أنا اشتريت و رخصت رومستر كومفورت

**omar91119** · 25-01-2010 01:08 PM

شويه صور للعربيه ويبقى تمام ولو تقولنا ههو العداد اخره كام
240 ولا اكتر
وهل هيا يبقى فيها فئه اعلى من الكمفورت

والعى فئه بكام

وتقيمك الشخصى ليها ويبقى تمام اوى

والف مبروك

وربنا يكرمك

تحياتى

**yehia** · 27-01-2010 01:03 AM

ألف مبروك عليك يا باشا وإن شاء الله يرزقك خير ما فيها ويكفيك شر ما فيها ......

بس ياريت حضرتك تتأكد من موضوع الـ esp ده لأنه لو موجود فعلا تبقى عربية تحفة من حيث امكانيتاها وسعتها الداخلية ....

اللي خلاني أطلب من حضرتك الطلب ده اني معايا البروشور بتاعها ومش مكتوب فيه موضوع الـ esp .... فهل فيه زرار عند حضرتك مكتوب عليه كده ومهمته فصل هذا النظام عند الحاجة ؟

**Ahmad Aboul Fotouh** · 28-01-2010 02:59 PM

المشاركة الأصلية كتبت بواسطة fmohiy

الحمد لله أخيراً جبت الرومستر كومفورت سودا ب 127,000
العربية الحمد لله جميلة

أول ما جبتها كانت لمبة ال-epc منورة،
بعد يومين لقيت لمبة ال-stop مش شغالة ، قمت رايح لغمرة و هناك عملو كل حاجة. كان الموضوع فيوزات

العربية فيها esp و cruise control
و فيها bluetooth و سقف بانوراما
الفتيس أوتوماتيك ست سرعات
الحاجات دي لو في عربية تانية يبقى مش أقل من 150 160 ألف

في غمرة لقيت حوالي خمسة عندهم بيعملو صيانة و كلمت منهم اتنين كانو مبسوطين أوي بيها

أنا أرشح العربية دي لاي حد عايز عربية عائلية مميزة بقدرات عالية و options موش عند حد.

أي إستفسار أنا تحت أمركم.

العربيه ماشاء الله بالنسبه لسعرها ,واسعه اوي من وراو كفايه ان الكراسي اللي ورا بتتشال خالص

وطبعا انته راكب الماني و ده لوحده بفلوس, ياه فكرتني بالالماني

**د.محمد الشيخ** · 29-01-2010 10:56 AM

المشاركة الأصلية كتبت بواسطة omar91119

شويه صور للعربيه ويبقى تمام ولو تقولنا ههو العداد اخره كام
240 ولا اكتر
وهل هيا يبقى فيها فئه اعلى من الكمفورت

والعى فئه بكام

وتقيمك الشخصى ليها ويبقى تمام اوى

والف مبروك

وربنا يكرمك

تحياتى

يبدو ان الاستاذ فادى مشغول فالى ان يتواجد ويتابع الموضوع حقوم بالرد نيابة عنه بصفتى احد مالكى العربية فى المنتدى
نعم العداد اخره 240
نعم الكمفورت اعلى فئة وسعرها الان 147000
التقييم الشامل ياتى باذن الله وتقريبا من اسئلة الاعضاء نقدر نوصل للتقييم الشامل

المشاركة الأصلية كتبت بواسطة yehia

ألف مبروك عليك يا باشا وإن شاء الله يرزقك خير ما فيها ويكفيك شر ما فيها ......

بس ياريت حضرتك تتأكد من موضوع الـ esp ده لأنه لو موجود فعلا تبقى عربية تحفة من حيث امكانيتاها وسعتها الداخلية ....

اللي خلاني أطلب من حضرتك الطلب ده اني معايا البروشور بتاعها ومش مكتوب فيه موضوع الـ esp .... فهل فيه زرار عند حضرتك مكتوب عليه كده ومهمته فصل هذا النظام عند الحاجة ؟

نعم موجود وله زرار منفصل (طبعا بنتكلم على الكمفورت)
واى استفسار اخر تحت امركم

**homos99** · 25-04-2010 05:16 PM

اولا الف مبروك لصاحب الموضوع ,,,, تاني حاجة كنت عايز اعرف
فيه اير باجز؟؟؟ وأي بي اس ؟؟؟ وستيبترونيك ولا اتوماتيك؟؟؟؟
وايه الاوبشنس اللى فيها ؟؟؟طبعا اعلى فئة.. وكمان هية ليها قطع غيار برة ولا مش موجودة غير في التوكيل بس....واسعارها عاملة ايه ؟؟؟؟؟؟؟؟؟؟
علما ان احنا حاجزين الكارينز من فترة وزهقنا بصراحة من مماطلة التوكيل وبنفكر في الفوكس ستيشن مين أفضل ؟؟؟؟؟؟؟؟

**sakrquraish** · 25-04-2010 05:40 PM

mabroooooooooooooooooooooooook

**Mosso** · 18-07-2010 01:07 AM

ممكن اعرف ايه مواصفاتها و تقييمها بعد المده دي؟؟
و ايه اخبارها في السفر و الطرق الطويله؟
و ايه اخبار التكييف؟
و هل الزجاج فيميه؟
و ايه اخبار اسعار الصيانات و قطع غيارها؟؟
و ايه اخبار توكيلها؟؟
و يا ريت اعرف باقي الكماليات لاني بقارن بينها و بين الكارينز جديا لاني محتاج سياره واسعه و مريحه في السفر,
اسف لكتر الاسئله, و شكرا,,,