قدامي لانسر و محتاج نصيحة في سعرها

**Akram** · 24-10-2007 11:28 PM

انا قدامي لانسر كرستالة مو 99 لونها أسود و عاملة 170 ألف ك و العربية عادة و بدون فتحة سقف , و الدواخل فابريكة و بها تكييف و إزاز كهرباء و سنتر و التسجيل الأصلي,
و العربية فيها شوية خدوش و محتاجة سمكرة بسيطة و دوكو خارجي كامل و تغيير الإكصدام الأمامي و التكييف يحتاج صيانة و الفرش متبهدل شوية,
فممكن حد يسعرلي العربية دي... :roll: :roll: :roll:
و شكراً مقدماُ ......

**Dr Ahmed** · 24-10-2007 11:36 PM

50 - 55 ألف

**Akram** · 25-10-2007 12:24 AM

شكراً د أحمد للرد السريع, بس انا واحد صاحبي لسه شاري عربية كرستالة مو 98 كاملة اوتوماتيك و فتحة سقف و جنوط و لونها فضي و حالتها ممتازة و بسعر 55 ألف,,,
على فكرة هو صحيح ان اللون الاسود في العربيات دي مش مرغوب أو بيعه تقيل زي ما سمعت......

**Dr Ahmed** · 25-10-2007 12:35 AM

55 سعر مش معقول للعربية اللى حضرتك بتقول عليها ، غالبا فيها مشكلة أو معدية ال 200 ألف كيلومتر..
الأسود من أبواب التلاكيك فى السعر ليس إلا..
بعد زيادة أسعار اللانسر موديل 99 غالبا مش هتنزل عن 50 ألف وحسب الحالة

**hazem_khidr** · 25-10-2007 07:08 AM

عربيه بالحاله اللي بتقول عليها
تكييف بايظ و سمكره و دوكو كامل و اكصدام يبقي تمنها م يزدش عن 51 او 52 بالكتير.
الشعل اللي فيها مش اقل من 3000 او 4000 جنيه مستريح

**sab3aawy** · 25-10-2007 09:20 AM

ماهو معنى انها مخبطة من برة وصالونها مبهدل من جوة ان الميكانيكا والعفشة بتاعتها مش هتختلف عن كدة كتير

يعنى نحسبها
تكيف كامل استيراد فى حدود 3000 جنيه
سمكرة وبوية واكصدام 2000 جنيه مع الرأفة
تظبيط الصالون 1000 جنيه(ده لو التابلوه سليم، لو هتغير تابلوه دى قصة تانية)
عفشة وآلات جر وفرامل وشوية تظبيط للموتور، من 2000 الى 3000 جنيه

يعنى بنتكلم من 8 -9 آلاف جنيه علشان تبقى عربية بنت ناس، واسمها فى الآخر عربية مشدودة مش عربية بيتى

لو عازرأييى، الخمسين كتير عليها ودور على حاجة انضف احسن

**وائل عطية** · 25-10-2007 09:23 AM

المشاركة الأصلية كتبت بواسطة sab3aawy

ماهو معنى انها مخبطة من برة وصالونها مبهدل من جوة ان الميكانيكا والعفشة بتاعتها مش هتختلف عن كدة كتير

يعنى نحسبها
تكيف كامل استيراد فى حدود 3000 جنيه
سمكرة وبوية واكصدام 2000 جنيه مع الرأفة
تظبيط الصالون 1000 جنيه(ده لو التابلوه سليم، لو هتغير تابلوه دى قصة تانية)
عفشة وآلات جر وفرامل وشوية تظبيط للموتور، من 2000 الى 3000 جنيه

يعنى بنتكلم من 8 -9 آلاف جنيه علشان تبقى عربية بنت ناس، واسمها فى الآخر عربية مشدودة مش عربية بيتى

لو عازرأييى، الخمسين كتير عليها ودور على حاجة انضف احسن

+1000

**Akram** · 25-10-2007 10:12 AM

شكراً للرد يا جماعة , بس كنت عايز أوضح انها ملك لواحد صاحبي و انا عارف ان الموتور و العفشة كويسين و المشكلة ان صاحبي مكنش مهتم بالمظهر الخارجي للسيارة أو بفرش الصالون أما بالنسبة للكتييف هو بيقول انها مشكلة بسيطة (فيه ماسورة محتاجة تتغير تمنها مش هيزيد عن 100ج - حسب كلامه و مكنش فاضي يظبطه),
انا عارف ان السمكرة و الدوكو و الإكصدام في حدود 2000ج و فرش للصالون في حدود 200ج و تغيير الزيوت و السيور و شوية تظبيط يبقى كله 3000 ج و تبقى عربية كويسه,
أنا وديتها لواحد (كهربائي) معرفة و بيقلب في العربيات , و قاللي انها تساوى 47 ألف, لكن صاحب العربية عايز يتمنها و يشوف تسوى كام بالضبط.......
فإيه رأيكم في السعر ده ......
انا عارف إني هتقل عليكم بس علشان الفطار الجميل اللي جمعنا و علشان أحلى منتدى ياريت تقولولي رأيكم :-) :-) :-)

**Sharky** · 25-10-2007 10:18 AM

من 46 إلى 48 الف حلو عليها دا رأى الشخصى

**modux** · 25-10-2007 10:41 AM

المشاركة الأصلية كتبت بواسطة sharky

من 46 إلى 48 الف حلو عليها دا رأى الشخصى

+1

الموضوع: قدامي لانسر و محتاج نصيحة في سعرها

LinkBack

أدوات الموضوع

عرض

قدامي لانسر و محتاج نصيحة في سعرها - انشر الموضوع فى :

-

-

-

-

-

المواضيع المتشابهه

ضرورى جدا محتاج حجات لعفشه الماروتى محتاج اعرف سعرها

كوميديا عن حرامي غبي سرق عربية قدامي و اتجابت قدامي بعدها بايام

قدامي لانسر 2006

قدامي لانسر 2001 متعدله الشكل الجديد بومه

قدامي لانسر 2007 عاملة 3000 كيلو بس

الكلمات الدلالية لهذا الموضوع

المفضلات

المفضلات

ضوابط المشاركة