الموضوع: اغنيه جريئة جدا عن المصريين لعلى الحجار (ممنوعه )

كلمات اغنيه _ على الحجار _ يا مصرى ليه

[rplayer]http://www.6rbtop.com/listen.php?song_id=19342&type=au&q=hi[/rplayer]

يا مصري ليه دنياك لخابيط و الغُلب محيط
و العنكبوت عشش عالحيط و سرح عالغيط
يا مصري قوم هش الوطاويط كفاياك تبليط
صعبة الحياة و الحل بسيط حبة تخطيط..

فتحت باب استيرادك.. و صرفت فوق ضعف إيرادك
حلي للخواجة استكرادك.. سابك بتقرا في أورادك
و ده قشَطّكْ و نزل تشفيط..

و مهولاتي تحب تزيط...
ساعة الفرح زغاريط تنطيط...
و في المياتم هات يا صويت..
و في المظاهرات سخن تشيط ..
و في الإنتخاب تنسي التصويت...

و ليه بترشي و تتساهل ... و تضيع حقوقك بالساهل
تستاهل النار تستاهل..
يا غويط و يحسبك الجاهل
ساهل و ساهي و غبي و عبيط..

يا مصري ياللي الغلا عاصرك...
و النهب في عصرك حاصدك
قوم للحياة و اسبق عصرك.. و لا حاجة حترجع مصرك
إلا ان تكون شغال و نشيط.

....................*
كلمات: سيد حجاب
ألحان: ياسر عبد الرحمن
غناء: علي الحجار

بس على فكرة الاغنية مش ممنوعة

انا سمعت ان الشريط كله اللى فيه الاغنيه مانزلش رسميا
والدليل كمان ان الصوت والموسيقى مش بالنقاء الجيد