صيانة ال 35000 للياريس وشكر وإحترام لتويوتا إيجيبت
الاول نتكلم عن صيانة ال 35 الف عملتها من حوالى اسبوعين
تم تغيير زيت وفلتر وكل الفحوصات اللازمة وكان عندى شكوى من التكييف انه ضعيف شوية وعلى كلام المهندس انهم نضفو شوية حاجات فيه واداءه اتحسن كتير الحمد لله
وكذلك الفرامل اتحسنت شوية بعد الصيانة
وكان الغطا الجلد بتاع الفتيس واقع نسيت اقولهم عليه لقيته معمول من غير ما اقول
يعنى إجمالا الصيانة كانت ممتازة
ودفعت حوالى 530 جم
لحد هنا كويس ومبسوط 100 100 :vctry:
روحت البيت وخرجت بالليل مع اخويا لقيته بيقولى الحق الفوانيس مالها بصيت عليها لقيت الاتنين مشرخين
http://www.up-00.com/oqfiles/NU416922.jpg
http://www.up-00.com/oqfiles/aKg17480.jpgطبعا اتضايقت جدا وقلت ربنا يعوض عليا والى ضايقنى اكتر انى مكونتش خبطت العربية ولا اعرف ايه السبب فى كده وواضح طبعا ان الفانوس الشمال حالته تعتبر كويسة بالنسبة لليمين
قعدت افكر لحد ما افتكرت ان العامل وهو بيغسل العربية الكبوت هبد منه شوية قلت يمكن هو ده السبب
وقررت انى اطلع تانى يوم على التوكيل كمحاولة فاشلة لعمل اى حاجة
دخلت للمهندس وحكيتله طلع معايا وقالى لايمكن الكبوت وفتحه وورانى جلد الكبوت بينزل عليها لو اتهبد
وقالى دول اكيد عيب صناعة ودخل على المكتب وحجزلى فانوسين تويوتا ياريس بس كنا اتاخرنا والتركيب بياخد حوالى ساعتين
عديت تانى يوم ركبت الفانوسين والعربية اتغسلت وكله فى الضمان
http://www.up-00.com/oqfiles/xLS18219.jpg
http://www.up-00.com/oqfiles/g2M18220.jpg
بجد انا كنت فعلا رايح ومش فى بالى انهم ممكن يتغيرو فى الضمان
فعلا حسيت ان التوكيل محترم وان فلوسى فى امان :36_1_34[1]: