كوبري الكيلو 4.5 (برضه مافيش فايدة) !!!

**Samir Elshahawy** · 24-08-2009 02:42 PM

أنتوا مش واخدين بالكوا من موضوع المنحني اللي قبل الكوبري ده , هما أصلا ناويين بعد كده يحولوا الطريق كله جهة اليمين , يعني هما عملوا الكوبري الاول و بعد كده أكتشفوا انهم لازم يعملوا له طريق

و رمضان كريم بقي

**Mohamed.Ramah** · 25-08-2009 01:39 AM

انا حقولك الحل اللى مفروض يتعمل حضرتك سواء طالع او نازل الكوبر فحضرتك تبقى قافل الزجاج كلة وماشى بسرعتك العادية وتفادى بس الميكروبصات والعربيات وتسيب اللى يعد يعدى من قدامك من جمبك من وراك ومتشغلش بالك اللى يتخبط او يجرالوا حاجة هو يتحمل نتيجة غلطة وبعد كدة حيفكر 100 مرة قبل مينزل او يعدى من الحتة دة تانى وشوية بشوية حيقلوا خالص لان حضرتك ممكن من فرملة مفاجئة او جامدة بسبب انك تفادى حد بيعدى يحصل ان العربيات اللى وراك مش حتهدى وكلوا حيخش فيك او ممكن العربية تلف فيحدث كارثة للسائق ومن معة فى العربية لاقدر الله وربنا يحفظنا ورمضان كريم

**D . a .\ AYMAN** · 28-08-2009 03:33 PM

المشاركة الأصلية كتبت بواسطة se_coralsea

أنتوا مش واخدين بالكوا من موضوع المنحني اللي قبل الكوبري ده , هما أصلا ناويين بعد كده يحولوا الطريق كله جهة اليمين , يعني هما عملوا الكوبري الاول و بعد كده أكتشفوا انهم لازم يعملوا له طريق

و رمضان كريم بقي

الطريق لسة فعلا هايتعمل فيه تعديلات كتير ومنها توسعه للإتجاهين غير إنه لسة الطريق كله هايتحرك ناحية الكوبري شوية

ياجماعة الخير .. الصبر ... مش مهم لما كام واحد يموتوا لغاية مايخلص المشروع الكبير ده ... المهم إن إحنا نصبر لغاية مايخلص

**ابوهاشم** · 29-08-2009 02:13 PM

دى كارثه
موقف ميكروباص على منزل كوبرى
ربنا يستر

**Amrrr** · 31-08-2009 12:42 PM

المشاركة الأصلية كتبت بواسطة NYSMA

ياجماعة الخير .. الصبر ... مش مهم لما كام واحد يموتوا لغاية مايخلص المشروع الكبير ده ... المهم إن إحنا نصبر لغاية مايخلص

انت خليتني ضحكت بجد وانا قاعد في الشغل عالكلمة بتاعة كام واحد يموتوا

**amr_elrashidy** · 31-08-2009 01:49 PM

ده غير ده كله ان فى ناس مش عارفه الطريق اقصى اليمين جنب الكوبرى بيودى على فين مع ان فى لوح دلوقتى و بتقف تسأل على اول الكوبرى او بتشاور عقلها الطريق ده بيودى الاوتوستراد ولا فين..و صباح الكوارث لما تيجى بتجرى و تلاقى فجأه واحد من دول واقف عاوز يجيب بضهره عشان غير رايه و عاوز يطلع الكوبرى..المشكلة كلها الكلام ده يتعمل فى طريق جوه البلد ماشى كوارثه حتبقى قليلة..انما 4.5 دى منطقة سكانيه شديدة الازدحام و كمان اولها على طريق سريع يعنى كوارث مؤكده...ربنا يستر

**Samir Elshahawy** · 02-09-2009 01:05 AM

النهاردة و انا راجع العصر من الشغل وقفت علي جنب علشان أصور لكم المنظر ده
ده الطريق المؤدي الي الكيلو 4 و نص في أتجاه طريق السويس و القادم من ألماظة
المنطقة دي أمام معهد المشاة بعد اليوتيرن مباشرة

بالذمة ده منظر يرضي حد ؟؟ يعني لو عربية جاية بالليل و اللي سايق مايعرفش الطريق أيه اللي ممكن يحصل له ؟؟

و علي فكرة كانوا حاطين حجر كبير بأرتفاع حوالي 80 سم من يومين أمام الحفرة دي و كنت بصراحة و أنا راجع و بأتخطي أوتوبيس من اليسار ها ألبس فيها لولا ان شمالي كان فاضي فدخلت من بينها و بين الرصيف

و حسبي الله و نعم الوكيل

**D . a .\ AYMAN** · 02-09-2009 01:00 PM

على فكرة أنا من زمان برضه في نفس الحتة دي أول ما سكنت في التجمع وابتدي أعرف الطريق ده ... يعني من حوالى 5-7 سنوات مش متأكد أنا عرفت الطريق ده إمتى بصراحة

نفس الحفرة دي أو واحدة شبهها كده ( هية كانت قريبة من مدخل الهجانة كده في ملف ناحية اليسار قليلا بعديه ) لبستها وأنا ماشي بسرعة 100 كيلو / الساعة والنتيجة تلف الجنط الخاص بالسيارة تماما وربنا ستر عرفت أمشي عليه وهوة بايظ قبل مايفضى لغاية ماوصلت المنزل .. لأن الكلام ده كان الساعة واحدة أو إتنين بالليل وماكنش ينفع أقف وانا معايا الولاد والمدام في منطقة كانت وقتها مرعبة عن دلوقتي كتير

**Amrrr** · 02-09-2009 01:47 PM

واناحية التانية بيرصفوها وشايلين طبقة من الأسفلت والناس بتمشي عليها بنفس سرعتها مش بتهدي مش عارف هو المفروض لما يبقى الاسفلت عبارة عن خطوط وطبقات وفي معدات في الشارع عاليمين شوية وعالشمال شوية العربيات تمشي على كام ؟

-

الموضوع: كوبري الكيلو 4.5 (برضه مافيش فايدة) !!!

LinkBack

أدوات الموضوع

عرض

-

-

-

-

-

-

-

المواضيع المتشابهه

لماذا؟ مافيش فايدة

لماذا؟ مافيش فايدة

مافيش فايدة.... (منقول من الايميل)

الكلمات الدلالية لهذا الموضوع

المفضلات

المفضلات

ضوابط المشاركة