب برده مشوار وكدة كده لازم اروح اعمل الصيانة بتاعتي في مواعيدها لكني بسأل انهي افضل عشان اعمل الصيانة فيه من ناحية الخدمة والالتزام بالمواعيد يعني :colsmil:
لإني سمعت ناس بتشتكي من ابو رواش ومن قليوب في الخدمة وفي المواعيد كمان :fdsa:
وان في ناس كتير بتلجأ لمراكز الخدمة المعتمدة عشان الموضوع فيها افضل بكتير بغض النظر عن المسافة يعني :F_eyeb1[1]:

عموما ميرسي اوي على الافادة :Ka_che1[1]:

---

ابدا يا رنا مش شماتة
احنا هنا كلنا اخوات وطبعا انتى اختنا الكبيرة :Oc_sun1[1]:
هوة الموضوع اللى عابز اقوله ده مجرد راى شخصى ان انا اما جبت العربية كنت فاكر هستريح :36_1_50[1]::B4_033:لقيت ان العربية كمان مسئولية وتعب :khd:وبتحملك مسئوليات :B4_592:زى مسئولية الصيانة اللى بتسالى عنها وشراء قطع الغيار

اولا لاف مليون مبروك
ابو رواش طبعا
لانه اكبر مركز
ولازم تعرفى ان الصيانة دى مجانا عدا الزيت طبعا
ودى بتبقى فرصه لو عندك اى شكوى انها تتعمل مجانا حتى ولو ضبط زوايا او كمبيوتر او اى حاجه فهى فرصة انها تتعمل عند الناس اللى عندهم كل الامكانيات بدل ماتروحى لحد تانى يقولك اى كلام

بالنسبة للمواعيد انا انصحك نصيحه ثابته وانتى ضبطيها تبع مواعيد رمضان
سيبك من الميعاد بتاعهم بالنسبه للساعه طبعا انما بالنسبه لليوم ده مالوش حل
تروحى فى نفس اليوم المحدد ليكى وتكونى هناك قبل ميعاد بدء العمل عندهم بحوالى ربع او نصف ساعه
ان شاء الله عربيتك حتدخل وتخلص على طول ساعة زمن
بالتوفيق وابقى قوليلنا عملتى ايه

أحمد

اقتباس:

---

المشاركة الأصلية كتبت بواسطة A.Saad

ابدا يا رنا مش شماتة
احنا هنا كلنا اخوات وطبعا انتى اختنا الكبيرة :Oc_sun1[1]:
هوة الموضوع اللى عابز اقوله ده مجرد راى شخصى ان انا اما جبت العربية كنت فاكر هستريح :36_1_50[1]::B4_033:لقيت ان العربية كمان مسئولية وتعب :khd:وبتحملك مسئوليات :B4_592:زى مسئولية الصيانة اللى بتسالى عنها وشراء قطع الغيار

---

هو حضرتك طبعاً عندك حق في كل اللي قلته ماعدا حاجة واحدة بس هي اني مش اختكوا الكبيرة خالص :B4_556:ممكن اكون اختكوا الوسطانية ماشي :M_yes[1]: مش هاقول الصغيرة يعني :36_1_35[2]::shine[1]:لاني المفروض عندي 28 سنة فمش عارفة بصراحة حضرتك جبت "اختنا الكبيرة" دي منين :whtauwant::rfds: أما لو تقصد اختكوا الكبيرة عقلاً فمعنديش مانع :Oc_sun1[1]: ولو إن دي هاتكون مبالغة منك طبعاً لإن المنتدي هنا مليان عقليات اعلي من عقليتي بكتير :shine[1]:.

اقتباس:

---

المشاركة الأصلية كتبت بواسطة thegreatnileman

اولا لاف مليون مبروك
ابو رواش طبعا
لانه اكبر مركز
ولازم تعرفى ان الصيانة دى مجانا عدا الزيت طبعا
ودى بتبقى فرصه لو عندك اى شكوى انها تتعمل مجانا حتى ولو ضبط زوايا او كمبيوتر او اى حاجه فهى فرصة انها تتعمل عند الناس اللى عندهم كل الامكانيات بدل ماتروحى لحد تانى يقولك اى كلام

بالنسبة للمواعيد انا انصحك نصيحه ثابته وانتى ضبطيها تبع مواعيد رمضان
سيبك من الميعاد بتاعهم بالنسبه للساعه طبعا انما بالنسبه لليوم ده مالوش حل
تروحى فى نفس اليوم المحدد ليكى وتكونى هناك قبل ميعاد بدء العمل عندهم بحوالى ربع او نصف ساعه
ان شاء الله عربيتك حتدخل وتخلص على طول ساعة زمن
بالتوفيق وابقى قوليلنا عملتى ايه

