هو بنزين 92 فيه حاجه

انا امبارح عديت علي محطة البنزين مالقيتش 92 و انا رايح الشغل برضه مالقيتهوش في محطة تانيه هو في حاجه يعني حيغلوه و لادي مصادفه ياريت لو حد جرب يقول الله يطمنكم

صدفه

فى الصيف و قبل رمضان علطول كل سنة بيحصل الكلام دا
عادى متقلقش مش هيغلوه و لا حاجة

صدفة

لا عادي البنزين متوفر بس برضه انا زيك مشيت على 3 محطات وطنية ماكنش فيهم و 2 موبيل كمان

بس لقيت في الباقي عادي جدا جدا
هو بس غالبا عشان الناس بتلف كتير قبل رمضان عشان بيشتروا حاجات فالاستهلاك بيزيد

لا عادى صدفة

الصيف بيبقى سحب البنزين فى اعلى ودا عشان المصايف والسفر والفسح الكتير فابيذيد الضغط أكثر

شكرا يا جماعة هي طلعت صدفه فعلا
شكرا جزيلا لردودكم

وقلقان ليه يامان ماهو لو غلى انت هتشتريه برضوا زيك زينا واحنا فاتحين بقنا بابتسامه ملهاش معنى وبسلبيه جميله مننا كلنا

انا بطلت اسال عن سعر اى شئ فى مصر لان مافيش حاجه بتتغير ولا بتتعمل لو الاسعار عليت بدون مبرر

كل اللى بعمله معايا بشترى مش معايا مش بشترى

حصلت معايا في الساحل الشمالي أيام اجازة عيد 23 يوليو

محطات البنزين كانت زحمه جدا والبنزين 92 ملقيتوش غير بعد ما عديت لى 4 محطات

وشكيت فعلا انهم هيغلوه بس طلع بسبب الضغط على المحطات في اليوم دة ومعظم العربيات دلوقتي بتستعمل بنزين 92