اغيير رشاشات والا فى حل تانى

**MMamdouh** · 16-08-2009 04:54 PM

فى الحدود ال12 الى 13 اوم بس دة مش حيبين حالة الرشاش اذا كان بيسيل ولا لا

MMamdouh

**samirayad** · 16-08-2009 05:09 PM

لانى مهندس كهرباء على فكرة انا باشتغل فى مصنع دز جريش بتاع الز جاج لو حد عاوز خدمة واكون تحت امره واقدر اخدم لو فى امكانى

دى فرصه طيبه يابشمهندس : أحمد
وأنا على فكره بأعمل زجاج سكيوريت عندكم كتير لغرف قيادة (البريدج أو الباساريلا ) للوحدات البحريه عندى بهيئة قناة السويس
وعلى طول مناديب الشراء بتوعنا موجودين فى العاشر علشان موضوع الزجاج ده....أو بيرحوا شركة أما للهيدروليك بالعاشر
المهم دى فرصه طيبه ......ويلريت تكتبلى رقم محمولك ....علشان أبقى أكلمك بخصوص أى حاجه أنا عاوزها من العاشر

طبعا باعرف اقيس بالافوميتر

ده كلام جميل بابشمهندس
وعزرا أنا مكنتش عارف أن حضرتك مهندس كهرباء .
وكده أتحلت والحمد لله

بس طبعا مقاومتهم تكون فى RANGE كام

شوف ياهندسه .....المفروض يكون مدى مقاومة الرشاش فى الحدود من 11.6 الى 12.4 أوم
لأننا كما تعرف فان المقاومه بتزداد قليلا مع أرتفاع درجة الحراره
والمقاومه عكس الأمبير من قانون أوم
وبما أن قوة الشد المغناطيسى ( الجذب الكهربى ) لأى ملف بتتبع العلاقه
electro-magnetic force =ampere x turnes
يعنى قوة الجذب بتزداد مع الأمبير اللى رايح لملف الرشاش لأن عدد لفات ملف الرشاش ثابت....
وبالتالى زيادة المقاومه حتقلل الأمبير .....أذا حتقل قوة الجذب الكهربى الخاصه بملف الرشاش مع زيادة مقاومته لأن الأمبير حيقل
علشان كده الكتالوج مدى الrange بتاع 11.6 الى 12.4 أوم
وأكبر من كده ..........أرمى الرشاش

**samirayad** · 29-08-2009 06:43 PM

علشان كده الكتالوج مدى الrange بتاع 11.6 الى 12.4 أوم

ده رينج الكتالوج .....يابشمهندس : أحمد

عدد 2 رشاش : 12.4 اوم

ودول بيمثلوا الحد الأقصى .....يعنى مقبولين

رشاش 12.8 اوم
رشاش 12.9 اوم

ودول عدوا الحد الأقصى بحاجه بسيطه
يعنى تقريبا 0.5 أوم .....
يعنى أن شايف أن دى حاجه بسيطه
لاتستدعى تغيير الرشاشات

وبعدين أنت ممكن تقولنا برضه أن الحيود ده غير مؤثر على أى ملف كهربى ولالا
على أساس أدى العيش لخبازه برضه ياريس
بالنسبه لى بالبلدى كده .......شايفها ماشى الحال
الى حد ما
منتظر رأيك الفنى .....فى نسبة الحيود دى معقوله ولالا
وراعى أن ده لملف بيغذيه جهد كهربى ضعيف (12 فولت يعنى )

**waleed_home** · 29-08-2009 11:01 PM

المشاركة الأصلية كتبت بواسطة samirayad

طبعا مفيش بعد كده كلام لأن
injector base pulse width (زمن فتح الرشاشات على السلانسيه ) بتساوى 8 مللى ثانيه
وأنا أحيى هذا الميكانيكى على تشخيصه الصح ...حينما أشار الى الكلام ده
وده ملوش غير معنى واحد ....مقاومة السولونويد بتاع الرشاشات مش كويسه ....وبكده ملف جذب قلب الرشاش مبيبقاش قادر على تثبيت القلب
وقت ضخ البنزين وقت السلانسيه
يعنى القلب بيلعب جوه الرشاش ....وده فى زمن بسيط للغايه
وبكده المكنه بتترج وقت السلانسيه

هل ممكن يكون الكنترول السبب فى اختلال زمن فتح الرشاشات بأعتبارة هو ال بيحدد الزمن ده ؟

**samirayad** · 30-08-2009 12:03 AM

طبعا كل شىء وارد
أساسا وحدة التحكم جواها دايره ألكترونيه مصممه من أجل التحكم فى زمن فتح الرشاشات وأسمها
injectors drive circuit
الدايره دى من خلال العقل المدبر جوه الوحده (البروسيسور )
بتروح قافله خط الأتصال الأرضى للرشاشات وبكده بيتم أثارة الرشاشات كهربيا مع التحكم فى زمن ووقت الفتح لرشاش معين (حسب ترتيب الحريق )
طبعا لو حصل أى خلل فى أى مكون من مكونات الدايره بتاعة قيادة الرشاشات .......أيه اللى حيحصل
باظت العمليه