أحمد

---

الله يبارك فيك ومتشكرة جدا لإهتمامك.
أنا هاحاول اروح اعملها في ابو رواش وربنا يسهل ومتشكرة جدا على نصايح حضرتك ليا
بخصوص المعاد يعني المفروض هما بيبدأو شغل الساعة 8:30 اكون انا عندهم الساعة 8 مثلا ؟ بحيث اني ادخل بدري حتى لو واخدة معاد الساعة 12 مثلاً؟
عموما انا هاحجز معاد واقولكوا على الأخبار في اقرب وقت ممكن
وميرسي مرة تانية علي المعلومات :b4_033:

الى الاخت رنا بجد مش تعملى الصيانه بره ابو رواش انا بجد متابع معاهم من خمس سنين وعربيتى الفيرنا الحمد لله بجد لما باعمل الصيانه فى ابو رواش باحس احساس غير ما اعملها فى اى توكيل معتمد ليهم معهلش ابوو رواش زحمه بس من اجل الورد ينسقى العليق

اقتباس:

---

المشاركة الأصلية كتبت بواسطة oilman

الى الاخت رنا بجد مش تعملى الصيانه بره ابو رواش انا بجد متابع معاهم من خمس سنين وعربيتى الفيرنا الحمد لله بجد لما باعمل الصيانه فى ابو رواش باحس احساس غير ما اعملها فى اى توكيل معتمد ليهم معهلش ابوو رواش زحمه بس من اجل الورد ينسقى العليق

---

متشكرة جدا لرد حضرتك وهاتمامك وان شاء الله هاعمل بنصيحتكوا واعملها في ابو رواش واقولكوا على الاخبار في اقرب وقت ممكن.

هو مش موضوع شماته يا رنا ولا حاجه ... هي العملية في ان العربية لما تكون زيرو طالما بتتابعي في التوكيل وبتغيري الزيت والفلاتر وتيل الفرامل في مواعيدهم مش هتصرف عليكي اي حاجه تاني ... فا معنى الكلمة تعب ساعه ولا تعب كل ساعه ... فخمتو ؟

اقتباس:

---

المشاركة الأصلية كتبت بواسطة Ghost2

هو مش موضوع شماته يا رنا ولا حاجه ... هي العملية في ان العربية لما تكون زيرو طالما بتتابعي في التوكيل وبتغيري الزيت والفلاتر وتيل الفرامل في مواعيدهم مش هتصرف عليكي اي حاجه تاني ... فا معنى الكلمة تعب ساعه ولا تعب كل ساعه ... فخمتو ؟

---

فخمتو يافندم :shyy:
وميرسي علي الاهتمام والرد :s1[1]:

اهم حاجة تتصلى تحجزى من بدرررررى

انا اتصلت يوم الجمعة الى فاتت طلع اول يوم فاضى يوم الخميس الجاى وللأسف خدت رقم 100 يعنى حتأخر على ما تخلص.

على فكرة ممكت تتصلى تحجزى يوم فى الشهر الجاى مش حيقولك لا وبالتالى حتاخدى رقم 1 او قريب على اقصى تقدير.

اقتباس:

---

المشاركة الأصلية كتبت بواسطة EslaM_NagY

اهم حاجة تتصلى تحجزى من بدرررررى

انا اتصلت يوم الجمعة الى فاتت طلع اول يوم فاضى يوم الخميس الجاى وللأسف خدت رقم 100 يعنى حتأخر على ما تخلص.

على فكرة ممكت تتصلى تحجزى يوم فى الشهر الجاى مش حيقولك لا وبالتالى حتاخدى رقم 1 او قريب على اقصى تقدير.

---

ايه ده؟ هو رقم الحجز ده معناه ترتيب دخول العربية للصيانة؟ :girlsthink:
دانا مرة اتصلت (لما كنت عايزة اكشف على العربية بعد حادثة الجنط والكاوتش) ادوني رقم 167 الساعة 12 ظهراً، ده معناه ان في قبلي في اليوم ده 166 فرد يدخلوا الصيانة :majd(4):

لا لو كده بقي يبقي الواحد يحجز قبلها بشهر فعلا لإن لو على النظام ده يبقي هابات عندهم لحد تاني يوم علي ماييجي دوري:8954[1]:.

عموما ميرسي جدا على اهتمام حضرتك وان شاء الله احجز معاد واشوف ايه النظام :s1[1]:.

اقتباس:

---

المشاركة الأصلية كتبت بواسطة R A N A

ايه ده؟ هو رقم الحجز ده معناه ترتيب دخول العربية للصيانة؟ :girlsthink:
دانا مرة اتصلت (لما كنت عايزة اكشف على العربية بعد حادثة الجنط والكاوتش) ادوني رقم 167 الساعة 12 ظهراً، ده معناه ان في قبلي في اليوم ده 166 فرد يدخلوا الصيانة :majd(4):

لا لو كده بقي يبقي الواحد يحجز قبلها بشهر فعلا لإن لو على النظام ده يبقي هابات عندهم لحد تاني يوم علي ماييجي دوري:8954[1]:.

عموما ميرسي جدا على اهتمام حضرتك وان شاء الله احجز معاد واشوف ايه النظام :s1[1]:.

---

Welcome

بسى يا بشمهندسه
انا روحت من غير ما اتصل بس روحت بدرى الساعة 7:45 و كنت تانى عربية تدخل و أخذت رقم203
بس لما المهندس جه 8:35 ...فضل ينادى على العملاء اللى مكتوب على الرقم الى واخدينو اسمه
وكنت خامس عربية بترتيب العربيات فى الارقام
كشف على العربية الساعة 9:05 وخلصت الساعة 11:00
نصيحة بجد ..روجى بدرى شوية من غير خحز ..هتخلصى بدرى

روحى بدرى شوية من غير حجز ..هتخلصى بدرى
نسيت اقول .. دى كانت صيانة الالف

اقتباس:

---

المشاركة الأصلية كتبت بواسطة karamella13

بسى يا بشمهندسه
انا روحت من غير ما اتصل بس روحت بدرى الساعة 7:45 و كنت تانى عربية تدخل و أخذت رقم203
بس لما المهندس جه 8:35 ...فضل ينادى على العملاء اللى مكتوب على الرقم الى واخدينو اسمه
وكنت خامس عربية بترتيب العربيات فى الارقام
كشف على العربية الساعة 9:05 وخلصت الساعة 11:00
نصيحة بجد ..روجى بدرى شوية من غير خحز ..هتخلصى بدرى

---

اقتباس:

---

المشاركة الأصلية كتبت بواسطة karamella13

روحى بدرى شوية من غير حجز ..هتخلصى بدرى
نسيت اقول .. دى كانت صيانة الالف

---

متشكرة اوي ياكاراميلا وإن شاء الله هاروح بدري واقولكوا عملت ايه بإذن الله :Oc_sun1[1]:.

ابو رواش

اقتباس:

---

المشاركة الأصلية كتبت بواسطة r a n a

أولاً الله يبارك فيك
ثانياً متشكرة جدا لإهتمام حضرتك وتعاونك وردك على أسئلتي :satelite:
انا فعلا اتصلت بمركز الصيانة 16101 قالولي اول صيانة لازماً وحتماً ولابد تتعمل يإما في ابورواش يإما في قليوب وبعد كدة اي صيانة تانية ممكن في المراكز المعتمدة عادي.

مواعيدهم في رمضان بقي فترتين من 8:30 صباحاً لحد 3 عصراً، والفترة التانية من 8:30 مساءاً لحد 2 صباحاً :majd(2):.

سألته صيانة الألف بتاخد وقت اد ايه قاللي حوالي 3 أو 4 ساعات :majd(4): أو على حسب مهندس الصيانة مايقولك (كده يبقي اليوم كله طار طبعاً :120146b) وطبعا بحجز بالتليفون قبلها بيوم أو يومين على الأقل.

بس قاللي بالنسبة لصيانة الألف معاكي لحد 2000 كيلو ، طبعا ده بيديني مساحة كويسة اني ممكن اروح بعد رمضان افضل :w6266d.


عموما هي شكلها كدة هاترسي اني اروح اي يوم سبت سواء في رمضان أو بعد رمضان هاشوف أنا بقي :36_1_8[1]:.
بس قولولي اروح قليوب ولا ابو رواش ولا مش فارقة كتير؟
كمان ايه اللي بيتعمل في صيانة الألف وبتتكلف كام؟
هل في فرق بين سعر الزيت والفلتر من برا عن التوكيل؟ وكمان هل لو الفرق كبير ينفع اشتريهم من برا واديهولهم ولا إيه؟
معلش ياجماعة اسئلتي كتيرة بس اصلي مستجدة بقي وانتوا عارفين اول صيانة بتكون مقلقة شوية (لأ شويتين تلاتة كمان :ma:)

---

كل سنة وانت طيبة الاول واسف علي التاخير في الرد بالنسبة للصيانة في قليوب مش زحمة زي ابو رواش وانا رحت من غير ما احجز ولا حاجة بس رحت بدري ووقفت في طابور الدخول ودخلت وما سالونيش عن الميعاد وقعدت تقريبا 3 ساعات والتكلفة الكلية للصيانة 137 جنية زيت 5000 وفلتر والمصنعية اول الف مجانا بس لو في حاجة لاقدر الله بتشتكي منها لازم تقوليلهم عليها في الاول قبل الصيانة وربنا يوفقك

يا جماعه هيا ممكن تروح اى مركز معتمد وبرضه هتعرف تاخد حقها عشان المركز بيديها فاتوره تقدر تاخد حقها من اى حد ومش هتفرق من صيانه الالف فى الضمان اهم حاجه انها متسبش مرتين ورا بعض وربنا يوفقك